2013  წლის 27 ივლისს, ქ. ქუთაისში, „USAID-ის დემოკრატიული ჩართულობის ცენტრში“,  ინფორმაციის თავისუფლების განვითარების ინსტიტუტისა (IDFI) და USAID-ის G-3 პროგრამის “კანონმდებლობის გაუმჯობესება და საზოგადოებრივი ცნობიერების ამაღლება ინფორმაციის თავისუფლების საკითხებში” კოალიციური პროექტის ფარგლებში გაიმართება ღია საჯარო დისკუსია „ინფორმაციის თავისუფლება საქართველოში“ საზოგადოების სხვადასხვა ჯგუფების მონაწილეობით.

საჯარო დისკუსიების გამართვა ემსახურება საქართველოს მთავრობის მიერ, პარტნიორობა ღია მართველობის ფარგლებში ნაკისრი ვალდებულებების, მიმდინარე პროცესებისა და საზოგადოებეში ინფორმაციის თავისუფლების მნიშვნელობის პოპულარიზაციას.  
საჯარო დისკუსიის დროს წარმოდგენილი იქნება საქართველოში საჯარო ინფორმაციის ხელმისაწვდომობის შესაძლებლობები, ინფორმაციის პროაქტიული გამოქვეყნების ახალი ვალდებულები, ასევე დაინტერესებულ პირები მოისმენენ ბნ. ტომას ჰარტის (USAID/დემოკრატიული მმართველობის პროგრამის (G3) ექსპერტის ინფორმაციის თავისუფლების საკითხებში), საერთაშორისო პრაქტიკას ინფომრაციის თავისუფლების შესახებ.

დამსწრე საზოგადოება დისკუსიის ფორმატში იმსჯელებს  საზოგადოების ჩართულობის მნიშვნელობაზე, ადგილობრივ დონეზე საჯარო ინფორმაციის მიღების გზებსა და საშუალებებზე.  (დღის წესრიგი თანდართულია).