კორუფციასთან ბრძოლის სასერტიფიკატო პროგრამის მონაწილეთა დაჯილდოების ცერემონია

სიახლეები | კორუფციასთან ბრძოლა | სტატია 1 ოქტომბერი 2021

30 სექტემბერს გაიმართა კორუფციასთან ბრძოლის სასერტიფიკატო პროგრამის 2019-2020 და 2020-2021 წლების მონაწილეთა დაჯილდოების ცერემონია. ღონისძიებისას პროგრამის მონაწილეებს, რომლებმაც წარმატებით შეძლეს პროგრამის შედეგად შეთავაზებული სასწავლო მოდულების, და აკადემიური კურსების, დასრულება გადაეცათ სერტიფიკატები. ამავდროულად, დაჯილდოების ცერემონიაზე, ინფორმაციის თავისუფლების განვითარების ინსტიტუტმა (IDFI) და ილიას სახელმწიფო უნივერსიტეტმა შეაჯამეს 2019-2020 და 2020-2021 სასწავლო წლების შედეგები. შეხვედრის მონაწილეებს შესაძლებლობა ჰქონდათ მიეღოთ ინფორმაცია პროგრამის მიმდინარეობის, განვითარების, სასწავლო მოდულებისა და აკადემიური კურსების შესახებ. 

 

შეხვედრა გახსნა IDFI-ს აღმასრულებელმა დირექტორმა, გიორგი კლდიაშვილმა, რომელმაც მადლობა გადაუხადა ილიას სახელმწიფო უნივერსიტეტს პროგრამის საუნივერსიტეტო სივრცეში მასპინძლობისთვის და შეხვედრის მონაწილეებს გააცნო პროგრამის ფარგლებში მიღწეული შედეგები და სამომავლო გეგმები. შეხვედრის გახსნაში, ასევე, მონაწილეობა მიიღეს ილიას სახელმწიფო უნივერსიტეტის რექტორმა, გიგა ზედანიამ და მეცნიერებათა და ხელოვნების ფაკულტეტის დეკანმა - გიორგი გვალიამ

 

აღსანიშნავია, რომ შეხვედრის დღეს ხელი მოეწერა ილიას სახელმწიფო უნივერსიტეტსა და IDFI-ს შორის ურთიერთანამშრომლობის მემორანდუმს. აღნიშნული მემორანდუმი უკვე მესამედ გაფორმდა ორ დაწესებულებას შორის, რითაც ხდება კორუფციასთან ბრძოლის სასერტიფიკატო პროგრამასთან დაკავშირებული საკითხების ორგანიზება. 

 

კორუფციასთან ბრძოლის სასერტიფიკატო პროგრამის მენეჯერმა, დავით მაისურაძემ, შეხვედრის მონაწილეებს დეტალურად გააცნო პროექტის ფარგლებში განხორციელებული და დაგეგმილი აქტივობები, მიმოიხილა 2019 წლიდან დღემდე პროექტის ფარგლებში ჩატარებული სასწავლო მოდულები, აკადემიური კურსები და ღია ლექციები. აღსანიშნავია, რომ 2019-2020 წელს პროგრამის ფარგლებში შემუშავდა რვა პროფესიული სასწავლო მოდული, რომელიც 2020-2021 სასწავლო წლისთვის გარდაიქმნა ილიას სახელმწიფო უნივერსიტეტის მეცნიერებათა და ხელოვნების ფაკულტეტის ოთხ აკადემიურ კურსად. დავით მაისურაძემ, ასევე, გააცნო შეხვედრის მონაწილეებს ინფორმაცია იმ დამატებითი შესაძლებლობების შესახებ, რასაც ქმნის სასერტიფიკატო პროგრამაში ჩართულობა. კერძოდ, პროგრამის მონაწილეებს შესაძლებლობა ექნებათ მონაწილეობა მიიღონ IDFI-ს მიერ გამოცხადებულ კონკურსებში და ისარგებლონ საერთაშორისო აკადემიური ანტიკორუფციული ქსელის (EAACN) წევრობით.

 

დავით მაისურაძემ შეხვედრაზე, ასევე, წარადგინა ანტიკორუფციული ჰაბის ვებგვერდი. ანტიკორუფციული ჰაბის ვებგვერდი არის ელექტრონული პლატფორმა, რომელიც შესაძლებლობას მისცემს კორუფციასთან ბრძოლაში დაინტერესებულ პირებს გაერთიანდნენ, გაუზიარონ ერთმანეთს ინფორმაცია, მოახდინონ აქტივობების ერთობლივად ორგანიზება. ამავდროულად, ვებგვერდის საშუალებით დაინტერესებულ პირებს შესაძლებლობა ექნებათ გაეცნონ ჰაბის მიერ შემოთავაზებულ ონლაინ საგანმანათლებლო პროგრამებს და თითოეული ონლაინ კურსისთვის განკუთვნილი ტესტირების წარმატებით ჩაბარების შემთხვევაში მიიღონ ამ კურსის გავლის დამადასტურებელი ელექტრონული სერტიფიკატი. ანტიკორუფციული ჰაბის ვებგვერდი შეიქმნა შვედეთის საერთაშორისო განვითარების თანამშრომლობის სააგენტოს (Sida) ორგანიზაციული მხარდაჭერის გრანტის ფარგლებში.

 

პროექტის შედეგებისა და ანტიკორუფციული ჰაბის ვებგვერდის პრეზენტაციის შემდეგ, გაიმართა 2019-2020 და 2020-2021 წლების კურსდამთავრებულების სერტიფიკატებით დაჯილდოების ცერემონია. 

 

კორუფციასთან ბრძოლის სასერტიფიკატო პროგრამას ახორციელებს ინფორმაციის თავისუფლების განვითარების ინსტიტუტი (IDFI) ილიას სახელმწიფო უნივერსიტეტთან თანამშრომლობით ღია საზოგადოების მხარდაჭერის ფონდის დაფინანსებით.

 

ღონისძიების ფოტო გალერეა იხილეთ აქ.

 

            

            

 

სხვა მასალები ამ თემაზე
სიახლეები

რუსეთის მოქალაქეებზე გაცემული ბინადრობის ნებართვები (მარტი-ივლისი)

30.09.2022

IDFI-ის ღია ლექცია: საჯარო ინფორმაციის ხელმისაწვდომობა და ხელისუფლების კონტროლის მექანიზმები

30.09.2022

კორუფციასთან ბრძოლის სასერტიფიკატო პროგრამა დაიწყო

29.09.2022

საჯარო დაწესებულებების 2021 წლის 10 დეკემბრის ანგარიშების სიზუსტის მონიტორინგის შედეგები

28.09.2022
განცხადებები

IDFI ეხმიანება მთავრობის სხდომაზე თელარა გელანტიას მეორედ არდაშვების ფაქტს

29.09.2022

არასამთავრობო ორგანიზაციებმა შეარჩიეს სახალხო დამცველობის კანდიდატები, რომლებსაც მხარს დაუჭერენ

27.09.2022

სამოქალაქო სექტორი სასამართლო სისტემაში არსებული ვითარების შესასწავლად საგამოძიებო კომისიის შექმნას ითხოვს

22.09.2022

მოსამართლეებზე სავარაუდო ზეწოლის ფაქტები რეაგირებას საჭიროებს

22.09.2022
ბლოგპოსტები

საჯარო ინფორმაციის ხელმისაწვდომობა და უფლება სამართლიან სასამართლოზე

11.07.2022

ქართული პრესისა და ბეჭდვითი მედიის ცენზურის ისტორია

03.05.2022

9 მაისის აღნიშვნა რუსეთში

02.05.2022

ციფრული უფლებები ღია მმართველობის პარტნიორობის ფარგლებში

15.04.2022