რუსული კაპიტალი ქართულ ბიზნესში-კვლევის პრეზენტაცია

სიახლეები 8 მაისი 2015

8 მაისს, „ფრონტლაინ კლუბში“ სამოქალაქო ინიციატივის პრეზენტაცია გაიმართა, რომლის მიზანი რუსული აგრესიისა და პროპაგანდის წინააღმდეგ საინფორმაციო კამპანიის წარმართვაა. საინიციატივო ჯგუფმა პირველი კვლევა წარადგინა - „რუსული კაპიტალი ქართულ ბიზნესში“.


კვლევაში, რომელიც ოფიციალურ დოკუმენტაციას ეყრდნობა, წარმოდგენილია საქართველოში დაფუძნებული ის კომპანიები, რომლებსაც რუსეთის მოქალაქეები ფლობენ. ძირითადად გაანალიზდა ისეთი სფეროები, როგორიცაა ენერგეტიკა, წყალმომარაგება, კომუნიკაცია, მადნეული და ნავთობი.


კვლევის თანახმად, ენერგობაზარზე მნიშვნელოვან წილს ფლობს რუსული კომპანია “ინტერ რაო”, რომლის აქციონერები რუსული სახელმწიფო კომპანიები არიან, ფლობენ საქართველოს ენერგოსადისტრობუციო კომპანია“თელასს”, თბოსადგურ “მტკვარი ენერგეტიკას”, ჰესებს “ხრამჰესი 1”, “ხრამჰესი 2”. „ინტერ რაოს“ მართვაში აქვს გადაცემული ყველაზე მძლავრი ჰიდროელექტროსადგური “ენგურჰესი”.


რუსეთის მოქალაქე ფლობს შპს “ენერგიასაც”, რომელსაც ეკუთვნის დარიალი ჰესი, ლარსი ჰესი, შილდა ჰესი. რუსეთის მოქალაქეების საკუთრებაშია ავანიჰესი, ალგეთი ჰესი, სკურდიდი ჰესი. ქართული და რუსული მხარე ერთობლივად ფლობენ “საქრუსენერგოსაც”, რომელიც ქვეყანაში ელექტროენერგიის გადამცემ სისტემას განკარგავს.


„გვინდოდა საზოგადოებისთვის იმის ჩვენება, თუ როგორ არის დამოკიდებული ქართული ბიზნესი რუსეთიდან შემოსულ ფულზე, რა მნიშვნელოვან ობბიექტებს ფლობენ ისინი. კარგია ეს თუ ცუდი, საზოგადოებამ განსაჯოს.“ - აღნიშნა კვლევის ავტორმა ნატა ძველიშვილმა პრეზენტაციისას.

საინიციატივო ჯგუფის წევრის გიორგი კლდიაშვილის თქმით, ჯგუფი სხვა კვლევების ჩატარებასაც გეგმავს.

„პლატფორმა არის ღია ყველასთვის, ვისაც სურს, რომ მონაწილეობა მიიღოს საინფორმაციო კამპანიაში“ - თქვა გიორგი კლდიაშვილმა.

პრეზენტაციას არასამთავრობო ორგანიზაციებისა და მედიის წარმომადგენლები ესწრებოდნენ. მათ გაიზიარეს ინიციატივის მიზნები და აღნიშნეს, რომ მნიშვნელოვანია სამოქალაქო საზოგადოების გაერთიანება და რუსეთის აგრესიის წინააღმდეგ ერთობლივი რესურსებით მოქმედება.


კვლევის გარდა, გაიმართა ახალი პლატფორმის პრეზენტაციაც, რომლის ვებგვერდზე damoukidebloba.com განთავსდება ინფორმაცია რუსული იმპერიალისტური პროპაგანდის, რეპრესიებისა და აგრესიის სხვა ღია თუ ირიბი აგრესიის შესახებ.

აღნიშნული პლატფორმა საქართველოს დამოუკიდებლობის წინააღმდეგ მიმართული თანამედროვე და ისტორიული მოვლენების შესახებ საზოგადოების ინფორმირებულობაზეა ორიენტირებული.

სხვა მასალები ამ თემაზე
სიახლეები

დამოუკიდებელმა ინსპექტორმა IDFI-ის ადმინისტრაციული საჩივარი ნაწილობრივ დააკმაყოფილა

09.07.2020

საქართველოს კომუნიკაციების ეროვნული კომისიის (GNCC) საქმიანობაში არსებობს გამჭვირვალობის ხარვეზები

09.07.2020

არასამთავრობო ორგანიზაციები ხელისუფლებას მოუწოდებენ შექმნას დამოუკიდებელი ანტიკორუფციული სააგენტო

08.07.2020

IDFI-მ რეპრესირებულთა საყოფაცხოვრებო სუბსიდიის გაზრდის მიზნით კამპანია დაიწყო

06.07.2020
განცხადებები

არასამთავრობო ორგანიზაციები ხელისუფლებას მოუწოდებენ შექმნას დამოუკიდებელი ანტიკორუფციული სააგენტო

08.07.2020

კოალიცია მედია ადვოკატირებისთვის განცხადებას ავრცელებს

26.06.2020

მოვუწოდებთ კახა კალაძეს იფიქროს ჟურნალისტების უსაფრთხოებაზე

24.06.2020

ინფორმაციული უსაფრთხოების შესახებ კანონპროექტი მეორე მოსმენის რეჟიმს დაუბრუნდა

23.06.2020
ბლოგპოსტები

კოვიდ-19-ის დროს რუსეთის ფედერაციის კანონმდებლობაში შეტანილი ცვლილებები

15.06.2020

Covid 19-ის გავლენა საარჩევნო პროცესებზე მსოფლიოში

11.06.2020

ივანე ჯავახიშვილი და საქართველოს დამოუკიდებლობა

26.05.2020

მეორე მსოფლიო ომში გამარჯვების დღის მითვისება რუსული პროპაგანდის მიერ

08.05.2020