2022 წლის 23 მაისს, ინფორმაციის თავისუფლების განვითარების ინსტიტუტის (IDFI) და ელექტრონული მმართველობის აკადემიის (eGA) საერთო პროექტის, “DRIVE: ციფრულად მოწყვლადი მოქალაქეების საჭიროებების კვლევა” ფარგლებში ონლაინ ღონისძიება ჩატარდა. ღონისძიებას ესწრებოდნენ კვლევის პროცესში ჩართული რესპოდენტები და სხვა დაინტერესებული პირები როგორც საჯარო სექტორიდან, ასევე სამოქალაქო საზოგადოების ორგანიზაციებიდან.
პრეზენტაციის პირველ ნაწილს უძღვებოდნენ კრისტინა მანდი და კრისტინა რეინსალუ ელექტრონული მმართველობის აკადემიიდან. მათ ისაუბრეს პროექტის ზოგად მიზნებსა და მეთოდოლოგიაზე.
პრეზენტაცია განაგრძო IDFI-ის ადგილობრივი მმართველობის / ინტერნეტი და ინოვაციების მიმართულებების ხელმძღვანელმა, თეონა ტურაშვილმა და მსმენელებს გააცნო საქართველოში ჩატარებული კვლევის შედეგების მოკლე მიმოხილვა. რის შემდეგაც, IDFI-ის ანალიტიკოსმა, დავით ერისთავმა წარადგინა კვლევის შედეგად შემუშავებული რეკომენდაციები. ღონისძიების განმავლობაში, ჯგუფური აქტივობის ფარგლებში მონაწილეებს საშუალება მიეცათ დაეფიქსირებინათ თავიანთი მოსაზრებები ცალკეული რეკომენდაციების თვალსაზრისით.
ღონისძიების დასკვნით ნაწილს გაუძღვა უკრაინელი მკვლევარი, რუსლანა რუდნიცკა, რომელმაც წარადგინა ციფრულ გამოწვევებზე უკრაინაში ჩატარებული მსგავსი კვლევის შედეგების პრეზენტაცია. დაბოლოს, მომხსენებლებმა ისაუბრეს პროექტის ფარგლებში დაგეგმილ შემდგომ ნაბიჯებსა და აქტივობებზე.
პროექტ DRIVE-ის მიზანია უკრაინასა და საქართველოში მოწყვლად მოქალაქეთა ჯგუფებისთვის ცხოვრების ხარისხის გაუმჯობესება, საჭირო პირობების შექმნით, ცნობიერების ამაღლებით და უნარ-ჩვევების განვითარებით, რათა მათ შეძლონ პოლიტიკური გადაწყვეტილებების მიღების პროცესში ციფრულად ჩართვა და ჰქონდეთ სერვისებზე ონლაინ წვდომა. IDFI-მ და eGA-მ ღონისძიება გლობალური საქველმოქმედო ორგანიზაციის, Luminate-ის მხარდაჭერით გამართეს.
მედიის ადვოკატირების კოალიციის განცხადება
23.05.2025მედიის ადვოკატირების კოალიციის განცხადება
23.05.2025
სიახლეების გამოწერა
