სალექციო კურსი - “საქართველო 2020 და პირდაპირი უცხოური ინვესტიციები” წარმატებით დასრულდა.

IDFI-მ, გრიგოლ რობაქიძის სახელობის უნივერსიტეტმა და ბრემენის უნივერსიტეტმა, გერმანიის საგარეო საქმეთა სამინისტროს დაფინანსებით პროექტ „საქართველო 2020 - სამოქალაქო საზოგადოების ჩართულობის გაძლიერება“ ფარგლებში სტუდენტებს შესთავაზა სალექციო კურსების სერია. ოთხდღიან სალექციო კურსს თემაზე “საქართველო 2020 და პირდაპირი უცხოური ინვესტიციები“ უძღვებოდა ბრემენის უნივერსიტეტის დოქტორანტი სებასტიან ტიდემანი.

კურსი მოიცავდა შემდეგ თემებს:

ლექცია 1-2
კურსის ზოგადი მიმოხილვა; საქართველო 2020-ის მოკლე მიმოხილვა; საქართველოს ფინანსური სისტემა; შესავალი საერთაშორისო ინვესტიციებში

ლექცია 3-4
პირდაპირი უცხოური ინვესტიციების და საერთაშორისო ვაჭრობის ზოგადი მიმოხილვა; პირდაპირი უცხოური ინვესტიციების მახასიათებლები; გლობალური ფინანსური სისტემის განვითარების საკითხი; პირდაპირი უცხოური ინვესტიციების ალტერნატივები

ლექცია 5-6
პირდაპირი უცხოური ინვესტიციებზე ზეგავლენის მომხდენი ფაქტორები; რეგულაციები, საგადასახადო სისტემა, ეკონომიკური გარემო და პირდაპირი უცხოური ინვესტიციები; ანგარიშგების სისტემა და პირდაპირი უცხოური ინვესტიციები; გზამკვლევი საქართველოსთვის, რომ შექმნას პირდაპირი უცხოური ინვესტიციებისათვის ხელსაყრელი გარემო

ლექცია 7-8
წარმატების მოპოვება საერთაშორისო ინვესტიციებში; International Risk; გლობალური საინვესტიციო ფილოსოფიები; International Asset Pricing; ეროვნული და საერთაშორისო CAPM; ბაზრის არასრულყოფილება და პრაქტიკული ზეგავლენა

სალექციო კურსში მონაწილეობა მიიღო როგორც გრიგოლ რობაქიძის უნივერსიტეტის, ასევე თსუ-ს, ილიაუნის, შავი ზღვისა და თავართქილაძის სახელობის უნივერსიტეტების 50-მა სტუდენტმა. კურსის ბოლოს მათ გადაეცათ წიგნები და IDFI-ს, გრიგოლ რობაქიძეს სახელობის უნივერსიტეტის და ბრემენის უნივერსიტეტის ერთობლივი სერთიფიკატი.

იხილეთ ფოტოალბომი