„საჯარო ინფორმაციის მონაცემთა ბაზა - www.opendata.ge“ შედეგების პრეზენტაცია

სიახლეები 13 აპრილი 2012

ინფორმაციის თავისუფლების განვითარების ინსტიტუტმა (IDFI) ფონდ ღია საზოგადოება საქართველოს მხარდაჭერით პროექტის „საჯარო ინფორმაციის მონაცემთა ბაზა -www.opendata.ge“ შედეგების პრეზენტაცია გამართა.

პროექტის დირექტორმა ლევან ავალიშვილმა დამსწრე საზოგადოებას 2011 წლის პროექტის  ანგარიში გააცნო.


 
2011-2012 წლებში საჯარო ინფორმაციის მოთხოვნით სულ გაგზავილ იქნა 7339 განცხადება 229 საჯარო დაწესებულებაში, მათ შორის რეგიონებში.

პროექტის სტატისტიკური შედეგები შემდეგნაირად გამოიყურება
 

სულ გაიგზავნა - 7339 კითხვა

  • სრულყოფილი პასუხი - 3763 (57.03%)
  • არასრულყოფილი პასუხი - 1091 (16.13%)
  • სამართლებრივი საფუძვლის არმქონე უარი - 265 (3.59%)
  • იგნორირება - 2220     (23.25%)


ღონისძიებაზე დასახელდა პროექტის ფარგლებში გამოვლენილი ყველაზე ანგარიშვალდებული და ყველაზე დახურული საჯარო დაწესებულებები. 2011 წელს საჯარო ინფორმაციის ხელმისაწვდომობის უზრუნველყოფისათვის სერთიფიკატები და ჯილდოები გადაეცათ: იურიდიული დახმარების სამსახურს, საქართველოს სახალხო დამცველის აპარატს,  საჯარო სამსახურის ბიუროს, საარჩევნო სისტემის განვითარების, რეფორმებისა და სწავლების ცენტრს, ოლიმპიური რეზერვების მზადების ეროვნულ ცენტრს, ევრაზიის სატრანსპორტო დერეფნის საინვესტიციო ცენტრს, სტატისტიკის ეროვნულ სამსახურს, სოფლის მეურნეობის სამინისტროს ლაბორატორიას, ფინანსთა სამინისტროს მომსახურების სააგენტოს, ტურიზმის ეროვნულ სააგენტოს, სახელმწიფო ზრუნვის სააგენტოს, ლევან სამხარაულის სახელობის სასამართლო ექსპერტიზის ეროვნულ ბიუროს, საქართველოს ეროვნულ ბანკს.
 
საჯარო ინფორმაციის კანონით დადგენილ ვადაში საუკეთესოდ გაცემისთვის ნომინაციის გამარჯვებულად გამოვლინდა მონაცემთა გაცვლის სააგენტო.


რეგიონალური საჯარო დაწესებულებებიდან სერთიფიკატები დმანისის, ჩოხატაურის  ახალციხის, მარტვილის, თელავის გამგეობებმა და ქალაქ რუსთავის მერიამ მიიღეს. დაჯილდოვდნენ ასევე სამცხე-ჯავახეთისა და სამეგრელო - ზემო სვანეთის გუბერნატორების ადმინისტრაციები.

ყველაზე დახურულ საჯარო დაწესებულებად თავდაცვის სამინისტრო დასახელდა. ინსტიტუტმა არაერთხელ მიმართა საჯარო ინფორმაციის მოთხოვნით თავდაცვის სამინისტროს, მაგრამ ინფორმაციის მიწოდებაზე უარი მიიღო.


ასევე, პრეზენტაციაზე ნომინაციაში „2011 წელს საჯარო ინფორმაციის შეზღუდვისთვის" სერთიფიკატი მიიღო შინაგან საქმეთა სამინისტროს მომსახურების სააგენტომ და სასჯელაღსრულებისა და პრობაციის ეროვნულმა სააგენტომ. რეგიონებიდან 2011 წელს საჯარო ინფორმაციის შეზღუდვისთვის სერთიფიკატები გადაეცათ ქვემო ქართლის გუბერნატორის ადმინისტრაციას, ვანის, სამტრედიის, ხონის, თიანეთის, ცაგერის, ჩხოროწყუს, ასპინძის, ბორჯომის, ნინოწმინდის, გარდაბნის, თეთრიწყაროს, კასპის და ქარელის მუნიციპალიტეტების გამგეობებს.

IDFI -ს დირექტორმა გიორგი კლდიშვილმა მადლობა გადაუხადა საჯარო დაწესებულებების წარმომადგენლებს თანამშრომლობისთვის და იმედი გამოთქვა, რომ სამომავლოდ ეს თანამშრომლობა უფრო ინტენსიური და ნაყოფიერი გახდება, რაც ხელს შეუწყობს საჯარო დაწესებულებების ანგარიშვალედებულების ხარისხის ამაღლებას და საქართველოში ინფორმაციის თავისუფლების განვითარებას.

ღონისძიებაზე  ინფორმაციის თავისუფლების განვითარების ინსტიტუტმა  წარმოადგინა ახალ პუბლიკაცია „ინფორმაციის თავისუფლება - გზამკვლევი.“


პროექტისკოორდინატორმა, სერგი ჯორბენაძემ ისაუბრა „ინფორმაციის თავისუფლება-გზამკვლევის“ შესახებ და დამსწრე საზოგაოდებას გააცნო პუბლიკაციის შინაარსი. გზამკვლევი ეფუძნება ინსტიტუტის საჯარო ინფორმაციის გამოთხოვის პრაქტიკას. კონკრეტულ მაგალითებზე დაყრდნობით  ნაშრომი რეალურად ასახავს საქართველოში არსებულ ვითარებას და სრულ წარმოდგენას უქმნის მკითხველს საჯარო ინფორმაციის ხელმისაწვდომობის არსებულ პრაქტიკასთან დაკავშირებით. პუბლიკაციაში განმარტებულია საჯარო ინფორმაციის არსი და  მოქალაქეების უფლებები საჯარო ინფორმაციის გამოთხოვნასთან დაკავშირებით. გზამკვლევის მიზანია, დაინტერესებულ პირებს მისცეს სათანადო თეორიული ცოდნა და დაეხმაროს საჯარო ინფორმაციის ხელმისაწვდომობასთან დაკავშირებული სამართლებრივი აქტების მართებულ გაგებაში და გამოყენებაში.

 პრეზენტაციას საჯარო დაწესებულებების, არასამთავრობო ორგანიზაციებისა და მასმედიის წარმომადგენლები ესწრებოდნენ.
 

სხვა მასალები ამ თემაზე
სიახლეები

კეთილსინდისიერება საჯარო სამსახურში

23.06.2022

შიდა ქართლის რეგიონში, ოკუპირებული ტერიტორიების ახლოს მცხოვრები მეწარმეების ხელშეწყობა ბრენდინგის გზით

23.06.2022

პანელური განხილვები: საჯარო ინფორმაციის ხელმისაწვდომობის საკანონმდებლო ჩარჩოსა და პრაქტიკის გაუმჯობესება საქართველოში

16.06.2022

რეგიონული ღონისძიება: უკრაინაში რუსეთის შეჭრის გავლენა აღმოსავლეთ პარტნიორობის ქვეყნებში მოქმედ არასამთავრობო ორგანიზაციებზე

11.06.2022
განცხადებები

მიმართვა საქართველოს პრეზიდენტს სალომე ზურაბიშვილს

16.06.2022

სამოქალაქო ორგანიზაციების განცხადება 5-6 ივლისის მოვლენებში სუს-ის შესაძლო ჩართულობაზე

14.06.2022

ევროინტეგრაციის პროცესთან დაკავშირებით ქართული ოცნების ხელისუფლების დამოკიდებულება არაკონსტიტუციურია

13.06.2022

მოვუწოდებთ ხელისუფლებას გადადგას კონკრეტული ნაბიჯები კანდიდატის სტატუსის მოსაპოვებლად

10.06.2022
ბლოგპოსტები

ქართული პრესისა და ბეჭდვითი მედიის ცენზურის ისტორია

03.05.2022

9 მაისის აღნიშვნა რუსეთში

02.05.2022

ციფრული უფლებები ღია მმართველობის პარტნიორობის ფარგლებში

15.04.2022

რუსული დეზინფორმაციის ტენდენციები საქართველოში უკრაინის ომის პარალელურად

04.04.2022