IDFI- მ საბჭოთა ოკუპაციისადმი მიძღვნილი ღონისძიების ფარგლებში ხაშურის N8 საჯარო სკოლას უმასპინძლა

სიახლეები | მეხსიერების და დეზინფორმაციის კვლევები 23 თებერვალი 2024

2024 წლის 23 თებერვალს, ინფორმაციის თავისუფლების განვითარების ინსტიტუტმა (IDFI) საბჭოთა ოკუპაციის დღისადმი მიძღვნილი ღონისძიების ფარგლებში, ხაშურის მუნიციპალიტეტის N8 საჯარო სკოლის მოსწავლეებსა და პედაგოგებს უმასპინძლა და საჯარო ლექცია „საბჭოთა ოკუპაცია და მისი შედეგები საქართველოს მეხსიერებაში“ და “რადიო თავისუფლების” ფილმის “დახვრეტილთა სასაფლაო ბათუმში” ჩვენება გამართა.

 

 ინფორმაციის თავისუფლების განვითარების ინსტუტუტის (IDFI) მეხსიერებისა და დეზინფორმაციის კვლევების მიმართულების ხელმძღვანელმა, ანტონ ვაჭარაძემ ლექციის ფარგლებში, ისაუბრა 70-წლიანი ოკუპაციის პერიოდსა და შედეგებზე. ამავდროულად, ყურადღება გაამახვილა 1930-იან წლებში განხორციელებულ  მასობრივ რეპრესიებზე, აჭარაში აღმოჩენილ სამარხებსა და განხორციელებულ კვლევით საქმიანობაზე. აღნიშნა, რომ მნიშვნელოვანია ახალგაზრდებში მეხსიერებისა და საბჭოთა წარსულის კვლევების წახალისება, პოპულარიზაცია და საზოგადოებაში საბჭოთა ოკუპაციის შესახებ ცნობიერების ამაღლება. 

 

საჯარო ლექციის შემდეგ, „რადიო თავისუფლების“ ფილმის „დახვრეტილთა სასაფლაო ბათუმში“ ჩვენება გაიმართა. ფილმში ასახულია ბათუმში, კერძოდ კი, ხელვაჩაურში, ყოფილი რუსული სამხედრო ბაზის ტერიტორიაზე ნაპოვნი N6 სამარხის გახსნის პროცედურები, პოლონეთის ეროვნული მეხსიერების ინსტიტუტის (IPN) მიერ განხორციელებული სამუშაოები და ერთ-ერთი რეპრესირებულის შვილის ისტორია, რომელიც იმედოვნებს, რომ მომავალში მოიძებნება საშუალება, რათა მისი დნმ მასალა შედარდეს N6 სამარხში აღმოჩენილ 29 ადამიანის დნმ-თან.

 

ღონისძიების დასასრულს, გაიმართა დისკუსია საპრეზენტაციო თემის ირგვლივ, რომელშიც მოსწავლეებთან ერთად, ჩართულები იყვნენ სკოლის პედაგოგებიც და არაერთი საინტერესო კითხვა გაჟღერდა.

 

საინფორმაციო შეხვედრა გაიმართა შვედეთის საერთაშორისო განვითარების თანამშრომლობის სააგენტოს, SIDA-ს ფინანსური მხარდაჭერით.

 

სხვა მასალები ამ თემაზე
სიახლეები

9 ნაბიჯი ევროკავშირისკენ (შესრულების მდგომარეობა)

11.04.2024

“აპრილის გამოძახილი” - IDFI-მ 9 აპრილისადმი მიძღვნილი ღონისძიება გამართა

10.04.2024

V-Dem-ის შედეგები: 2023 წელს საქართველოში დემოკრატიის ხარისხი გაუარესდა

08.04.2024

საქართველოში საჯარო მმართველობის რეფორმის მიმოხილვა

02.04.2024
განცხადებები

400-ზე მეტი ორგანიზაცია: კი - ევროპას, არა - რუსულ კანონს!

08.04.2024

მოვუწოდებთ „ქართული ოცნების“ ლიდერებს, ქართველ ხალხს აუხსნან, ავალებდნენ თუ არა მათ უცხო სახელმწიფოს ინტერესის სასარგებლოდ მოქმედებას

07.04.2024

კოალიცია ანტიკორუფციული ბიუროსთვის მოსამართლეთა ქონების შემოწმების შეჩერებას ეხმიანება

06.04.2024

მოსამართლეებმა სასამართლოს მეშვეობით ანტიკორუფციული ბიუროს მიერ მათი ქონების შემოწმების პროცესი გააჩერეს

05.04.2024
ბლოგპოსტები

მაღალი დონის კორუფციის გადაუჭრელი პრობლემა საქართველოში

15.02.2024

Sockpuppet-ები და ვიკიპედია - ბრძოლის უცნობი ფრონტი

14.02.2024

რუსეთის მოქალაქეების შემოდინება საქართველოში და საზოგადოებრივი უსაფრთხოების გამოწვევები

05.10.2023

ენერგეტიკული სიღარიბე და დანაშაული საქართველოში

05.10.2023