2012 წლის 27 ივლისს, ინფორმაციის თავისუფლების განვითარების ინსტიტუტის ორგანიზებით, შინაგან საქმეთა სამინისტროს არქივს სტუმრად ეწვია საქართველოს სრულუფლებიანი ელჩი გერმანიაში, გაბრიელა ფონ ჰაბსბურგი. სტუმარს არქივის დირექტორმა, ბატონმა ომარ თუშურაშვილმა გააცნო არქივის ისტორია, ესაუბრა არქივში მიმდინარე საქმიანობაზე.

სტუმრებმა დაათვალიერეს არქივში დაცული მასალები, კერძოდ იმ გერმანელთა პირად საქმეები, რომლებიც 1941 წელს გადაასახლეს საქართველოდან. ქალბატონი გაბრიელა ფონ ჰაბსბურგი გაეცნო სხვა საარქივო დოკუმენტებსაც, რომლებიც ათწლეულების მანძილზე სრულიად საიდუმლო გრიფით ინახებოდა ყოფილი უშიშროების კომიტეტის არქივში და არიყო მკვლევართათვის ცნობილი. 

სტუმრებმა დაათვალიერეს ასევე საარქივო დოკუმენტების და ფოტოების გამოფენა, რომელიც შინაგან საქმეთა სამინისტროს არქივის მიერ არის მომზადებული. 

ინფორმაციის თავისუფლების განვითარების ინსტიტუტის დირექტორმა გიორგი კლდიაშვილმა სტუმრებთან ისაუბრა საქართველოს არქივებში დაცული მასალების ხელმისაწვდომობაზე, არქივების გახსნილობაზე, საქართველოს არქივებში დაცული დოკუმენტების ისტორიულ და კვლევით მნიშვნელობაზე.

სტუმრებმა განიხილე სარქივისა და ინსტიტუტის ერთობლივი საქმიანობა და მიმდინარე კვლევითი პროექტები.

მხარეებმა ასევე, ისაუბრეს სამომავლო გეგმებზე და ურთიერთთანამშრომლობის პერსპექტივებზე არქივის მეტად პოპულარიზაციის და საარქივო კვლევების განვითარების მიმართულებით.