ტრენინგი CSO-ებისთვის: ეფექტური ჩართულობა და თანამშრომლობა ციფრული მოწყვლადობის საკითხებზე

სიახლეები | ინტერნეტი და ინოვაციები | სტატია 5 ივლისი 2022

2022 წლის 30 ივნისს, ინფორმაციის თავისუფლების განვითარების ინსტიტუტისა (IDFI) და ელექტრონული მმართველობის აკადემიის (eGA) საერთო პროექტის, “DRIVE: ციფრულად მოწყვლადი მოქალაქეების საჭიროებების კვლევა” ფარგლებში ვებინარი ჩატარდა, რომელიც ეფუძნებოდა მაისში გამოქვეყნებულ ანგარიშს ციფრული მოწყვლადობის შესახებ. ტრენინგი განკუთვნილი იყო სამოქალაქო საზოგადოების ორგანიზაციებისთვის და მოიცავდა სამოქალაქო ჩართულობის ეტაპებს, დაინტერესებულ მხარეებს შორის თანამშრომლობის ინსტრუმენტებს და ეფექტური კომუნიკაციის საკითხებს.

 

ვებინარს უძღვებოდა კრისტინა მანდი ელექტრონული მმართველობის აკადემიიდან. მან ისაუბრა თუ როგორ შეუძლიათ სამოქალაქო საზოგადოების ორგანიზაციებს დაამყარონ კავშირები სხვადასხვა დაინტერესებულ მხარეებთან, ითანამშრომლონ ერთობლივ ინიციატივებზე და ეფექტურად გაითვალისწინონ ციფრული მოწყვლადობის საკითხები. გარდა ამისა, კრისტინამ ისაუბრა დაინტერესებულ მხარეთა შორის მონაწილეობისა და თანამშრომლობის კონკრეტულ წარმატებულ მაგალითებზე და გავრცელებულ საუკეთესო პრაქტიკაზე.

 

ონლაინ ღონისძიება 4 საათს გაგრძელდა. ვებინარის მონაწილეები ჩაერთნენ ინტერაქციულ აქტივობებში და ერთობლივად იმსჯელეს ეფექტური ჩართულობის, თანამშრომლობის, კომუნიკაციისა და სხვა მსგავს საკითხებზე.

 

ვებინარის მეორე ნაწილს გაუძღვნენ IDFI-ის ადგილობრივი მმართველობის | ინტერნეტი და ინოვაციების მიმართულებების ხელმძღვანელი, თეონა ტურაშვილი და IDFI-ის ანალიტიკოსი, დავით ერისთავი. მათ მონაწილეებს წარუდგინეს საქართველოში ჩატარებული კვლევის შედეგების მოკლე მიმოხილვა, მთავარი მიგნებები და შემუშავებული რეკომენდაციები. ხოლო ჯგუფური აქტივობის ფარგლებში მონაწილეებს საშუალება მიეცათ დაეფიქსირებინათ თავიანთი მოსაზრებები ცალკეული რეკომენდაციების მიმართ.

 

პროექტ DRIVE-ის შემდგომი აქტივობის ფარგლებში, ტრენინგის ყველა მონაწილე ასევე მოწვეული იქნება 2022 წლის შემოდგომაზე დაგეგმილ ტრენინგზე, საჯარო სექტორის წარმომადგენლებთან ერთად. 

 

პროექტ DRIVE-ის მიზანია უკრაინასა და საქართველოში ციფრულად მოწყვლადი ჯგუფებისთვის ცხოვრების ხარისხის გაუმჯობესება, საჭირო პირობების შექმნით, ცნობიერების ამაღლებით და უნარ-ჩვევების განვითარებით, რათა მათ შეძლონ პოლიტიკური გადაწყვეტილებების მიღების პროცესში ციფრულად ჩართვა და ჰქონდეთ სერვისებზე ონლაინ წვდომა.

 

IDFI-მ და eGA-მ ღონისძიება გლობალური საქველმოქმედო ორგანიზაციის, Luminate-ის მხარდაჭერით გამართეს.

 

 

სხვა მასალები ამ თემაზე
სიახლეები

საქართველო ინოვაციების გლობალურ ინდექსში - 2022 წლის შედეგები

08.12.2022

შინაურ ბინადარ ცხოველთა კეთილდღეობის გამოწვევები: კანონმდებლობა და პრაქტიკა საქართველოში

07.12.2022

1930-იანი წლების რეპრესიების ასახვა თანამედროვე საქართველოს სასკოლო სახელმძღვანელოებში

01.12.2022

IDFI-მა კვლევის „რუსული კაპიტალი საქართველოში“ პრეზენტაცია გამართა

28.11.2022
განცხადებები

საქართველო ერთადერთი ქვეყანაა, რომელიც ჯერ არ შეუერთდა ანტიკორუფციული გარემოს შესახებ OECD-ის შეფასების პროცესს

21.11.2022

IDFI შემოსავლების სამსახურის განცხადებას პასუხობს

11.11.2022

მედიის ადვოკატირების კოალიცია მიმართავს პრეზიდენტს შეიწყალოს ნიკა გვარამია

03.11.2022

ნიკა გვარამიას შეწყალების ყველა კონსტიტუციური წინაპირობა არსებობს

03.11.2022
ბლოგპოსტები

რუსული დეზინფორმაციის ტაქტიკა 2008 წლის ხუთდღიანი ომის კონტექსტში

03.11.2022

ქაოტური მშენებლობები ბათუმში ახალ მასშტაბებს იძენს

18.10.2022

საჯარო ინფორმაციის ხელმისაწვდომობა და უფლება სამართლიან სასამართლოზე

11.07.2022

ქართული პრესისა და ბეჭდვითი მედიის ცენზურის ისტორია

03.05.2022