IDFI-ის ადვოკატირების აქტივობები 2011 წელს

ადვოკატირება 28 აპრილი 2014

2011 წლის განმავლობაში IDFI-ის (ინფორმაციის თავისუფლების განვითარების ინსტიტუტის) ადვოკატირების საქმიანობა დაკავშირებული იყო ინფორმაციის თავისუფლების და ხელმისაწვდომობის საკითხებთან. ორგანიზაციის ადვოკატირების სტრატეგია მოიცავდა საჯარო დაწესებულებებთან თანამშრომლობას, მათი მისამართით რეკომენდაციების გაცემას, კონფერენციებში თუ სხვა შეხვედრებში მონაწილეობას და ინფორმაციის თავისუფლების შესახებ ადგილობრივი თუ საერთაშორისო ინიციატივების მხარდაჭერას;

 

2011 წლის 28 იანვარს 131 არასამთავრობო ორგანიზაციამ, საგამოძიებო ჟურნალისტიკის წარმომადგენლებმა და ინფორმაციის თავისუფლების დამცველებმა ევროპის 48 ქვეყნიდან ხელი მოაწერეს მიმართვას, რომლითაც მოუწოდეს ევროპარლამენტს ევროპაში ინფორმაციის თავისუფლების პრინციპების დასაცავად. 

 

IDFI ერთ-ერთია იმ 36 ორგანიზაციას შორის, რომლებმაც ხელი მოაწერეს მიმართვას გამოხატვისა და ინფორმაციის თავისუფლების დასაცავად. რეიკიავიკის 2009 წლის 29 მაისის ანტიტერორისტული დადგენილების მიღების შემდეგ, ევროსაბჭოს წევრმა სახელმწიფოებმა დააყენეს ინფორმაციის ხელმისაწვდომობის თავისუფლებასა და გამოხატვის თავისუფლებაზე აღნიშნული კანონმდებლობის შესაძლო ნეგატიური გავლენის შესწავლის საკითხი.

 

ინფორმაციის თავისუფლების განვითარების ინსტიტუტმა პროექტის -"საქართველოს საჯარო დაწესებულებების საინფორმაციო რესურსების მონიტორინგი"- ფარგლებში ჩაატარა საქართველოს სამინისტროებისა და სამინისტროებთან არსებული საჯარო უწყებების ოფიციალური ვებ-გვერდების საინფორმაციო გამჭვირვალობის დეტალური ანალიზი. შემუშავდა დეტალური რეკომენდაციები საჯარო დაწესებულებების ვებ-გვერდების ხარისხის ამაღლებისა და ინფორმაციის ხელმისაწვდომობის თვალსაზრისით. აღსანიშნავია ის, რომ საჯარო დაწესებულებებმა გამოთქვეს მზაობა, რომ IDFI-თან ითანამშრომლებენ;

 

2011 წლის 30 აგვისტოს საქართველო გამოეხმაურა ამერიკის შეერთებული შტატების პრეზიდენტ ბარაკ ობამას და ბრაზილიის პრეზიდენტ დილმა რუსოფის მიწვევას და განაცხადა მზადყოფნა აქტიური მონაწილეობა მიეღო "პარტნიორობაში ღია მმართველობისათვის" როგორც “რეგიონულ ლიდერს” და მიემართა ღია მმართველობის გამოწვევებისათვის 21-ე საუკუნეში.

 

2011 წლის 16 მარტს ინსტიტუტმა ღია წერილით მიმართა ეროვნული უშიშროების საბჭოს მდივანს, რომლითაც მოუწოდა მიეღო გადაწყვეტილება ეროვნული უშიშროების საბჭოს ოფიციალური ვებ-გვერდის შექმნის დაჩქარებისა და მისი ინტერნეტ სივრცეში განთავსების თაობაზე. მიმართვაში საუბარი იყო ორგანიზაციის საქმიანობის შესახებ და დასაბუთებული იყო საბჭოს მხრიდან მისაღები გადაწყვეტილების მიღების საჭიროება;

 

29-31 ივლისს IDFI-მ უმასპინძლა საერთაშორისო კონფერენციას ინფორმაციის თავისუფლების თემატიკისადმი. კონფერენციაზე ინფორმაციის თავისუფლების საკითხებზე მომუშავე არასამთავრობო და ადამიანის უფლებების დამცველი ორგანიზაციების წარმომადგენლები, ჟურნალისტები და ადვოკატები საქართველოდან, სომხეთიდან, აზერბაიჯანიდან, აშშ-დან, რუსეთის ფედერაციიდან, უკრაინიდან, ბულგარეთიდან, ყაზახეთიდან განიხილავენ ინფორმაციის თავისუფლების სფეროში არსებულ საერთო პრობლემებსა და მიღწევებს.


2011 წელს განხორციელებული ადვოკატირების საქმიანობები თავის მხრივ წინა წლებში ორგანიზაციის მხრიდან ამ მიმართულებით დაწყებული მუშაობის შედეგი გახლდათ;

სხვა მასალები ამ თემაზე
სიახლეები

ტრენინგი თემაზე "FATF-ის მე-8 რეკომენდაცია არაკომერციული იურიდიული პირებისთვის"

01.06.2020

5G ტექნოლოგია, რუსული დეზინფორმაცია და კორონავირუსი

27.05.2020

ივანე ჯავახიშვილი და საქართველოს დამოუკიდებლობა

26.05.2020

ბენიამინ (ბენია) ჩხიკვიშვილის მემორიალური ალბომი

26.05.2020
განცხადებები

პარლამენტმა მხარი არ უნდა დაუჭიროს კანონპროექტს ინფორმაციული უსაფრთხოების შესახებ

29.05.2020

IDFI-ი მოუწოდებს საქართველოს პარლამენტს არ დაუშვას კანონპროექტის დაჩქარებული წესით მიღება

20.05.2020

IDFI-ის განცხადებით ხელისუფლებამ უნდა გააკეთოს მკაფიო განმარტება მოსალოდნელი შეზღუდვების სამართლებრივი საფუძვლების შესახებ

15.05.2020

პარლამენტმა სასამართლოს აქტების ხელმისაწვდომობის უზრუნველსაყოფად განსახორციელებელი საკანონმდებლო ცვლილების მიღება გადადო

02.05.2020
ბლოგპოსტები

ივანე ჯავახიშვილი და საქართველოს დამოუკიდებლობა

26.05.2020

მეორე მსოფლიო ომში გამარჯვების დღის მითვისება რუსული პროპაგანდის მიერ

08.05.2020

საქართველოს მოსახლეობის დამოკიდებულება პროკურატურის მიმართ

04.05.2020

ქართული პრესისა და ბეჭდვითი მედიის ცენზურის მიმოხილვა

03.05.2020