1 მაისს 13:00 საათზე IDFI („ინფორმაციის თავისუფლების განვითარების ინსტიტუტი“) მასმედიის წარმომადგენლებს იწვევს დისკუსიაში მონაწილეობის მისაღებად. შეხვედრა იმართება პროექტის - „ელექტრონული ჩართულობის განვითარება საქართველოში“- ფარგლებში.
მთავარი თემა იქნება საჯარო დაწესებულებების საზოგადოებასთან ურთიერთობის სტრატეგიისა და თანამედროვე საკომუნიკაციო საშუალებების გამოყენების დონის შეფასება.
შეხვედრის დასაწყისში IDFI მედიის წარმომადგენლებს საჯარო დაწესებულებების ვებ-გვერდებისა და სოციალური ქსელების მონიტორინგის შედეგად გამოვლენილ ტენდენციებს გააცნობს. რის შემდეგაც გაიმართება დისკუსია საჯარო დაწესებულებებთან კომუნიკაციის კუთხით არსებული პრობლემების მოგვარების გზების მოსაძიებლად.
განიხილება შემდეგი საკითხები:
IDFI საჯარო დაწესებულებების საზოგადოებასთან ურთიერთობის სტრატეგიის, ელექტრონული რესურსების გამოყენების ხარისხისა და კომუნიკაციის დონის შეფასების მიზნით, 2012 წლის ნოემბრიდან აკვირდება 24 საჯარო დაწესებულების ელექტრონულ რესურსებს, მათზე განთავსებულ აპლიკაციებსა და ამოწმებს მოქალაქეებთან კომუნიკაციის სამოქმედო გეგმის არსებობას. ინსტიტუტმა ამ საკითხებთან დაკავშირებით კვლევა მოამზადა სამთავრობო უწყებებიდან მოთხოვნილი საჯარო ინფორმაციის ანალიზის საფუძველზეც.
პროექტი ხორციელდება აღმოსავლეთ-დასავლეთის მართვის ინსტიტუტის (EWMI) პროგრამის – „საქართველოში საჯარო პოლიტიკის, ადვოკატირებისა და სამოქალაქო საზოგადოების განვითარების“ (G-PAC) – ფარგლებში.
შეხვედრა გაიმართება 1 მაისს, ოთხშაბათს 13:00 საათზე აღმოსავლეთ-დასავლეთის მართვის ინსტიტუტის ოფისში, მის: მარჯანიშვილის ქ. N 5, III სართული.
გთხოვთ დაგვიდასტუროთ თქვენი მონაწილეობა ელ-ფოსტაზე: m.kechakmadze@idfi.ge
ან დაგვიკავშირდეთ ტელეფონზე: 2 99 63 64
IDFI საარჩევნო კოდექსსა და „მაუწყებლობის შესახებ“ საქართველოს კანონში შესატან ცვლილებებს ეხმიანება
18.10.2021IDFI ფარული მასალების გავრცელებას ეხმიანება
17.09.2021ონლაინ ინფორმაციის მანიპულირების ეფექტები: ვინ უნდა შეიმუშავოს და განახორციელოს საჭირო მექანიზმები
20.10.2021სამთავრობო OGP-ის რეგრესი საქართველოში
06.10.2021
სიახლეების გამოწერა
