ღია მმართველობის სამოქალაქო საზოგადოების დღეზე საერთაშორისო გამჭვირვალობა - მექსიკამ წარადგინა წიგნი სახელწოდებით ,,ღია პარლამენტი, შედეგები და მოლოდინები". წიგნის ედუარდო ბორკესის ედიტორობით გამოიცა, ხოლო თანა-ავტორი IDFI-ის დირექტორი და OGP-ის საქართველოს ფორუმის თანა-თავმჯდომარე, გიორგი კლდიაშვილი.
გიორგი სტატიაში - ,,ღია პარლამენტი საქართველოს ღია მმართველობის პარტნიორობის სამოქმედო გეგმაში" - მოკლედ მიმოიხილავს საქართველოს ბოლო წლების ისტორიას და ცხად წარმოდგენას უქმნის მკითხველს თუ რა ისტორიულ საფუძველზე მოუხდა საქართველოს დემოკრატიული პოლიტიკური კულტურის, სამოქალაქო საზოგადოების ჩამოყალიბება.
გიორგი ხაზს უსვამს ღია მმართველობის პარტნიორობის მნიშვნელობას საქართველოსთვის, რადგან სწორედ ეს ინიციატივა გახდა ძალიან მნიშვნელოვანი ბაზისი ქვეყნისთვის ხელისუფლების ანგარიშვალდებულებისა და გამჭვირვალობის, სამოქალაქო ჩართულობის, სამთავრობო სექტორში ინოვაციებისა და საჯარო სერვისების განსავითარებლად და უზრუნველსაყოფად.
IDFI-ის დირექტორი, ასევე ეხება 2015-2016 წლების საქართველოს ღია პარლამენტის სამოქმედო გეგმას და დასკვნის სახით, აღნიშნავს, რომ საქართველოში საკანონმდებლო პროცესების ღიაობა მნიშვნელოვნად იყო დამოკიდებული საქართველოს პარლამენტის კეთილ ნებაზე. შესაბამისად, პარლამენტის თავმჯდომარე, დავით უსუფაშვილი ამ პროცესებში პირადად იყო ჩართული.
,,ღია პარლამენტი, შედეგები და მოლოდინები" ასევე მოიცავს ისეთ თავებს როგორც არის: ,,სამოქალაქო ჩართულობა საკანონმდებლო ორგანოში: არგუმენტი წარმომადგენლობის გაძლიერებისათვის," ,,ჭეშმარიტი პარტნიორობა ორს მოიცავს," ,,ღია პარლამენტი და საკანონდებლო ორგანოს შეფასებასთან დაკავშირებული გამოწვევები" და სხვა.
ღონისძიებები ახმეტის მუნიციპალიტეტში 1924 წლის აჯანყების მე-100-ე წლისთავთან დაკავშირებით
05.08.2024ქალაქ თბილისის საპარკინგე პოლიტიკა 2018-2024
29.07.2024