სამუშაო შეხვედრა საერთო სასამართლოს აქტების საჯაროობის შესახებ

სიახლეები | კანონის უზენაესობა და ადამიანის უფლებები | სტატია 17 ივნისი 2021

16 ივნისს ინფორმაციის თავისუფლების განვითარების ინსტიტუტმა (IDFI) საქართველოს პარლამენტის იურიდიულ საკითხთა კომიტეტთან ერთად სამუშაო შეხვედრა გამართა. 

 

სამუშაო შეხვედრის მონაწილეებმა განიხილეს საქართველოს საკონსტიტუციო სასამართლოს 2019 წლის 7 ივნისის გადაწყვეტილების აღსრულების მიზნით გასატარებელი საკანონმდებლო ღონისძიებები. ეს გადაწყვეტილება საერთო სასამართლოს აქტების საჯაროობას შეეხება და მისი ჯეროვნად იმპლემენტაცია ე.წ. შარლ მიშელის შეთანხმების ნაწილია. ამ გადაწყვეტილებით, სასამართლოს აქტების ხელმისაწვდომობასა და პერსონალურ მონაცემთა დაცვის უფლებას შორის დადგენილი ბალანსი უთანხმოების საგანს წარმოადგენდა.

 

სამუშაო შეხვედრას ესწრებოდნენ იურიდიულ საკითხთა კომიტეტის, როგორც მმართველი ისე ოპოზიციური პარტიების წევრები და კომიტეტის აპარატის თანამშრომლები. სამუშაო შეხვედრაში მონაწილეობა მიიღეს საკონსტიტუციო სასამართლოს, საქართველოს უზენაესი სასამართლოს, სახელმწიფო ინსპექტორის სამსახურის, „კოალიცია დამოუკიდებელი და გამჭვირვალე მართლმსაჯულებისათვის“, ევროკავშირისა და ევროპის საბჭოს წარმომადგენლებმა. შეხვედრის მონაწილეებმა იმსჯელეს საკონსტიტუციო სასამართლოს გადაწყვეტილებით დადგენილი კონსტიტუციური სტანდარტების  აღსრულების მეთოდებზე და მათთან ასოცირებულ სამართლებრივ პრობლემებზე. განსაკუთრებული ყურადღება საკონსტიტუციო სასამართლოს მიერ სასამართლოს აქტების ხელმისაწვდომობასა და პერსონალურ მონაცემთა დაცვის უფლებას შორის დადგენილი ბალანსის განხილვას დაეთმო.

 

სამუშაო შეხვედრის ფარგლებში ჩამოყალიბდა საკონსტიტუციო სასამართლო გადაწყვეტილების იმპლემენტაციის საბაზისო მოდელი, რომლის მიხედვითაც საქართველოს პარლამენტმა შესაბამისი საკანონმდებლო ცვლილებების პაკეტი უნდა შეიმუშაოს.

 

IDFI გაწეული შრომისთვის მადლობას უხდის შეხვედრის თითოეულ მონაწილეს და იმედს გამოთქვამს, რომ გაჭიანურების გარეშე გაგრძელდება საკონსტიტუციო სასამართლოს გადაწყვეტილების იმპლემენტაციის პროცესი.

 

ღონისძიება IDFI-ის ორგანიზებითა და შვედეთის საერთაშორისო განვითარების თანამშრომლობის სააგენტოს (Sida) მხარდაჭერით გაიმართა.

 

სხვა მასალები ამ თემაზე
სიახლეები

კეთილსინდისიერება საჯარო სამსახურში

23.06.2022

შიდა ქართლის რეგიონში, ოკუპირებული ტერიტორიების ახლოს მცხოვრები მეწარმეების ხელშეწყობა ბრენდინგის გზით

23.06.2022

პანელური განხილვები: საჯარო ინფორმაციის ხელმისაწვდომობის საკანონმდებლო ჩარჩოსა და პრაქტიკის გაუმჯობესება საქართველოში

16.06.2022

რეგიონული ღონისძიება: უკრაინაში რუსეთის შეჭრის გავლენა აღმოსავლეთ პარტნიორობის ქვეყნებში მოქმედ არასამთავრობო ორგანიზაციებზე

11.06.2022
განცხადებები

მიმართვა საქართველოს პრეზიდენტს სალომე ზურაბიშვილს

16.06.2022

სამოქალაქო ორგანიზაციების განცხადება 5-6 ივლისის მოვლენებში სუს-ის შესაძლო ჩართულობაზე

14.06.2022

ევროინტეგრაციის პროცესთან დაკავშირებით ქართული ოცნების ხელისუფლების დამოკიდებულება არაკონსტიტუციურია

13.06.2022

მოვუწოდებთ ხელისუფლებას გადადგას კონკრეტული ნაბიჯები კანდიდატის სტატუსის მოსაპოვებლად

10.06.2022
ბლოგპოსტები

ქართული პრესისა და ბეჭდვითი მედიის ცენზურის ისტორია

03.05.2022

9 მაისის აღნიშვნა რუსეთში

02.05.2022

ციფრული უფლებები ღია მმართველობის პარტნიორობის ფარგლებში

15.04.2022

რუსული დეზინფორმაციის ტენდენციები საქართველოში უკრაინის ომის პარალელურად

04.04.2022