კონკურსის ღია პარლამენტი - ახალგაზრდების ხმა მონაწილის, მერაბ მელაძის ინიციატივა

სიახლეები | პუბლიკაციები | ღია მმართველობის პარტნიორობა | სტატია 17 დეკემბერი 2015

ინფორმაციის თავისუფლების განვითარების ინსტიტუტმა პროექტის ,,ღია მმართველობის პარტნიორობის ინიციატივაში საქართველოს პარლამენტის ჩართულობის მხარდაჭერის" ფარგლებში გამართა კონკურსი ,,ღია პარლამენტი - ახალგაზრდების ხმა," რომელიც ორი ნაწილისგან შედგებოდა: სტუდენტები დაესწრნენ ლექციას თემებზე - ღია მმართველობის პარტნიორობის (OGP) მიზანი და საქმიანობის არსი; საქართველოს ღია პარლამენტის სამოქმედო გეგმა 2015-2016; სამოქალაქო საზოგადოების ჩართულობის მნიშვნელობა საჯარო პოლიტიკაში და ეწვივნენ საქართველოს პარლამენტს თბილისში, გაეცნენ საკანონმდებლო საქმიანობას და შეხვდნენ ინტერფრაქციული ჯგუფის ხელმძღვანელს თამარ კორძაიას.


გთავაზობთ კონკურსის ფარგლებში მერაბ მელაძის მიერ გამოგზავნილ ინიციატივას:


ინიციატივის სახელწოდება: პარლამენტის დეპუტატების „მარგი ქმედების კოეფიციენტი“


არსებული მდგომარეობა, პრობლემის აღწერა და ინიციატივის მიზანი: ბოლო საჯარო ინფორმაციის თანახმად საქართველოს პარლამენტის 76 დეპუტატს არცერთი ინიციატივა არ წარუდგენია. აქ არიან როგორც პარტიული სიით, ისე ის დეპუტატები, რომლებიც ხალხმა აირჩია. ეს რიცხვი კი ძალიან დიდია, რადგან პარლამენტში 150 დეპუტატია და პრობლემები და გამოწვევები კი მრავლადაა. მიუხედავად იმისა, რომ არსებობს სხვადასხვა გზა მიიღო ინფორმაცია დეპუტატების საქმიანობაზე, ეს მაინც დროში გაწელილი პროცესია, რადგან სხვადასხვა სივრცეშია განთავსებული ინფორმაცია, არ დევს ან ცარიელია ვებ-გვერდები, არ ხდება ინფორმაციის განახლება და სრულად ვერ უზრუნველყოფს ამომრჩეველს იცოდეს დეპუტატი, რომელიც აირჩია რას საქმიანობს და რას საქმიანობდა 4 წლის განმავლობაში. ახალ საპარლამენტო არჩევნებში ხშირად ხდება ისე, რომ ძველი სახეები ისევ არიან საარჩევნო სიებში, ამიტომ კარგი იქნება შეიქმნას ვებ-გვერდი, სადაც სრულად, ერთ სივრცეში დაიდება ყველა დეპუტატის რეზიუმე, მისი საარჩევნო პროგრამა, კონტაქტი (ელ-ფოსტა, ტელეფონის ნომერი), რომელ კომიტეტში მოღვაწეობს, რომელ სამუშაო ჯგუფში იღებს მონაწილეობას, რომელი ქვეყნის მეგობრობის ჯგუფის წევრია. საიტმა უნდა უზრუნველყოს, რომ მუდმივ განახლების რეჟიმში განახლდეს ინფორმაცია. ეს ინფორმაცია უნდა იყოს: რა ინიციატივები წარადგინა, რა კანონპროექტზე მუშაობდა, რა ინიციატივები წარადგინა იმისათვის რომ თავისი საარჩევნო ხედვა განეხორციელებინა, რა სიხშირით ხვდება ამომრჩეველს, რა ინიციატივები წარადგინა მოსახლეობასთან შეხვედრების შემდეგ, რა კანონპროექტებს დაუჭირა მხარი, რა კანონპროექტებზე და ინიციატივებზე მუშაობდა კომიტეტებში და სამუშაო ჯგუფებში, ასევე მონაწილეობდა თუ არა მაღალი რანგის კონფერენციებში და სამიტებში და რა შედეგით დასრულდა, მიიღო თუ არა მონაწილეობა ევროსაბჭოს გამოსვლებში და რა ინიციატივა თუ სიტყვა წარმოსთქვა, თუ არის სხვადასხვა ქვეყნების მეგობრობის ჯგუფებში რა ინიციატივები წარადგინა ამ მიმართულებით, რა პროცენტით და რა ხარისხით შესრულდა ის ხედვები, რაც მას ჰქონდა და თუ არ შესრულდა რა იყო მიზეზები. ამ ინფორმაციის ხელმისაწვდომობა ერთ სივრცეში გაუადვილებს სქართველოს მოსახლეობას გააკეთოს არჩევანი და მიიღოს მისთვის სასურველი და სასარგებლო გადაწყვეტილება


ინიციატივის განხორციელების პარტნიორები: ყველა ის არასამთავრობო ორგანიზაცია, რომელიც მუშაობს მონაცემთა ღიაობაზე და გამოცდილება აქვს მონაცემთა დამუშავებასა და გადამოწმებაზე.


ინიციატივის განხორციელების ვადები: 01/01/2016-31/08/2016


დამატებით: აუცილებლად უნდა არსებობდეს კომენტარის დატოვების ადგილი და ასვე შესაძლებელი უნდა იყოს ამ საჯარო ინფორმაციის სოციალურ ქსელებით გაზიარება.


ინდიკატორები: ინიციატივა განხორციელებული იქნება თუ ეს ყოველივე ზემოთ თქმული იქნება საჯარო, მუდმივად განახლებადი და აუცილებელი პარლამენტის თითოეული დეპუტატისთვის.

სხვა მასალები ამ თემაზე
სიახლეები

IDFI-იმ ოზურგეთის მერიისა და საკრებულოს თანამშრომლების ღია მონაცემებზე ტრენინგი ჩაუტარა

21.10.2020

IDFI-მ პროექტის „კოვიდ-19-თან დაკავშირებული სახელმწიფო ხარჯების და ადამიანის უფლებების მდგომარეობის მონიტორინგი“ პრეზენტაცია გამართა

20.10.2020

Freedom House: საქართველოს ქულა ინტერნეტის თავისუფლების რეიტინგში გაუმჯობესდა

16.10.2020

მსოფლიო მმართველობის ინდიკატორები - საქართველო მსოფლიო ბანკის 2020 წლის შეფასებით

15.10.2020
განცხადებები

არასამთავრობო ორგანიზაციები საქართველოს საგამოძიებო და უსაფრთხოების უწყებებს, ასევე აუდიტის სამსახურს „პატრიოტთა ალიანსის“ შესახებ „დოსიეს“ მიერ გასაჯაროვებულ ინფორმაციაზე ადეკვატური რეაგირებისკენ მოუწოდებენ

02.10.2020

IDFI-ს განცხადება სასამართლოს გადაწყვეტილებების ხელმისაწვდომობის თაობაზე

24.09.2020

არასამთავრობოები მოქმედი მოსამართლეების წინააღმდეგ წარმოებული სისხლის სამართლის საქმეებზე ინფორმაციის გაასაჯაროებას მოითხოვენ

11.09.2020

კოალიცია საქართველოს პარლამენტში ინიცირებულ „საერთო სასამართლოების შესახებ” საქართველოს ორგანულ კანონში შესატან ცვლილებათა კანონპროექტს ეხმიანება

08.09.2020
ბლოგპოსტები

1930-იანი წლების რეპრესიების მეხსიერება - რას და რატომ ვიხსენებთ?

13.10.2020

კიბერშეტევა ჯანდაცვის სამინისტროზე და რუსული კვალი

03.09.2020

გამჭვირვალე სახელმწიფო შესყიდვების რეიტინგში უკრაინის წამყვანი პოზიცია საშიშროების წინაშე დგას

02.09.2020

რუსული სპორტი და პოლიტიკა

13.08.2020