IDFI-მ ღია წერილით მიმართა ეროვნული უშიშროების საბჭოს მდივანს

სიახლეები 16 მარტი 2011

ღია წერილი

 

 

ეროვნული უშიშროების საბჭოს მდივანს

-გიგა ბოკერიას

ბატონო გიგა,

 

პირველ რიგში გვინდა მოგახსენოთ ჩვენი ორგანიზაციის შესახებ. „ინფორმაციის თავისუფლების განვითარების ინსტიტუტი“ არის არასამთავრობო, არაკომერციული ორგანიზაცია. ინსტიტუტის საქმიანობა მიმართულია საქართველოში საჯარო ინფორმაციის ხელმისაწვდომობის ხელშეწყობაზე, ასევე, სამთავრობო ვებ-რესურსების განვითარებით ხელისუფლების ღიაობისა და გამჭვირვალობის და ზოგადად, საქართველოში კარგი მმართველობის სისტემის გაუმჯობესებაზე.

 

გვინდა ავღნიშნოთ, რომ უკანასკნელი რამდენიმე წლის განმავლობაში არ ფუნქციონირებს ეროვნული უშიშროების საბჭოს ოფიციალური ვებ-გვერდი, რის გამოც საქართველოს მოსახლეობას და დაინტერესებულ საზოგადოებას არ აქვს საშუალება თვალყური ადევნოს ეროვნული უშიშროების საბჭოს საქმიანობას. იმის გათვალისწინებით, რომ ეროვნული უშიშროების საბჭო წარმოადგენს უმნიშვნელოვანეს ორგანოს სახელმწიფოს სტაბილურობისა და მართლწესრიგის საკითხებში, ეროვნულ უშიშროებასთან დაკავშირებული პოლიტიკის, სამხედრო აღმშენებლობისა და ქვეყნის თავდაცვის და უსაფრთხოების სტრატეგიის დაგეგმვა-ორგანიზებაში,  „ინფორმაციის თავისუფლების განვითარების ინსტიტუტს“ მიზანშეწონილად მიაჩნია მოგმართოთ თხოვნით, რომ მიიღოთ გადაწყვეტილება ეროვნული უშიშროების საბჭოს ოფიციალური ვებ-გვერდის  შექმნის დაჩქარებისა და მისი ინტერნეტ სივრცეში განთავსების თაობაზე.

 

აღნიშნული გადაწყვეტილება უპირველეს ყოვლისა ხელს შეუწყობს საქართველოს მოსახლეობის მიმართ საბჭოს ანგარიშვალდებულების გაზრდას, უფრო გამჭვირვალეს გახდის მის საქმიანობას იმ ნაწილში, რომელიც არ ექვემდებარება გასაიდუმლოებას, რაც, აგრეთვე, იქნება კიდევ ერთი წინ გადადგმული ნაბიჯი საქართველოში ელექტრონული გამჭვირვალობის სფეროს განვითარებასა და ზოგადად საქართველოში საჯარო ინფორმაციის ღიაობის ხარისხის ამაღლების მიმართულებით.

 

მისასალმებელი იქნება, თუ უშიშროების საბჭოს ოფიციალური ვებ-გვერდის შექმნაში ჩართულნი იქნებიან მედიის, არასამთავრობო ორგანიზაციების და საზოგადოების დაინტერესებული წარმომადგენლები, რაც შესაძლებლობას მისცემს უშიშროების საბჭოს შექმნას თავის საქმიანობაში საზოგადოების ჩართულობაზე ორიენტირებული ინტერნეტ საინფორმაციო რესურსი.

 

პატივისცემით,

­­­­ინფორმაციის თავისუფლების განვითრების ინსტიტუტი

 

15. 03. 2011

 ღია წერილი

სხვა მასალები ამ თემაზე
სიახლეები

ადამიანის უფლებათა ევროპულმა სასამართლომ “რუსულ კანონთან” დაკავშირებით არასამთავრობო და მედია ორგანიზაციების საჩივარის განხილვა დაიწყო

27.03.2025

ევროპის საბჭოს ადამიანის უფლებათა კომისრის მემორანდუმის მიმოხილვა საქართველოში ადამიანის უფლებების მდგომარეობის შესახებ

27.03.2025

ივანიშვილის ფარა ქართული მედია და არასამთავრობო ორგანიზაციების წინააღმდეგ

24.03.2025

კოალიციის განცხადება საზოგადოებრივი მაუწყებლის სამეურვეო საბჭოს მიერ დამოუკიდებელი ჟურნალისტების დევნის შესახებ

23.03.2025
განცხადებები

მედია კოალიცია რეგიონული მედიის საქმიანობის შეზღუდვის ფაქტებს ეხმიანება

28.02.2025

მედიის ადვოკატირების კოალიციის განცხადება ტვ პირველის ოპერატორის უკანონო დაკავებასთან დაკავშირებით

19.02.2025

ქართული ოცნება მსხვერპლების კრიმინალიზებას ეწევა

13.02.2025

IDFI-ის განცხადება ორგანიზაციის აღმასრულებელი დირექტორის უკანონოდ დაჯარიმების შესახებ

12.02.2025
ბლოგპოსტები

ვაცლავ ჰაველის "ძალა უძალოთა" - სიმართლე, როგორც წინააღმდეგობის ფორმა

02.04.2025

ქართველი ემიგრანტების საარჩევნო უფლების რეალიზების კუთხით არსებული გამოწვევები და მათი ელექტორალური ქცევა

25.12.2024

რუსეთის სპეცსამსახურების აქტიური ღონისძიება - ალექსანდრე მალკევიჩი საქართველოში

29.11.2024

ინტერმუნიციპალური საქმიანობის გაძლიერება საქართველოში

21.10.2024