28 იანვარს 131 არასამთავრობო ორგანიზაციამ, საგამოძიებო ჟურნალისტიკის წარმომადგენლებმა და ინფორმაციის თავისუფლების დამცველებმა ევროპის 48 ქვეყნიდან ხელი მოაწერეს მიმართვას, რომლითაც  მოუწოდეს ევროპარლამენტს ევროპაში ინფორმაციის თავისუფლების პრინციპების დასაცავად.

პროტესტი ინფორმაციის ხელმისაწვდომობის საკითხის განხილვამ გამოიწვია, რომელიც ევრო პარლამენტში 2011 წლის 1 თებერვალს გაიმართა.

ევროკომისიამ პარლამენტის სხდომაზე დააყენა  ელექტრონული წერილებისა და სხვა  დოკუმენტების საჯაროობის  შეზღუდვის საკითხი, როგორც „არაფორმალური“ დოკუმენტებისა.

აღნიშნული შეზღუდვების დაწესება უფლებას ანიჭებს  მთავრობის ცალკეულ  წარმომადგენლებს გაასაიდუმლონ საკუთარი  კომუნიკაციები. ევროკომისიის ეს წინადადება   ეწინააღმდეგება ღიაობის პრინციპს, რომელიც გათვალისწინებულია ევროკავშირის კონვენციაში და აბათილებს ევრო სასამართლოს დადგენილებებს დოკუმენტების ხელმისაწვდომობის ფართო  უფლებებთან დაკავშირებით.

არასამთავრობო ორგანიზაციებმა და ჟურნალისტებმა მოუწოდეს ევრო პარლამენტის წევრებს არ მიეღოთ გადაწყვეტილებები, რომლებიც  ინფორმაციის თავისუფლების შეზღუდვას გამოიწვევდა.

ევროპარლამენტისადმი მიმართვას ხელი მოაწერეს მსოფლიო პრესის თავისუფლების კომიტეტმა, ადამიანთა უფლებების  და ინფორმაციის თავისუფლების დამცველმა წამყვანმა  ორგანიზაციებმა და ჟურნალისტებმა.