გარემოზე ზემოქმედების ნებართვის შესახებ საქართველოს კანონის მიხედვით გარემოს ზემოქმედების შეფასებისგან (გზშ) შეიძლება განთავისუფლდეს იმგვარი საქმიანობა, რომლის დაწყების შესახებ დროულ გადაწყვეტილებას მოითხოვს საერთო სახელმწიფოებრივი ინტერესები. ეს პროცედურა თავისთავად გულისხმობს მის გათავისუფლებას საჯარო განხილვებისგან. განთავისუფლების თაობაზე საქმიანობის განმახორციელებლის განცხადებას განიხილავს გარემოზე ზემოქმედების სპეციალური საბჭო. მათ მიერ შემუშავებულ შესაბამის წინადადებებს  მინისტრი წარუდგენს საქართველოს მთავრობას გადაწყვეტილების მისაღებად.

 IDFI – იმ საქართველოს გარემოსა და ბუნებრივი რესურსების დაცვის სამინისტროდან მიიღო 2010 -2013 წლებში გარემოზე ზემოქმედების შეფასებისგან განთავისუფლებული ორგანიზაციების ჩამონათვალი და აღნიშნული ორგანიზაციების მიერ განთავისუფლების მოთხოვნის თაობაზე სამინისტროში წარდგენილი განცხადებების ქსეროასლები.

როგორც მიღებული დოკუმენტაციიდან ირკვევა 2010-2013 წლების განმავლობაში გარემოს ზემოქმედების შეფასებისგან სულ განთავისუფლდა 24 პროექტი, რომელთაგან უმრავლესობა (12 პროექტი) განთავისუფლდა 2012 წელს. 2013 წლის განმავლობაში გზშ-გან განთავისუფლებულია მხოლოდ ორი პროექტი, რომლებიც დაკავშირებულია ასფალტისა და ასაფეთქებელი ნივთიერებების  წარმოებასთან.

გთავაზობთ ორგანიზაციების მიერ სამინისტროში წარდგენილ მიმართვის წერილების ქსეროასლებს:

1. შპს „ჯიარჯი“-ასფალტის წარმოება
2. შპს „Alchemist GBT International” – ასაფეთქებელი ნივთიერებების წარმოება
3. შპს „ტავ ურბან საქართველო“  – აეროპორტის მოწყობა
4. შპს „Petroleum Storage and Trade” – ნავთობსაცავი მოწყობა
5. საავტომობილო გზების დეპარტამენტი – ხიდის აგება
6. შპს „გეოენერჯი“ – ჰიდროელექტროსადგურის განთავსება
7. სს „საქართველოს სახელმწიფო ელექტროსისტემა“ – ელექტროგადამცემი ხაზის გაყვანა
8. შპს „ATOLL PAINT COMPANY“- ქიმიური მრეწველობა
9. ბორჯომის მუნიციპალიტეტის გამგეობა – ნაგავსაყრელის მოწყობა
10. შპს „ნიუ ენერჯი“ – ასფალტის წარმოება
11. შპს „მოულდს ენდ მეტალ ჯორჯია“- მეტალურგიული წარმოება
12. შპს „საქართველოს აეროპორტების გაერთიანება“ – აეროპორტის მოწყობა
13. შპს „საქართველოს ნავთობისა და გაზის კორპორაცია“- მაგისტრალური გაზსადენის გაყვანა
14. შპს „საქართველოს სახელმწიფო ელექტროსისტემა“- ელექტროგადამცემი ხაზის გაყვანა
15. შპს „საქართველოს გაერთიანებული წყალმომარაგების კომპანია“ – ჩამდინარე წყლების გამწმენდი ნაგებობის განთავსება
16. შპს  „თურქულ-ქართული ერთობლივი კომპანია ბლექ სი გრუპი“- ასფალტის წარმოება
17. შპს „საქართველოს სახელმწიფო ელექტრო სისტემა“- ელექტრო გადამცემი ხაზის გაყვანა
18. საავტომობილო გზების დეპარტამენტი – აეროპორტის მოწყოფა
19. აჭარის ა/რ  ფინანსთა და ეკონომიკის სამინისტრო- საკანალიზაციო კოლექტორის განთავსება
20. თბილისის მერია – ნარჩენების განთავსება

ზემოთ მოყვანილი მიმართვის წერილებიდან, რიგ შემთხვევებში შეუძლებელია გარკევვა გარემოს ზემოქმედების შეფასებისგან განთავისუფლება, რამდენად განპირობებულია საერთო სახელმწიფოებრივი ინტერესებიდან.