კონკურსის - ღია პარლამენტი-ახალგაზრდების ხმის - მონაწილეები თამარ კორძაიას შეხვდნენ

სიახლეები | პუბლიკაციები | ღია მმართველობის პარტნიორობა | სტატია 30 ნოემბერი 2015

30 ნოემბერს კონკურსის ,,ღია პარლამენტი - ახალგაზრდების ხმა" ფარგლებში 40-მდე მონაწილე საქართველოს პარლამენტს ეწვია. ტრენინგი გაიმართა პროექტის - ,,ღია მმართველობის პარტნიორობის (OGP) ინიციატივაში საქართველოს პარლამენტის ჩართულობის მხარდაჭერა" ფარგლებში. პროექტს აფინანსებს ევროკავშირი და საქართველოს პარლამენტი პროგრამის ,,საქართველოს საპარლამენტო დემოკრატიის სისტემის გაძლიერების" ფარგლებში, რომელსაც გაეროს განვითარების პროგრამა (UNDP) ახორციელებს.


კონკურსის მონაწილეებმა დაათვალიერეს და გაეცნენ პარლამენტის შენობის ისტორიას, გაიგეს ინფორმაცია კანონპროექტის მიღების პროცედურებისა და კომიტეტების საქმიანობის შესახებ. ასევე, დაათვალიერეს ფოტოგამოფენა - ,,საპარლამენტო დემოკრატია საქართველოში," რომელიც საქართველოში მრავალპარტიული საპარლამენტო არჩევნების ჩატარებიდან 25 წლისთავს ეძღვნებოდა. გამოფენაზე წარმოდგენილი იყო საქართველოს მუზეუმებსა და არქივებში დაცული ისტორიული დოკუმენტებისა და ფოტოების 300-მდე ექსპონატი (ასლი). ფოტოგამოფენა მოიცავდა დამფუძნებელი კრების სიების, სხდომების, წევრების ფოტოებს, კონსტიტუციისა თუ სხვადსხვა მოწვევის პარლამენტის ფოტოებს, ა.შ.


პარლამენტის ტურის შემდეგ სტუდენტებს შეხვდათ ინტერ-ფრაქციული ჯგუფის ხელმძღვანელი თამარ კორძაია. ქ-ნმა თამარმა მადლობა გადაუხადა ინფორმაციის თავისუფლების განვითარების ინსტიტუტს (IDFI) გაწეული საქმიანობისთვის პარლამენტის ღიაობისა და გამჭვირვალობის გაზრდის თვალსაზრისით და სტუდენტებს ესაუბრა საკანონმდებლო საქმიანობაში მოქალაქეთა ჩართულობის მნიშვნელობაზე. თამარ კორძაიამ ყურადღება გაამახვილა, რომ ნებისმიერი კანონპროექტის სამიზნე ადრე თუ გვიან ნებისმიერი მოქალაქე შეიძლება გახდეს, შესაბამისად, აუცილებელია, რომ თითოეულმა ადამიანმა გააცნობიეროს ღია პარლამენტის მნიშვნელობა და ჩაერთოს საპარლამენტო საქმიანობაში, მათ შორის საკომიტეტო სხდომებზე დასწრებით, სადაც აზრის გამოხატვა შეეძლებათ როგორც სიტყვიერად, ასევე წერილობით. თამარ კორძაიამ ასევე ისაუბრა ღია და გამჭვირვალე მმართველობის მუდმივმოქმედი საპარლამენტო საბჭოს შექმნის მნიშვნელობაზე, რადგან ეს საბჭო იქნება პარლამენტის გამჭვირვალობისა და ღიაობის მუდმივი მაკონტროლებელი ორგანო.


შეხვედრის ბოლოს სტუდენტებმა კითხვები დაუსვეს დეპუტატს და ისაუბრეს, როგორც სამოქმედო გეგმაზე ისე მაჟორიტარული და პროპორციული საარჩევნო სისტემის თავისებურებებზე, ბოლო დროს მიღებულ სხვადასხვა კანონპროექტზე და გამჭვირვალობის რისკებსა და შესაძლებლობებს შორის არსებულ თანაფარდობაზე.

 

აღსანიშნავია, რომ ვიზიტი პარლამენტში კონკურის საბოლოო ეტაპი იყო. პარლამენტში ვიზიტამდე სტუდენტები, პროგრამის ფარგლებში, დაესწრნენ ტრენინგს, სადაც განიხილეს შემდეგი საკითხები: ღია მმართველობის პარტნიორობის (OGP) მიზანი და საქმიანობის არსი; საქართველოს ღია პარლამენტის სამოქმედო გეგმა 2015-2016; და სამოქალაქო საზოგადოების ჩართულობის მნიშვნელობა საჯარო პოლიტიკაში. ტრენინგს გაუძღვნენ ინფორმაციის თავისუფლების განვითარების ინსტიტუტის წარმომადგენლები: დირექტორი - გიორგი კლდიაშვილი, პროექტის კოორდინატორი - დავით მაისურაძე და ანალიტიკოსი - თამარ იაკობიძე. ტრენინგში მონაწილეობა მიიღო სხვადასხვა უნივერსიტეტების სოციალური მეცნიერებების, ეკონომიკისა და სამართლის ფაკულტეტების 50-მდე სტუდენტმა.


სტუდენტებს კონკურსის მეშვეობით შესაძლებლობა აქვთ ჩამოაყალიბონ საკუთარი ინიციატივები, რომელიც ხელს შეუწყობს პარლამენტის ღიაობას, საპარლმენტო საქმიანობის გამჭვირვალობასა და მოქალაქეთა ჩართულობას. ყველაზე საინტერესო ინიციატივის ავტორი დაჯილდოვდება ქინდლით. პროგრამის დახურვა და სერტიფიკატების გადაცემა გაიმართება 18 დეკემბერს.

 

სხვა მასალები ამ თემაზე
სიახლეები

IDFI მონაცემების გლობალური ბარომეტრის (GDB) რეგიონალური ჰაბი გახდა

28.10.2020

Covid-19 და პასუხისმგებლობის ზომები: კონსტიტუციურობის სისტემური პრობლემა

27.10.2020

IDFI-იმ ოზურგეთის მერიისა და საკრებულოს თანამშრომლებს ღია მონაცემებზე ტრენინგი ჩაუტარა

21.10.2020

IDFI-მ პროექტის „კოვიდ-19-თან დაკავშირებული სახელმწიფო ხარჯების და ადამიანის უფლებების მდგომარეობის მონიტორინგი“ პრეზენტაცია გამართა

20.10.2020
განცხადებები

არასამთავრობო ორგანიზაციები საქართველოს საგამოძიებო და უსაფრთხოების უწყებებს, ასევე აუდიტის სამსახურს „პატრიოტთა ალიანსის“ შესახებ „დოსიეს“ მიერ გასაჯაროვებულ ინფორმაციაზე ადეკვატური რეაგირებისკენ მოუწოდებენ

02.10.2020

IDFI-ს განცხადება სასამართლოს გადაწყვეტილებების ხელმისაწვდომობის თაობაზე

24.09.2020

არასამთავრობოები მოქმედი მოსამართლეების წინააღმდეგ წარმოებული სისხლის სამართლის საქმეებზე ინფორმაციის გაასაჯაროებას მოითხოვენ

11.09.2020

კოალიცია საქართველოს პარლამენტში ინიცირებულ „საერთო სასამართლოების შესახებ” საქართველოს ორგანულ კანონში შესატან ცვლილებათა კანონპროექტს ეხმიანება

08.09.2020
ბლოგპოსტები

1930-იანი წლების რეპრესიების მეხსიერება - რას და რატომ ვიხსენებთ?

13.10.2020

გასაბჭოება - საბჭოური კოლექტიური მეხსიერების პირველი საფეხური

13.10.2020

კიბერშეტევა ჯანდაცვის სამინისტროზე და რუსული კვალი

03.09.2020

გამჭვირვალე სახელმწიფო შესყიდვების რეიტინგში უკრაინის წამყვანი პოზიცია საშიშროების წინაშე დგას

02.09.2020