ინფორმაციის თავისუფლების განვითარების ინსტიტუტმა წერილით მიმართა საქართველოს კულტურისა და ძეგლთა დაცვის მინისტრს, ბ-ნ ნიკოლოზ რურუას. წერილში საუბარი იყო IDFI- ს საქმიანობასა და ინსტიტუტის მიერ განხორციელებულ პროექტებზე. IDFI-მ მინისტრს გაუგზავნა პუბლიკაცია -„ელექტრონული გამჭვირვალობა საქართველოში“, რომელიც ინსტიტუტის მიერპროექტის -"საქართველოს საჯარო დაწესებულებების საინფორმაციო რესურსების მონიტორინგი"- ფარგლებში გამოიცა.
ნაშრომში გაანალიზებულია საჯარო დაწესებულებების ვებ-გვერდების ელექტრონული გამჭვირვალობის ხარისხი,საუბარია ელექტრონული მმართველობის და ელექტრონული გამჭვირვალობის განვითარების ტენდენციებზე საქართველოში და მსოფლიოში. ასევე, წარმოდგენილია საჯარო დაწესებულებების რეიტინგი ელექტრონული გამჭვირვალობის ხარისხის მიხედვით.
კულტურისადაძეგლთა დაცვის სამინისტროს პასუხში ნათქვამია, რომ IDFI-სრეკომენდაციები ხელს შეუწყობს სამინისტროს ვებ-გვერდის განახლების სწორად წარმართვას დარომ ინსტიტუტის მიერ განხორციელებული კვლევა მნიშვნელოვანია საჯარო სექტორში ელექტრონულ გამჭვირვალობისა და ქვეყნის დემოკრატიულ განვითარებისათვის.
ინფორმაციის თავისუფლების განვითარების ინსტიტუტმა პროექტის -"საქართველოს საჯარო დაწესებულებების საინფორმაციო რესურსების მონიტორინგი"- ფარგლებში ჩაატარა საქართველოს სამინისტროებისა და სამინისტროებთან არსებული საჯარო სამართლის იურიდიული პირების ოფიციალური ვებ-გვერდების საინფორმაციო გამჭვირვალობის დეტალური ანალიზი. შემუშავდა დეტალური რეკომენდაციები საჯარო დაწესებულებების ვებ-გვერდების ხარისხის ამაღლებისა დაინფორმაციის ხელმისაწვდომობის თვალსაზრისით.
კულტურისა და ძეგლთა დაცვის სამინისტროსთან ერთად IDFI- სთან თანამშრომლობის სურვილი არაერთმა საჯარო დაწესებულებამ გამოთქვა. ესენია:
აღსრულების ეროვნული ბიურო
სახელმწიფო შესყიდვების სააგენტო
საწარმოთა მართვის სააგენტო
საქართველოს სავაჭრო სამრეწველო პალატა
დაცვის პოლიცია
სამოქალაქო რეესტრის სააგენტო
საჯარო რეესტრის ეროვნული სააგენტო
საქართველოს ნოტარიუსთა პალატა
შრომის, ჯანმრთელობისა და სოციალური დაცვის სამინისტრო
სოციალური მომსახურების სააგენტო
საგანმანათლებლო და სამეცნიერო ინფრასტრუქტურის განვითარების სააგენტო
გარემოს დაცვისა და ბუნებრივი რესურსების სამინისტრო
დაცული ტერიტორიების სააგენტო
სატყეო სააგენტო
შოთა რუსთაველის ეროვნული სამეცნიერო ფონდი
ეკონომიკისა და მდგრადი განვითარების სამინისტრო
დაავადებათა კონტროლისა და საზოგადოებრივი ჯანმრთელობის ეროვნული ცენტრი
სიახლეების გამოწერა
