IDFI-ის მიერ არქივებთან დაკავშირებით ჩატარებული აქტივობები 2013 წელს

არქივი 28 აპრილი 2014

„ინფორმაციის თავისუფლების განვითარების ინსტიტუტის“ (IDFI) საქმიანობის ერთ-ერთი მიმართულება სახელმწიფო არქივების ღიაობისა და დოკუმენტური მასალების ხელმისაწვდომობის უზრუნველყოფაა. ინსტიტუტის მკვლევარები საარქივო და სხვა წყაროებზე დაყრდნობით აწყობენ გამოფენებს, აგროვებენ ფოტო და დოკუმენტურ მასალებს, იწერენ ზეპირ ისტორიებს, აქვეყნებენ კვლევებსა და პუბლიკაციებს. 

 

ამ საკითხებზე კვლევების ჩატარებისა და წარსული მემკვიდრეობის გააზრების საქმეში დიდი როლი ენიჭება სახელმწიფო არქივების ხელმისაწვდომობას მკვლევარებისა და ამ თემაზე მომუშავე ადამიანებისთვის. აქედან გამომდინარე,  IDFI-იმ 2013 წლის თებერვალში შუამდგომლობის თხოვნით  მიმართა საქართველოს იუსტიციის სამინისტროს, რათა გადახედილიყო საქართველოს მთავრობის დადგენილებით სსიპ „საქართველოს ეროვნული არქივის“ მომსახურებისათვის დაწესებული საფასურის ოდენობა, მომსახურების წესი და ვადები და გაუქმებულიყო საარქივო დოკუმენტის გაცემისთვის დაწესებული საფასური.

 

ამის შემდგომ ინსტიტუტს ეროვნული არქივიდან ეცნობა, რომ იგეგმებოდა მთავრობის დადგენილებაში  მკვლევართა მომსახურებასთან დაკავშირებით ცვლილებების განხორციელება.  22 აპრილის   წერილის თანახმად ცვლილებებისა და დამატებების პროექტს სამინისტრო უახლოეს დღეებში მიიღებდა. კერძოდ, სსიპ საქართველოს ეროვნული არქივი 2013 წლის 1 მაისამდე საქართველოს იუსტიციის სამინისტროს წარუდგენდა მთავრობის 2011 წლის 29 დეკემბრის #506 დადგენილებაში ცვლილებების შეტანის პაკეტს, რომელშიც მათ შორის, გათვალისწინებული იქნებოდა დოკუმენტების ან მათი ციფრული ასლების მკვლევარებისთვის ეროვნული არქივის დარბაზში უფასოდ გაცემა.

 

გარდა ამისა, 2013 წელს გამჭვირვალე არქივების მიმართულებით IDFI ახორციელებდა პროექტს „ახალი სახელმწიფოს წარსული მემკვიდრეობა“, რომლის ფარგლებში განხორციელდა საქართველოს უახლოესი ისტორიის (1989-1991 წლები) მიმდინარე უმნიშვნელოვანესი მოვლენების ანალიზი.

 

ამ საკითხებზე საზოგადოების ცნობიერების ამაღლების მიზნით, IDFI-იმ მოაწყო გამოფენა 1937-1938 წლების რეპრესიებიზე, სადაც წარმოდგენილი იყო საქართველოში განვითარებული ტრაგიკული მოვლენების ამსახველი უნიკალური დოკუმენტური და ფოტომასალა. ეს დოკუმენტები IDFI-იმ საქართველოს შინაგან საქმეთა სამინისტროსა დასაზოგადოება „საქართველოს მემორიალის“ ასევე,რეპრესირებულთა საოჯახო არქივებში მოიძია. ამავე თემაზე წლის ბოლოს, სტალინის დაბადების დღესთან დაკავშირებით, ინსტიტუტმა გამართა სიმბოლური აქცია 1937-38 წლებში რეპრესირებული ადამიანების გასახსენებლად.

 

უმნიშვნელოვანესი იყო საერთაშორისო ორგანიზაცია ეროვნული მეხსიერების ინსტიტუტთან - პოლონელი ერის წინააღმდეგ ჩადენილი დანაშაულის ეროვნული მეხსიერების კომისიასთან (IPN) თანამშრომლობის მემორანდუმის გაფორმება. მემორანდუმით მხარეებმა ურთიერთანამშრომლობა შემდეგ საკითხებზე დააფიქსირეს: კომუნისტური რეჟიმის მსხვერპლთა სიის შექმნა, ბიბლიოგრაფიული შინაარსის ინფორმაციის გაცვლა, რეპრესიების მსხვერპლთა მასობრივი დახვრეტისა და დამარხვის ადგილმდებარეობის განსაზღვრა, საარქივო კვლევების განხორციელება ტოტალიტარიზმისა და სტალინიზმის შესახებ.

 

სხვა მასალები ამ თემაზე
სიახლეები

„ინფორმაციული უსაფრთხოების შესახებ“ კანონპროექტის რისკები და გამოწვევები - IDFI-ს შეფასება

10.11.2019

სასამართლო რეფორმის შედეგების შეფასება - დისციპლინური პასუხისმგებლობის სისტემა

08.11.2019

საგანგებო სიტუაციების მართვის სამსახურის ბიუროკრატიული აპარატის და ხარჯების ანალიზი

06.11.2019

ქალაქ თბილისის მერიის და საკრებულოს ხარჯები: 2017-2018 წლები - ვიზუალიზაცია

04.11.2019
განცხადებები

არასამთავრობო ორგანიზაციების საგანგებო განცხადება

18.11.2019

არასამთავრობო ორგანიზაციათა საგანგებო განცხადება

14.11.2019

კვლავ არსებობს კითხვები გენერალური პროკურორის დიპლომთან დაკავშირებით

17.10.2019

განცხადება სახელმწიფო ავტოპარკის ოპტიმიზაციის აუცილებლობის შესახებ

18.09.2019
ბლოგპოსტები

გამოკითხვის ექსპერიმენტი

31.10.2019

პროკურატურის დამოუკიდებლობასთან დაკავშირებით მოსახლეობის აზრი გაყოფილია

30.10.2019

უზენაესი სასამართლოს მოსამართლეების შერჩევა: რა იცის და რა დამოკიდებულება აქვს ხალხს საქართველოში ამ პროცესის შესახებ

21.10.2019

ღია მმართველობის პარტნიორობა - გასაღები მდგრადი განვითარების მიზნების შენელებული პროგრესის საპასუხოდ

20.09.2019