2013 წლის 26 - 27 აპრილს, თბილისში, სასტუმრო "კოპალაში" ღია მმართველობის პარტნიორობისა და ინფორმაციის თვისუფლების საკითხებისადმი მიძღვნილი კონფერენცია გაიმართება.
ღონისძიების ორგანიზატორები არიან ჯორჯ ვაშინგტონის უნივერსიტეტთან არსებული ეროვნული უსაფრთხოების არქივი (The National Security Archive) და IDFI (ინფორმაციის თავისუფლების განვითარების ინსტიტუტი).
კონფერენციაში შვიდი ქვეყნის - ამერიკის შეერთებული შტატების, რუსეთის, სომხეთის, აზერბაიჯანის, ბულგარეთის, უკრაინისა და საქართველოს არასამთავრობო და ადამიანის უფლებათა დამცველი ორგანიზაციების წარმომადგენლები მონაწილეობენ.
ექსპერტები, იურისტები და ჟურნალისტები საკუთარ ქვეყნებში ღია მმართველობის პარტნიორობის განხორციელების პროცესზე, არსებულ გამოწვევებსა და მიღწეულ შედეგებზე ისაუბრებენ.
შეხვედრაზე განიხილავენ ინფორმაციის თავისუფლების კანონმდებლობასთან და ელექტრონული მმართველობის სისტემების დანერგვასთან დაკავშირებულ საკითხებს.
კონფერენციის ერთ-ერთი მთავარი თემაა საარქივო დოკუმენტების რეპატრიაცია და ყოფილი საბჭოთა კავშირისა და ამერიკის შეერთებული შტატების არქივებში დაცული მასალების ხელმისაწვდომობა.
კონფერენციის დღის წესრიგი შეგიძლიათ იხილოთ ბმულზე
სიახლეების გამოწერა
