IDFI ექსპრესნიუსს პროფესიული სტანდარტების დაცვისკენ მოუწოდებს

სიახლეები | განცხადებები 14 მაისი 2013

მიმდინარე წლის 10 მაისს საინფორმაციო სააგენტოს “ექსპრესნიუსის” (ExpressNews) ვებ-გვერდზე გამოქვეყნდა სტატია სახელწოდებით: IDFI–ს ანგარიშს ლტოლვილთა და განსახლების სამინისტრო ნაწილობრივ უარყოფს - რომელშიც სააგენტომ ინსტიტუტი მცდარი ინფორმაციის გავრცელებაში დაადანაშაულა. აღნიშნულთან დაკავშირებით IDFI -იმ გუშინ სპეციალური განცხადებაც გაავრცელა (იხილეთ ბმული).

დამატებით, ჩვენ ასევე გადავამოწმეთ ინფორმაცია განცხადებაში აღნიშნულ ორივე მხარესთან (ვფიქრობთ ინფორმაციის გადამოწმება მათ შორის საინფორმაციო სააგენტოებმაც უნდა გამოიყენონ საკუთარ საქმიანობაში).

როგორც, ექპრესნიუსის ჟურნალისტმა (სტატიის ავტორმა) ინსტიტუტს განუცხადა, მან საკუთარი დასკვნა სამინისტროს პრესსამსახურის ინფორმაციაზე დაყრდნობით გააკეთა. IDFI დაუკავშირდა აგრეთვე სამინისტროს პრესსამსახურის ხელმძღვანელს, ქალბატონ ეკა გულუას.

ეკა გულუა აცხადებს, რომ კომენტარისთვის მას სააგენტოდან არავინ დაკავშირებია და შესაბამისად მას მსგავსი შეფასება არ გაუკეთებია. მისივე თქმით, სააგენტოს მხრიდან გავრცელებული ინფორმაცია და კომენტარი თავად სააგენტოს ეკუთვნის და არა ეკა გულუას. „რეგიონში ვიყავი ღონისძიებაზე გასული, როცა მომივიდა შემდეგი მოკლე ტექსტური შეტყობინება - „დაახლოებით რამდენი დევნილია რეგისტრირებული სამინისტროში 2008 წლის ომის შემგედ. საუბარია ომის შედეგად დევნილებზე“. არც ეწერა ამ კითხვას ვინ გზავნიდა და არც ის, თუ ჟურნალისტი იყო და კომენტარი სჭირდებოდა. შესაბამისად, გავუგზავნე პასუხი: „23 000“. მე ვერ გავაკეთებდი ვერანაირ შეფასებას, რადგან რეგიონში ვიყავი და არც მქონდა ინფორმაცია, IDFI-მ რა ანგარიში გამოაქვეყნა - აცხადებს ეკა გულუა.

შესაბამისად, ინსტიტუტი (IDFI) მოუწოდებს ექსპრესნიუსის ჟურნალისტებს პროფესიული სტანდარტების გათვალისწინებით მიუდგნენ საკუთარი ჟურნალისტური მოვალეობების შესრულებას და ინფორმაციის არასწორი ინტერპრეტაციით შეცდომაში არ შეიყვანონ საზოგადოება.

სხვა მასალები ამ თემაზე
სიახლეები

საქართველოს პარლამენტმა IDFI-ის რეკომენდაციით საკანონმდებლო პროცესებში მოქალაქეთა მონაწილეობის ელექტრონული პლატფორმა შექმნა

16.10.2019

IDFI-მ ჟურნალისტებისა და პროკურორებისთვის მორიგი ტრენინგი ჩაატარა

14.10.2019

სტალინიზმი საბჭოთა სკოლებში და სკოლის მოსწავლეების საქმე

11.10.2019

მსოფლიო მმართველობის ინდიკატორები-საქართველო მსოფლიო ბანკის 2019 წლის შეფასებით

10.10.2019
განცხადებები

კვლავ არსებობს კითხვები გენერალური პროკურორის დიპლომთან დაკავშირებით

17.10.2019

განცხადება სახელმწიფო ავტოპარკის ოპტიმიზაციის აუცილებლობის შესახებ

18.09.2019

იურიდიული კომიტეტის მიერ სამუშაო ჯგუფის დაკომპლექტების შეფასება

17.09.2019

კორუფციასთან ბრძოლის სასერტიფიკატო პროგრამა

15.09.2019
ბლოგპოსტები

ღია მმართველობის პარტნიორობა - გასაღები მდგრადი განვითარების მიზნების შენელებული პროგრესის საპასუხოდ

20.09.2019

ინტერესთა შეუთავსებლობა უზენაესი სასამართლოს მოსამართლეთა შერჩევის პროცესში

05.08.2019

რა საფრთხე ემუქრება გამოხატვის თავისუფლებას საქართველოში

13.05.2019

დამოკიდებულება პროკურორებისა და მოსამართლეების ქმედებების მიმართ

22.04.2019