„საჯარო ინფორმაციის მონაცემთა ბაზის“ არსებობის მანძილზე მოქალაქეების ჩართულობა პროექტში ჩვენს ერთ-ერთ უმთავრეს მიზანს წარმოადგენდა. პირველ რიგში სწორედ აქტიური სამოქალაქო საზოგადოების არსებობის პირობებში არის შესაძლებელი საჯარო დაწესებულებების ანგარიშვალდებულებისა და გამჭვირვალობის გაზრდა, ისევე როგორც ეფექტური პოლიტიკის დაგეგმვა და განხორციელება. პროექტის ფარგლებში IDFI ითხოვდა მოსახლეობისგან საკუთარი მოსაზრებების გაზიარებას იმ თემებისა და საკითხების შესახებ, რომელთა საჯარო დაწესებულებებიდან დამატებით გამოთხოვნაც საინტერესო იქნებოდა.
უნდა აღინიშნოს, რომ მოქალაქეები სულ უფრო მეტად იყენებენ ჩართულობის საშუალებებს და სთავაზობენ ინსტიტუტს საკუთარ თემებს საჯარო ინფორმაციის მოთხოვნებისთვის. საკუთარი კითხვების შემოთავაზება კიდევ უფრო ადვილი გახდა მას შემდეგ, რაც პროექტის ფარგლებში შექმნილ ანალიტიკურ ბლოგს „Opendata Blog” დაემატა ცალკე განყოფილება „გამოითხოვეთ საჯარო ინფორმაცია“.
ქვემოთ მოცემულია პროექტის ბლოგზე, ისევე ინსტიტუტის ელ-ფოსტაზე (info@idfi.ge) და Facebook გვერდზე შემოსული მოთხოვნები და მათზე გაცემული პასუხები.
06.12.2012:
1. თბილისის მერიასა და კომპანია “ჯეოგოლდს” შორის 49-წლიანი მართვის უფლებით გადაცემასთან დაკავშირებით დადებული ხელშეკრულების ასლი. ასევე გთხოვთ მოგვაწოდოთ “მუშტაიდის პარკში” ამჟამად ჩატარებული სამუშაოების ხარჯთაღრიცხვა.
2. ჩატარდა თუ არა რაიმე სახის კონკურსი, რის საფუძველზეც შეირჩა კომპანია “ჯეოგოლდი”. გთხოვთ თან დაურთოთ ინფორმაცია შერჩევის ფორმის, პირობების და შედეგის შესახებ.
20.02.2012
შემდეგი ორი კომპანიის საფინანსო ინფორმაცია:
- შპს "სახელმწიფო ლატარიის კომპანია", საიდენტიფიკაციო კოდი 204568208, სახელმწიფო წილი 70%
- შპს "საქართველოს ფოსტა", საიდენტიფიკაციო კოდი 203836233, სახელმწიფო წილი 100%
ამ ორი კომპანიის სრული საფინანსო ანგარიშები, რამდენ წელზეც შესაძლებელია, თუმცა უფრო მნიშვნელოვანია 2010, 2011 და 2012 წლები. თუ სრული საფინანსო ინფორმაცია არ გამოვა, მაშინ (ა) საბალანსო უწყისი და (ბ) მოგება–ზარალის ანგარიშგება მაინც. ასევე საინტერესოა, თუ ვერ მივიღებთ ამ ინფორმაციას, რის (რა კანონის/სამართლებრივი აქტის) საფუძველზე.
23.02.2013:
ქ. თბილისის მერიის ქონების მართვის სააგენტოს მიერ, 2012 წლის 20 ნოემბერს გამართულ აუქციონზე N160, ლოტი N16_ით გათვალისწინებული ქონების შესყიდვის მიზნით აუქციონში მონაწილეობის მისაღებად, კომპანია “შპს MEDICOM” /საიდენტიფიკაციო კოდი 404963679/ – მიერ წარმოდგენილი საბანკო გარანტია.
07.03.2013:
ფინანსთა სამინისტროდან
- დაზარალებულთა ერთიანი რეესტრი;
- იმ დაზარალებულთა სია, რომლებმაც სახელმწიფოს მიერ აღიარებული ვალის (საქართველოს კანონი „სახელმწიფო ვალის შესახებ“;მუხლი48, პუნქტი „ზ“) სანაცვლოდ ადრეულ წლებში 1999-2010 მიიღეს სხვადასხვა სახის კომპენსაციები.
გაგზავნილია მოთხოვნა, პასუხი არ მიგვიღია.
15.03.2013:
2012 წლის 30 ნოემბერს, ქ. თბილისის მერიის ქონების მართვის სააგენტოს მიერ გამართულ N160 აუქციონზე, N16 ლოტით გათვალისწინებული ქონების შესყიდვისას გამარჯვებული კომპანიის - შპს "MEDICOM"-ის მიერ ლოტის საფასურის დღემდე გადახდილი თანხის ოდენობის შესახებ.
წერილობითი ფორმით არ ჩაიბარეს, და მოითხოვეს ელექტრონული ფორმით ჩაბარება.
იხილეთ IDFI-ის სტატუსი Facebook-ზე
ელექტრონული ფორმით გაგზავნის შემდეგ მიღებული პასუხი.
18.03.2013:
სასჯელაღსრულების, პრობაციისა და იურიდიული დახმარების საკითხთა სამინისტროში პატიმრობის კოდექსის ამოქმედებასთან ერთად შექმნილი ადგილობრივი საბჭოების ახალი შემადგენლობა, რომელიც არის სასჯელის მოხდისგან პირობით ვადამდე გათავისუფლებასთან და სასჯელის მოუხდელი ნაწილის უფრო მსუბუქი სახის სასჯელით შეცვლასთან დაკავშირებული საკითხების განმხილველი ორგანო.
--
IDFI მზადაა მომავალშიც დაეხმაროს მოქალაქეებს მათთვის საინტერესო საჯარო ინფორმაციის მიღებაში.
გაგვიზიარეთ საკუთარი მოსაზრებები ბლოგზე, ელ-ფოსტაზე (info@idfi.ge) ან Facebook გვერდზე.
--
იხილეთ სტატია Opendata Blog-ზე.
სიახლეების გამოწერა
