სასჯელაღსრულებისა და პრობაციის სამინისტრომ IDFI - ის საჩივარი დააკმაყოფილა

სიახლეები 11 ივლისი 2014

2014 წლის 11 თებერვალს IDFI - იმ სასჯელაღსრულების დეპარტამენტს მიმართა სხვადასხვა სახის, მათ შორის 2013 წელს თანამდებობის პირებზე გაცემული პრემიებისა და სახელფასო დანამატების შესახებ, საჯარო ინფორმაციის მოთხოვნის წერილით. სამწუხაროდ დეპარტამენტმა ინსტიტუტის აღნიშნული წერილი უპასუხოდ დატოვა.


მას შემდეგ, რაც პრესაში გავრცელდა 2013 წლის დეკემბრის თვეში სასჯელაღსრულების დეპარტამენტში გაცემული დიდი ოდენობის პრემიების შესახებ ინფორმაცია, IDFI - იმ 2014 წლის 13 მაისს განმეორებით მიმართა სასჯელაღსრულების დეპარტამენტს ანალოგიური შინაარსის საჯარო ინფორმაციის მოთხოვნით, თუმცა დეპარტამენტმა ინსტიტუტის მოთხოვნა კვლავ უპასუხოდ დატოვა.


2014 წლის 4 ივნისს IDFI - იმ სასჯელაღსრულებისა და პრობაციის მინისტრს ბატონ სოზარ სუბარს მიმართა ადმინისტრაციული საჩივრით სამინისტროს საქვეუწყებო დაწესებულების სასჯელაღსრულების დეპარტამენტის მიერ საქართველოს კანონმდებლობით გათვალისწინებული ვალდებულებების შეუსრულებლობის შესახებ.


საქართველოს სასჯელაღსრულებისა და პრობაციის სამინისტრომ განიხილა IDFI - ის საჩივარი და დეპარტამენტი დაავალდებულა ინფორმაციის სრულად გაცემა ინსტიტუტის მოთხოვნებზე, რომელიც უკავშირდება 2013-2014 წლებში დეპარტამენტში გაცემული პრემიების, სახელფასო დანამატების, წარმომადგენლობითი და სამივლინებო ხარჯების და დეპარტამენტის ხელმძღვანელების დიპლომების შესახებ ინფორმაციას.


რაც შეეხება სამინისტროს გადაწყვეტილებას ინსტიტუტის მოთხოვნების, იმ ნაწილში რომელიც უკავშირდებოდა 2013-2014 წლებში დეპარტამენტის მიერ გადაუდებელი აუცილებლობით განხორციელებული შესყიდვებისა და ავტოპარკის განახლების შესახებ მონაცემებს, დეპარტამენტს დაევალა იმგვარი ინფორმაციის გაცემა, რომელიც არ წარმოადგენს სახელმწიფო საიდუმლოებას და არ შეიცავს სხვის პერსონალურ მონაცემებს.


IDFI მიესალმება სასჯელაღსრულებისა და პრობაციის სამინისტროს გადაწყვეტილებას და იმედს გამოთქვამს, რომ სასჯელაღსრულების დეპარტამენტი უახლოეს მომავალში აღასრულებს ზემდგომი უწყების გადაწყვეტილებას და კანონით დადგენილ ვადაში მოგვაწვდის ჩვენს მიერ მოთხოვნილ ინფორმაციას.

/public/upload/pdf/pasuxi sachivarze.pdf

სხვა მასალები ამ თემაზე
სიახლეები

სამუშაო შეხვედრა საერთო სასამართლოს აქტების საჯაროობის შესახებ

17.06.2021

ტრენინგი მონაცემების გლობალური ბარომეტრის (GDB) ეროვნული მკვლევრებისთვის

14.06.2021

X მოწვევის პარლამენტმა „ინფორმაციული უსაფრთხოების შესახებ“ პრობლემური კანონპროექტი მესამე მოსმენით მიიღო

11.06.2021

IDFI-ის და საქართველოს უნივერსიტეტს შორის თანამშრომლობის მემორანდუმი გაფორმდა

11.06.2021
განცხადებები

იუსტიციის უმაღლესი საბჭო აგრძელებს მართლმსაჯულებისთვის დამაზიანებელი ნაბიჯების გადადგმას

17.06.2021

IDFI „საზოგადოებრივი ჯანმრთელობის შესახებ“ საქართველოს კანონში შესატან ცვლილებებს ეხმიანება

14.06.2021

კოალიცია უზენაესი სასამართლოს მოსამართლეთა კონკურსს ეხმიანება

07.06.2021

კოალიცია: საკონსტიტუციო სასამართლოს ახალი მოსამართლე ინკლუზიური პროცესით უნდა შეირჩეს

04.06.2021
ბლოგპოსტები

ფართოზოლოვანი ინფრასტრუქტურის სახელმწიფო პროგრამის საპილოტე პროექტი ოზურგეთში

13.05.2021

მოსაზრებები სამუსლიმანო საქართველოს სახელმწიფოებრივ კუთვნილებასთან დაკავშირებით

10.03.2021

1921 წლის ოკუპაცია და „პერესტროიკის“ ხანის ქართული გაზეთები

10.03.2021

საბჭოთა ოკუპაციის ნარატივი რუსეთ-საქართველოს თანამედროვე ურთიერთობების ფონზე: პოლიტიკა, მეხსიერება, იდენტობა

10.03.2021