2021 წლის 9 მარტს, ინფორმაციის თავისუფლების განვითარების ინსტიტუტმა (IDFI), ევროკავშირის მხარდაჭერით, პროექტის - „კოვიდ-19-თან დაკავშირებული სახელმწიფო ხარჯების და ადამიანის უფლებების მდგომარეობის მონიტორინგი“ ფარგლებში საქართველოს საკონსტიტუციო სასამართლოს 2021 წლის 11 თებერვლის გადაწყვეტილებასთან დაკავშირებითგამართა დისკუსია.

აღნიშნული აქტი არის საქართველოს საკონსტიტუციო სასამართლოს მიერ პანდემიასთან დაკავშირებულ სარჩელთაგან პირველი, რომელზეც სასამართლომ მიიღო გადაწყვეტილება. საკონსტიტუციო სასამართლოს ამ გადაწყვეტილების  ფარგლებში განვითარებულმა მსჯელობამ არაერთი სამართლებრივი ბუნდოვანება წარმოშვა, რის გამოც გადაწყვეტილებამ სამოქალაქო საზოგადოების კრიტიკა დაიმსახურა.

ონლაინ დისკუსიის ფარგლებში განხილულ იქნა ამ გადაწყვეტილებით დამკვიდრებული სამართლებრივი სტანდარტები. დისკუსიის ფარგლებში მოხსენებები წარმოადგინეს საქართველოს საკონსტიტუციო სასამართლოს, არასამთავრობო სექტორისა და აკადემიური სფეროს წარმომადგენლებმა.  კერძოდ, დისკუსიაში მონაწილეობდა:

- ირაკლი ქსოვრელი – სამართლებრივი უზრუნველყოფისა და კვლევების დეპარტამენტის უფროსი, საქართველოს საკონსტიტუციო სასამართლო (CCoG)

- გიორგი ჩიტიძე – ადამიანის უფლებათა პროგრამის მენეჯერი, ღია საზოგადოების ფონდი (OSGF)

- გიორგი გოცირიძე – საკონსტიტუციო სამართალწარმოების გუნდის ხელმძღვანელი, საქართველოს ახალგაზრდა იურისტთა ასოციაცია (GYLA)

- თამარ სამხარაძე – სტრატეგიული სამართალწარმოების იურისტი, ადამიანის უფლებების სწავლებისა და მონიტორინგის ცენტრი (EMC)

- დავით ზედელაშვილი – საქართველოს უნივერსიტეტის პროფესორი , კვლევითი ინსტიტუტი Gnomon Wise თანამშრომელი.

მოხსენებების დასრულების შემდგომ გაიმართა დისკუსია,  რომლის ფარგლებშიც თითოეულ მონაწილეს მომხსენებლებთან კითხვების დასმისა და გადაწყვეტილებასთან დაკავშირებით საკუთარი პოზიციის დაფიქსირების შესაძლებლობა მიეცა.

ღონისძიების ჩანაწერი შეგიძლიათ იხილოთ აქ.