2012 წლის 10 თებერვალი პროექტ - "საქართველოს საჯარო დაწესებულებების საინფორმაციო (ინტერნეტ) რესურსების მონიტორინგის" ფარგლებში IDFI-ს ექსპერტთა ჯგუფმა განახორციელა  საქართველოს კონტროლის პალატის  ოფიციალური ვებ-გვერდის (www.control.ge) ინფორმაციული გამჭვირვალობისა და ელექტრონული მმართველობის (ინფორმაციის ელ-ხელმისაწვდომობის და ტექნიკური გამართულობის) ხარისხის მონიტორინგი.

მონიტორინგის პროცესში გამოიკვეთა, რომ საკანონმდებლო ცვლილებებთან ერთად ვებ-გვერდზე სასწრაფო წესით შეიქმნა პარტიების ფინანსური მონიტორინგის ცალკე განყოფილება, სადაც ქვეყნდება სხვადასხვა მნიშვნელოვანი ინფორმაცია მოქალაქეთა პოლიტიკური გაერთიანებების საქმიანობასთან დაკავშირებით.

თუმცა, ჩვენის აზრით, მნიშვნელოვანია აგრეთვე შესაბამისი განყოფილების განახლებაც რომელიც ეხება კონტროლის პალატის უშუალო ფუნქციას აკონტროლის საჯარო დაწესებულებების მიერ საბიუჯეტო სახსრების ხარჯვა. სამწუხაროდ ზემოაღნიშნულთან პირდაპირ კავშირში მყოფი განყოფილება „აუდიტის აქტები“ დღეის მდგომარეობით ცარიელია, მიუხედავად იმისა, რომ კანონით გათვალისწინებული შემთხვევების გარდა კონტროლის პალატის აუდიტის აქტები და გადაწყვეტილებები საჯაროა.

IDFI-ს შეფასებითი პარამეტრების მიხედვით საქართველოს კონტროლის პალატის ოფიციალური ვებ-გვერდის

ინფორმაციული გამჭვირვალობის ხარისხმა შეადგინა: 19.70%

ტექნიკური გამართულობისა და ელ. ხელმისაწვდომობის ხარისხმა შეადგინა: 55.06%

ვებ-გვერდის ჯამური რეიტინგი: 37.38%

კვლევის სტატისტიკური მონაცემები, გამოვლენილი პრობლემები და შესაბამისი რეკომენდაციები შეგიძლიათ იხილოთ თანდართულ ფაილში:

კონტროლის პალატის ვებ-გვერდის მონიტორინგი 2012

კვლევასთან დაკავშირებული ნებისმიერი წინადადებით ან შეკითხვით შეგიძლიათ მოგვმართოთ ელ.ფოსტაზე - info@idfi.ge