IDFI-მ რეგიონული ტელეარხების ციფრულ მაუწყებლობაზე გადასვლის მოდელი წარმოადგინა

სიახლეები | ინტერნეტი და ინოვაციები | პუბლიკაციები | სტატია 15 ივლისი 2013

რეგიონული ტელევიზიების ციფრულ მაუწყებლობაზე გადასვლის საკითხებზე იმსჯელეს რეგიონული ტელევიზიის წარმომადგენლებმა, საქსელო პროვაიდერებმა და დარგის ექსპერტებმა.

შეხვედრა მიმდინარე წლის 11 ივლისს IDFI-ს ორგანიზებით ფონდ „ღია საზოგადოება საქართველოს ოფისში“ გაიმართა.

ინსტიტუტის ხედვა და რეკომენდაციები რეგიონული საეთერო მიწისზედა მაუწყებლების ციფრულ მაუწყებლობაზე გადასვლასთან დაკავშირებით დამსწრე საზოგადოებას GARB-ის აღმასრულებელმა დირექტორმა და IDFI -ს ექსპერტმა ნათია კუპრაშვილმა გააცნო.

დიგიტალიზაციის პროცესში მნიშვნელოვანია, რომ რეგიონულ ტელე-არხებს სატელევიზიო სიგნალის დამოუკიდებლად გავრცელების შესაძლებლობა მიეცეთ, რასაც მცირესიმძლავრიანი გადამცემები ურუნველყოფენ. მათი აგება მოცულობით ფინანსურ დანახარჯებთან არის დაკავშირებული, მაგრამ შესაძლებელია, ერთ ზონაში არსებულმა რამდენიმე მაუწყებელმა ერთი სიხშირით ისარგებლოს. იმ შემთხვევაში თუ ზონაში მხოლოდ ერთი მაუწყებელია, მის კუთვნილ მცირესიმძლავრიან ქსელზე გავრცელდება სავალდებულო ტრანზიტის ვალდებულება.

შეხვედრაზე გამოითქვა საპირისპირო მოსაზრება, რომ შესაძლოა ფინანსური თვალსაზრისით უფრო მომგებიანი იყოს ახალი ინფრასტრუქტურის აგება. ეკონომიკის სამინისტროს გათვლებით 2 მულტიპლექსის აგება, რომელთაგან ერთზე ცენტრალური არხები, მათ შორის საზოგადოებრივი არხი, ხოლო მეორეზე რეგიონული მაუწყებლები განთავსდებიან სახელმწიფოს 14 მილიონი ევრო დაუჯდება - განაცხადა საქართველოს ტელერადიოცენტრის გენერალურმა დირექტორმა ბორის ადამიამ.

უკრაინის რეგიონულ მაუწყებელთა ქსელის NAM-ის მიერ მიწოდებულ მონაცემებზე დაყრდნობით, ერთ სამაუწყებლო ზონაში ერთი მცირესიმძლავრიანი მულტიპლექსის აგების ღირებულება 30 ათასი დოლარია. IDFI და GARB -ი საუკეთესო მოდელის შესარჩევად და სწორი გათვლების გასაკეთებლად სახელმწიფოს და დაინტერესებულ მხარეებს სატესტო სამაუწყებლო ზონის მოწყობას სთავაზობენ.

ფონდ „ღია საზოგადოება საქართველოს“ მიერ დაფინანსებული პროექტის „ციფრულ მაუწყებლობაზე გადასვლის პროცესის მხარდაჭერა და მონიტორინგი საქართველოში“- ფარგლებში IDFI აქტიურად მუშობს ციფრული მაუწყებლობის თემაზე. 2013 წლის 21 მაისს ინსტიტუტმა ციფრულ მაუწყებლობაზე გადასვლის საკუთარი სტრატეგია წარმოადგინა.

IDFI-ს მიერ შემუშავებული სტრატეგია მოიცავს ყველა საკვანძო მიმართულებას, რომელიც ანალოგურიდან ციფრულ მაუწყებლობაზე გადასვლის პროცესის წარმატებით განხორციელებისათვის და ციფრული მაუწყებლობის კონკურენტ პლატფორმად ჩამოყალიბებისთვისაა საჭირო. დოკუმენტში დეტალურადაა ჩამოყალიბებული ტექნიკური პარამეტრები, მაუწყებლობის ლიცენზირება, სახელმწიფო სუბსიდირების პოლიტიკა, კონკურენციის რეგულირების პოლიტიკა, რეგიონული მაუწყებლების დახმარების პოლიტიკა, ბიზნესმოდელი, საინფორმაციო კამპანიის წარმოება. სტრატეგია ადგენს დამატებითი კრიტერიუმებს ციფრულ მიწისზედა სატელევიზიო ქსელში პროგრამების განთავსების პრიორიტეტებისთვის და განსაზღვრავს კომერციული მაუწყებლების მულტიპლექსორის რესურსებთან დაშვების წესს შეზღუდული რესურსის არსებობის შემთხვევაში.

 

საქართველოს ციფრულ მაუწყებლობაზე გადასვლის სტრატეგია

წყარო: http://www.idfi.ge/?cat=researches&topic=102&lang=ka
© ინფორმაციის თავისუფლების განვითარების ინსტიტუტი (IDFI). 2013 წელი. ყველა უფლება დაცულია
სხვა მასალები ამ თემაზე
სიახლეები

კოალიცია ინფორმაციის სანდოობისთვის - პრეზენტაცია

27.09.2021

სპორტული ფედერაციების 2019-2020 ხარჯების ანალიზი

23.09.2021

პერსონალურ მონაცემთა დაცვის აქტუალური საკითხები - ესეების კრებული

22.09.2021

სასერტიფიკატო და საუნივერსიტეტო პროგრამა - დეზინფორმაციისა და პროპაგანდის კვლევა: ისტორია, თეორიები და გაბათილების საშუალებები - დაიწყო

21.09.2021
განცხადებები

კოალიცია მედიის ადვოკატირებისთვის სახელმწიფო ინსპექტორს მოსმენების ტექნიკური ინფრასტრუქტურის შემოწმებისკენ მოუწოდებს

27.09.2021

IDFI ფარული მასალების გავრცელებას ეხმიანება

17.09.2021

IDFI-ის განცხადება გენერალური პროკურორის არჩევის წესის ცვლილებასთან დაკავშირებით

08.09.2021

ევროკავშირის დახმარებაზე უარი საქართველოს ევრო-ატლანტიკური კურსიდან გადახვევის ღია დეკლარირებაა

31.08.2021
ბლოგპოსტები

პირადი ცხოვრების ხელშეუხებლობის უფლების დარღვევა - სისტემური გამოწვევა საქართველოსთვის

16.09.2021

სახელფასო პოლიტიკა თვითმმართველობებში და პრემიერის დაპირება

12.08.2021

ფართოზოლოვანი ინფრასტრუქტურის სახელმწიფო პროგრამის საპილოტე პროექტი ოზურგეთში

13.05.2021

მოსაზრებები სამუსლიმანო საქართველოს სახელმწიფოებრივ კუთვნილებასთან დაკავშირებით

10.03.2021