სოციალური მომსახურების სააგენტოდან მიღებული საჯარო ინფორმაცია

სიახლეები | კორუფციასთან ბრძოლა | პუბლიკაციები | ანალიზი 28 მარტი 2013

ჯანმრთელობისა და სოციალური დაცვის სამინისტროს სსიპ სოციალური მომსახურების სააგენტოდან მიღებული საჯარო ინფორმაცია უკვე ხელმისაწვდომია ვებ-გვერდზე. სააგენტომ უპასუხოდ დატოვა მოთხოვნა დაფინანსებული ღონისძიებების შესახებ. არასრულყოფილად არის მოწოდებული ინფორმაცია პრემიების შესახებ, რადგან თანამდებობის პირების პრემიები მოწოდებულია ჯამური სახით, და არ არის დაკონკრეტება თვეების მიხედვით. სხვა დანარჩენ შემთხვევაში მოწოდებული ინფორმაცია სრულყოფილია.

 
როგორც მიღებული ინფორმაციიდან ირკვევა, 2012 წლის 1 იანვრიდან 2013 წლის 18 თებერვლამდე სოციალური მომსახურების სააგენტოში სულ პრემიებზე დაიხარჯა 5 158 025 ლარი. აქედან 4 930 960 ლარი განაწილდა თანამშრომლებზე, ხოლო 227 065 ლარი გაიცა სააგენტოს ხელმძღვანელობაზე. კერძოდ, სააგენტოს დირექტორმა რამაზ სულამანიძემ 2012 წლის 1 იანვრიდან 2013 წლის 18 თებერვლამდე დროის პერიოდში პრემიის სახით მიიღო 33 665 ლარი. საინტერესოა, რომ მის ოთხივე მოადგილეს სააგენტოს ხელმძღვანელზე დიდი ოდენობის პრემიები დაერიცხათ: მამუკა გელოვანი - 46 620 ლარი; მამუკა მაჭავარიანი - 49 610 ლარი; დავით დვალიძე - 51 685 ლარი, კახა ხელაძე - 45 485 ლარი. 
 
2013 წლის 1 იანვრიდან დირექტორის თანამდებობრივი სარგო შეადგენს 2 600 ლარს, რაც წლიურად 31 200 ლარს უტოლდება. შესაბამისად, სააგენტოს დირექტორმა 2012 წლის 1 იანვრიდან 2013 წლის 18 თებერვლის ჩათვლით ხელფასის ერთმაგი ოდენობის პრემია აიღო. დირექტორის მოადგილეების შემთხვევაში თანამდებობრივი სარგო შეადგენს 2 400 ლარს, რაც წელიწადში 28 800 ლარს აღწევს. როგორც ზემოთ მოცემული ინფორმაციით შეგვიძლია ვიმსჯელოთ, მოადგილეები ხელფასზე გაცილებით მეტ პრემიებს იღებდნენ. კერძოდ, მამუკა გელოვანი და კახა ხელაძე - ხელფასზე 1.4-ჯერ მეტს, მამუკა მაჭავარიანი - 1.5-ჯერ მეტს, ხოლო დავით დვალიძე - 1.85-ჯერ მეტ თანხას. 
 
საინტერესოა იმის აღნიშვნაც, რომ სსიპ სოციალური მომსახურების სააგენტოში სულ დასაქმებულია 1 773 ადამიანი, და სააგენტოს წლიური სახელფასო ფონდი შეადგენს 16 243 000 ლარს. 
 
დეტალური ინფორმაციისთვის შეგიძლიათ იხილოთ შემდეგი ბმულები:
            
       
        
 
 
 
    
პასუხი მიღებული იქნა 10 დღის ვადაში, საქართველოს ზოგადი ადმინისტრაციული კოდექსის მე-40 მუხლის, პირველი ნაწილით გათვალისწინებული პროცედურული ნორმის დაცვით.
 
წერილის გაგზავნის თარიღი: 18/02/2013
პასუხის მიღების თარიღი:     01/03/2013
სხვა მასალები ამ თემაზე
სიახლეები

სემინარი საჯარო მოსამსახურეებისთვის თემაზე - საჯარო მმართველობა და პოლიტიკის შემუშავების საუკეთესო პრაქტიკა

06.12.2021

IDFI გიწვევთ კარგი მმართველობის ფორუმზე 2021

04.12.2021

IDFI-ის აღმასრულებელმა დირექტორმა ღია პარლამენტის ფორუმზე დეზინფორმაციასთან ბრძოლაში პარლამენტის როლზე ისაუბრა

03.12.2021

ვებგვერდის პრეზენტაცია - www.historyproject.ge

01.12.2021
განცხადებები

არასამთავრობო ორგანიზაციების განცხადება: ღია მმართველობის პარტნიორობის (OGP) შეჩერებული პროცესი საქართველოში

07.12.2021

კოალიცია მედიის ადვოკატირებისთვის კახი ბექაურის განცხადებას ეხმიანება

06.12.2021

დეზინფორმაცია და არჩევნები – 2021 წლის ადგილობრივი თვითმმართველობის არჩევნების შეჯამება

03.12.2021

კოალიცია უზენაესი სასამართლოს მოსამართლეების დანიშვნას კრიტიკულად აფასებს

02.12.2021
ბლოგპოსტები

ონლაინ ინფორმაციის მანიპულირების ეფექტები: ვინ უნდა შეიმუშავოს და განახორციელოს საჭირო მექანიზმები

20.10.2021

სამთავრობო OGP-ის რეგრესი საქართველოში

06.10.2021

სიკვდილი, როგორც საარჩევნო კამპანიის ძირითადი ნარატივი საქართველოში

29.09.2021

პირადი ცხოვრების ხელშეუხებლობის უფლების დარღვევა - სისტემური გამოწვევა საქართველოსთვის

16.09.2021