ინფორმაციის თავისუფლების განვითარების ინსტიტუტის (IDFI) პროექტის, „სოლიდარობის ბრენდინგი – შიდა ქართლის რეგიონში, ოკუპირებული ტერიტორიების ახლოს მცხოვრები მეწარმეების ხელშეწყობა“  ფარგლებში წარმოებულმა კამპანიამ - „გმირობის ნაყოფი“ საერთაშორისო ასპარეზზე არაერთ წარმატებას მიაღწია.

16 სექტემბერს, ბათუმის საზაფხულო თეატრში, კრეატიული ინდუსტრიის საერთაშორისო ფესტივალის, Ad Black Sea 2023-ის დაჯიდლოების ცერემონია გაიმართა. ქართული კრეატიული სააგენტოების ნამუშევრებმა აღნიშნულ ფესტივალზე 26 ჯილდო მოიპოვა 13 კატეგორიაში, რომელსაც საერთაშორისო ჟიურის ოთხი გუნდი აფასებდა. IDFI-ის წარმოებული კამპანია ”გმირობის ნაყოფი” 2 ვერცხლისა და 1 ბრინჯაოს მფლობელი გახდა:

ვერცხლი - Sustainable Development Goals - People

ვერცხლი - Brand Experience & Activation -Launch / Re-launch

ბრინჯაო - Creative Strategy - Corporate Purpose & Social Responsibility

“გმირობის ნაყოფის” კამპანიამ ასევე მნიშვნელოვან წარმატებას მიაღწია 30 სექტემბერსა და 1 ოქტომბერს ყაზახეთის ქალაქ ალმათიში გამართულ პრესტიჟულ ფესტივალზე - Jolbors Festival 2023, სადაც ოქროსა და ვერცხლის მფლობელი გახდა შემდეგ კატეგორიებში: 

ოქრო - Marketing - Brand Launch / Re-launch

ვერცხლი - PR  - ESG projects

აღსანიშნავია, რომ ფესტივალში მონაწილეობას იღებდნენ სარეკლამო ინდუსტრიის წარმომადგენლები ევროპიდან, ცენტრალური აზიიდან და აღმოსავლეთ აზიიდან.

2022 წელს, USAID-ის, Zinc Network-ისა და ინფორმაციის თავისუფლების განვითარების ინსტიტუტის (IDFI) ერთიანი ძალისხმევით, შიდა ქართლში საოკუპაციო ხაზთან მცხოვრებმა ფერმერებმა “გმირობის ნაყოფის” ბრენდის ქვეშ საკუთარი სასოფლო-სამეურნეო პროდუქტები „კარფურის“ (თბილისი მოლი, East Point-ი), „ზღაპარისა“ (30-მდე ფილიალში) და „სმარტის" (გორი, კახეთი, გუდაური) მაღაზიათა ქსელებში განათავსეს. 

კამპანიის მიზანი იყო, ქართველ მომხმარებლებს დახმარებოდა შიდა ქართლში, საოკუპაციო ხაზთან მოყვანილი პროდუქციის იდენტიფიცირებასა და შეძენაში.

“გმირობის ნაყოფი” კრეატიულ სააგენტო ,,Leavingstone“-თან ერთობლივი მუშაობითა და Zinc Network-ის მხარდაჭერით მომზადდა.

პროექტის განხორციელება შესაძლებელი გახდა, USAID-ისა და ამერიკელი ხალხის ფინანსური დახმარებით, პროექტის - სოლიდარობის ბრენდინგი: შიდა ქართლის რეგიონში, ოკუპირებული ტერიტორიების ახლოს მცხოვრები მეწარმეების ხელშეწყობა - ფარგლებში.