IDFI „საერთო სასამართლოების შესახებ“ საქართველოს ორგანულ კანონში შესატან ცვლილებებს აფასებს

სიახლეები | კანონის უზენაესობა და ადამიანის უფლებები | ანალიზი 16 სექტემბერი 2021

2021 წლის პირველ ივლისს დარეგისტრირდა საქართველოს პარლამენტის წევრთა მიერ ინიცირებული კანონის პროექტი. ინიციატივის მიზანია საქართველოს საკონსტიტუციო სასამართლოს მიერ 2019 წელის 7 ივნისის  N1/4/693,857 გადაწყვეტილების აღსრულება. აღსანიშნავია, რომ გადაწყვეტილების აღსრულება საკანონმდებლო ორგანოს 2020 წლის პირველ მაისამდე უნდა განეხორციელებინა. 

 

საკონსტიტუციო სასამართლოს აღნიშნულმა გადაწყვეტილებამ მართლმსაჯულების გამჭვირვალობის უაღრესად მნიშვნელოვანი კონსტიტუციური სტანდარტები დაამკვიდრა, თუმცა საქართველოს პარლამენტს იგი ამ დრომდე არ აღუსრულებია. ამ სტანდარტების იმპლემენტაცია არის არამხოლოდ საქართველოს პარლამენტის პირდაპირი კონსტიტუციური ვალდებულება, არამედ ე.წ. „შარლ მიშელის შეთანხმების“ ნაწილიც. კანონპროექტის მიღებას წინ უძღვოდა 2021 წლის 16 ივნისს ქ. ბორჯომში IDFI-ის მიერ ორგანიზებული სამუშაო შეხვედრა, რომელშიც მონაწილეობა მიიღო საქართველოს იურიდიულ საკითხთა კომიტეტმა.

 

IDFI-ის შეფასებით კანონპროექტი სრულად არ აღასრულებს საკონსტიტუციო სასამართლოს მიერ დადგენილ სტანდარტებს. დამატებით, კანონპროექტი ქმნის მნიშვნელოვან ადმინისტრაციულ ბარიერებს სასამართლოს გადაწყვეტილებების საჯარო ინფორმაციის სახით მისაღებად. კანონპროექტის არსებული ფორმით მიღება ვერ უზრუნველყოფს იმ ლეგიტიმური მიზნების მიღწევას, რომელთა დასაცავადაც გააუქმა საკონსტიტუციო სასამართლომ სრულად პერსონალურ მონაცემთა დაცვაზე ორიენტირებული ნორმები. ამდენად, კანონის პროექტი უარყოფითად უნდა შეფასდეს.  მეტიც, კანონპროექტის უცვლელად მიღება წარმოშობს როგორც სასამართლოს აქტების ხელმისაწვდომობის, ისე პერსონალურ მონაცემთა დაცვის უფლების დარღვევის საფრთხეს და სასამართლო ხელისუფლების გადატვირთვის რეალურ რისკს. 

 

IDFI მიიჩნევს, რომ კანონის პროექტი მნიშვნელოვნად უნდა დაიხვეწოს, როგორც შინაარსობრივი, ისე საკანონმდებლო ტექნიკის თვალსაზრისით. IDFI-მ საკუთარი წერილობითი შენიშვნები საქართველოს პარლამენტს ორ ალტერნატიულ კანონპროექტთან ერთად წარუდგინა.  

 

დანართი N1: IDFI-ს მოსაზრება საკონსტიტუციო სასამართლოს გადაწყვეტილების აღსასრულებლად რეგისტრირებულ კანონპროექტთან დაკავშირებით.

 

დოკუმენტი მიმოიხილავს საქართველოს პარლამენტის წევრთა მიერ პირველ ივლისს რეგისტრირებულ Ν07-3/95/10 კანონპროექტს „საერთო სასამართლოების შესახებ“ საქართველოს ორგანულ კანონში ცვლილების შეტანის თაობაზე“ და აღწერს იმ მიზეზებს, რომელთა გამოც მიიჩნევს, რომ იურიდიულ საკითხთა კომიტეტის მიერ წარმოდგენილი პროექტი, რეალურად, ვერ უზრუნველყოფს საკონსტიტუციო სასამართლოს გადაწყვეტილების იმპლემენტაციას, შესაბამისად, ვერც სასამართლოს აქტების ხელმისაწვდომობას.   

 

ჩამოტვირთეთ შეფასება

 

დანართი N1.1: პარლამენტში რეგისტრირებული კანონის პროექტის გადამუშავებული ვერსია

 

„საერთო სასამართლოების შესახებ“ საქართველოს ორგანულ კანონში ცვლილების შეტანის თაობაზე“ საქართველოს პარლამენტში  დარეგისტრირებული კანონის პროექტის გადამუშავებული ვერსიაში შენარჩუნებულია საქართველოს პარლმენტის მიერ საკონსტიტუციო სასამართლოს გადაწყვეტილების აღსასრულებლად შერჩეული მოდელი, თუმცა შეცვლილია შინაარსობრივი სტანდარტები და გამარტივებულია სასამართლოს აქტების საჯარო ინფორმაციის სახით გაცემის შესახებ განხილვის პროცედურები. 

 

ჩამოტვირთეთ კანონის პროექტი

 

დანართი N1.2: საკონსტიტუციო სასამართლოს გადაწყვეტილების აღსრულების მეთოდი

 

„საერთო სასამართლოების შესახებ“ საქართველოს ორგანულ კანონში ცვლილების შეტანის თაობაზე“ IDFI-ის მიერ მომზადებული კანონის პროექტით შეცვლია პარლამენტის მიერ საკონსტიტუციო სასამართლოს გადაწყვეტილების აღსასრულებლად შერჩეული მოდელი. სახელდობრ, რელევანტურ საკითხებს მოსამართლის ნაცვლად გადაწყვეტს საერთო სასამართლოს აპარატი, რაც მოსამართლეთა გადატვირთვის რისკს ამცირებს, პროცედურა არის მოქნილი და იძლევა როგორც სასამართლო აქტების ხელმისაწვდომობის რეალიზების, ასევე პერსონალურ მონაცემთა დაცვის უფლების მეტი ეფექტურობით დაცვის საშუალებას.

 

ჩამოტვირთეთ კანონის პროექტი 


____

 

 

მოცემული მასალის მომზადება დაფინანსებულია შვედეთის საერთაშორისო განვითარების თანამშრომლობის სააგენტოს, Sida-ს მიერ. შინაარსზე პასუხისმგებლობა სრულად ეკისრება მის შემქმნელს. Sida შესაძლოა არ იზიარებდეს გამოთქმულ ხედვებსა და ინტერპრეტაციებს. 

 

სხვა მასალები ამ თემაზე
სიახლეები

IDFI-მ შეიმუშავა რეკომენდაციები აჭარის უმაღლესი საბჭოსთვის საჯარო ინფორმაციის პროაქტიულად გამოქვეყნებასთან დაკავშირებით

17.05.2022

Შეხვედრა გორის ახალგაზრდობასთან - ​​გაყალბებული ისტორია და ტრიუმფალური 9 მაისი: ისტორია და თანამედროვეობა

17.05.2022

IDFI-ის საერთაშორისო კონფერენცია ციფრულ ტრანსფორმაციაზე: მთავარი გზავნილები და შედეგები

16.05.2022

მონაცემების გლობალური ბარომეტრის კვლევის შედეგები - საქართველოსა და აღმოსავლეთ ევროპის და ცენტრალური აზიის რეგიონის ქვეყნების შედეგების მიმოხილვა

13.05.2022
განცხადებები

ევროკავშირის კითხვარის პასუხების გასაჯაროების შესახებ

02.05.2022

არასამთავრობო ორგანიზაციების ერთობლივი განცხადება ბიძინა ივანიშვილისა და რუსი ბიზნესმენის ვლადიმერ ევტუშენკოვის გავრცელებული სავარაუდო აუდიოჩანაწერის შესახებ.

27.04.2022

ფარული მიყურადების მარეგულირებელი კანონმდებლობა კიდევ უფრო უარესდება

21.04.2022

სამოქალაქო საზოგადოებრივი ორგანიზაციები ევროკავშირის კითხვარისა და პასუხების გასაჯაროვებას ითხოვენ

12.04.2022
ბლოგპოსტები

ქართული პრესისა და ბეჭდვითი მედიის ცენზურის ისტორია

03.05.2022

9 მაისის აღნიშვნა რუსეთში

02.05.2022

ციფრული უფლებები ღია მმართველობის პარტნიორობის ფარგლებში

15.04.2022

რუსული დეზინფორმაციის ტენდენციები საქართველოში უკრაინის ომის პარალელურად

04.04.2022