IDFI-ის გასვლითი შეხვედრა ქუთაისსა და ბათუმში

სიახლეები 24 ნოემბერი 2015

ინფორმაციის თავისუფლების განვითარების ინსტიტუტის წარმომადგენლებმა (IDFI) 19-20 ნოემბერს გასვლითი შეხვედრები ჩაატარეს ქუთაისსა და ბათუმში. შეხვედრები პროექტის „ღია მონაცემები: ცვლილებებისა და ინოვაციების წყარო“ ფარგლებში გაიმართა.


შეხვედრებს ესწრებოდნენ როგორც საჯარო დაწესებულებების, ასევე, წარმომადგენლები არასამთავრობო ორგანიზაციებიდან, სტუდენტები, ჟურნალისტები და ბიზნეს სექტორის წარმომადგენლები.


ლევან ავალიშვილმა, IDFI-ის გამგეობის თავმჯდომარემ და პროექტის დირექტორმა, ქუთაისსა და ბათუმში გამართულ შეხვედრებზე საქართველოს საჯარო დაწესებულებებში დაცული საჯარო მონაცემთა ბაზებისა და რეესტრების შესახებ მონაცემები დაინტერესებულ პირებს და მოწვეულ სტუმრებს გააცნო და მათი ხელმისაწვდომობის საკითხი და ბიზნეს-სტარტაპებისთვის გამოყენების გზები განიხილა.


მან ასევე ღია მონაცემების ხელმისაწვდომობის კუთხით საქართველოში არსებულ მდგომარეობაზე ისაუბრა და საჯარო მონაცემთა ბაზების გამოყენებით IDFI-ის მიერ შექმნილი აპლიკაციები (საქართველოში არსებული სავალუტო გადამცვლელი პუნქტებისა და საქართველოს ტერიტორიაზე მოქმედ ნოტარიუსთა რუკა) წარუდგინა დამსწრე საზოგადოებას.


შეხვედრის მონაწილეებმა ღია მონაცემების ხელმისაწვდომობასთან დაკავშირებით IDFI-ის მიერ შექმნილი გამოკითხვის მეშვეობით სხვადასხვა ტიპის მონაცემებზე ხელმისაწვდომობის პრიორიტეტულობა განსაზღვრეს.

 

შეხვედრის ფარგლებში ასევე განხილულ იქნა აშშ-სა და დიდი ბრიტანეთის ღია მონაცემების პორტალზე გამოქვეყნებული მონაცემთა ბაზები და მონაცემთა ბაზებზე დაყრდნობით შექმნილი და განთავსებული აპლიკაციები. აღნიშნული შეადარეს საქართველოს ღია მონაცემების პორტალს.


პროექტს „ღია მონაცემები: ცვლილებებისა და ინოვაციების წყარო“ IDFI სექტემბრიდან ახორციელებს, ხოლო ღია მონაცემების პორტალი - data.gov.ge საქართველოში რამდენიმე თვის წინ შეიქმნა. აღნიშნულ პორტალზე ეტაპობრივად, ყველასთვის ხელმისაწვდომ ფორმატში, თავსდება საჯარო დაწესებულებების გამგებლობაში არსებული მონაცემთა ბაზები.


ღია მონაცემების პორტალი მოქალაქეებს, ბიზნეს სექტორს და ნებისმიერ დაინტერესებულ პირს საშუალებას აძლევს გაეცნოს სახელმწიფო მონაცემებს და მათი გამოყენებით შექმნას ინოვაციური აპლიკაციები, ბიზნეს პროექტები და ელექტრონული სერვისები.


IDFI-ის გუნდი, პროექტის „ღია მონაცემები: ცვლილებებისა და ინოვაციების წყარო“ ფარგლებში მონიტორინგს უწევს და აფასებს საქართველოს საჯარო დაწესებულებების ანგარიშვალდებულებას, პროაქტიულობას, ეფექტურობას, სიცხადესა და გამოყენებადობის დონეს www.data.gov.ge ვებგვერდისთვის საჯარო მონაცემების გამოქვეყნებაში.

სხვა მასალები ამ თემაზე
სიახლეები

IDFI მონაცემების გლობალური ბარომეტრის (GDB) რეგიონალური ჰაბი გახდა

28.10.2020

Covid-19 და პასუხისმგებლობის ზომები: კონსტიტუციურობის სისტემური პრობლემა

27.10.2020

IDFI-იმ ოზურგეთის მერიისა და საკრებულოს თანამშრომლებს ღია მონაცემებზე ტრენინგი ჩაუტარა

21.10.2020

IDFI-მ პროექტის „კოვიდ-19-თან დაკავშირებული სახელმწიფო ხარჯების და ადამიანის უფლებების მდგომარეობის მონიტორინგი“ პრეზენტაცია გამართა

20.10.2020
განცხადებები

არასამთავრობო ორგანიზაციები საქართველოს საგამოძიებო და უსაფრთხოების უწყებებს, ასევე აუდიტის სამსახურს „პატრიოტთა ალიანსის“ შესახებ „დოსიეს“ მიერ გასაჯაროვებულ ინფორმაციაზე ადეკვატური რეაგირებისკენ მოუწოდებენ

02.10.2020

IDFI-ს განცხადება სასამართლოს გადაწყვეტილებების ხელმისაწვდომობის თაობაზე

24.09.2020

არასამთავრობოები მოქმედი მოსამართლეების წინააღმდეგ წარმოებული სისხლის სამართლის საქმეებზე ინფორმაციის გაასაჯაროებას მოითხოვენ

11.09.2020

კოალიცია საქართველოს პარლამენტში ინიცირებულ „საერთო სასამართლოების შესახებ” საქართველოს ორგანულ კანონში შესატან ცვლილებათა კანონპროექტს ეხმიანება

08.09.2020
ბლოგპოსტები

1930-იანი წლების რეპრესიების მეხსიერება - რას და რატომ ვიხსენებთ?

13.10.2020

გასაბჭოება - საბჭოური კოლექტიური მეხსიერების პირველი საფეხური

13.10.2020

კიბერშეტევა ჯანდაცვის სამინისტროზე და რუსული კვალი

03.09.2020

გამჭვირვალე სახელმწიფო შესყიდვების რეიტინგში უკრაინის წამყვანი პოზიცია საშიშროების წინაშე დგას

02.09.2020