IDFI ფინანსურად სრულად გამჭვირვალე ორგანიზაციად დასახელდა

სიახლეები | პუბლიკაციები | სტატია 26 ივლისი 2018

უკვე მესამე წელია IDFI სახელდება, როგორც ფინანსურად ერთ-ერთი ყველაზე გამჭვირვალე კვლევითი ორგანიზაცია. Transparify-მ მას 2018 წელსაც უმაღლესი – ხუთვარსკვლავიანი შეფასება მიანიჭა.


ორგანიზაცია Transparify მსოფლიოს მასშტაბით აფასებს, თუ რამდენად ასაჯაროვებენ არასამთავრობო/კვლევითი ორგანიზაციები მათი დაფინანსების შესახებ ინფორმაციას. რეიტინგში გამჭვირვალობის ხარისხის მიხედვით ორგანიზაციებს 0-დან 5 ქულამდე აქვთ მინიჭებული, სადაც 5 ყველაზე გამჭვირვალეს ნიშნავს.


Transparify-ის მიერ 17 ივლისს გამოქვეყნებულ ანგარიშში, 24 ქვეყნის 92 კვლევითი ორგანიზაციის ფინანსური გამჭვირვალობა არის შეფასებული, რომელთაგან 60-ზე მეტმა (მათ შორის IDFI-მ) 5 ქულიანი შეფასება მიიღო.


Transparify-ის აღმასრულებელი დირექტორის ჰანს გუტბროდის თქმით: „ბოლო ხუთი წლის განმავლობაში გამჭვირვალე კვლევითი ორგანიზაციების სიჭარბე აჩვენებს, რომ ფინანსური გამჭვირვალობა ნორმა ხდება მსოფლიოს მაღალი დონის ორგანიზაციებს შორის.“ 2013 წლის შემდეგ საგრძნობლად გაიზარდა იმ ორგანიზაციების რიცხვი, რომლებიც უმაღლეს შეფასებას იღებენ (12 2013 წელს, 41 2016 წელს და ა.შ.).


IDFI დაფინანსებას სხვადასხვა წყაროებიდან იღებს. ეს წყაროებია: საერთაშორისო ფონდები, უცხოეთის ქვეყნების მთავრობები, საერთაშორისო თუ ადგილობრივი ორგანიზაციები და ინსტიტუტები, კერძო კომპანიები და ინდივიდები. IDFI დონორის მიერ შემოთავაზებული დაფინანსების მიღებას თანხმდება მხოლოდ იმ შემთხვევაში, თუ ეს დაფინანსება შეესაბამება მის ხედვას და მიზნებს, არ ახდენს უარყოფით გავლენას მის რეპუტაციასა და მიუკერძოებლობაზე.

 

„ჩვენი დაფინანსება არის საჯარო. წლების მიხედვით სრულად აღვრიცხავთ მიღებულ თანხას და გამჭვირვალობის მიზნით აქტიურად ვაქვეყნებთ ამ ინფორმაციას ჩვენს და სხვადასხვა ინიციატივების ფარგლებში შექმნილ ვებგვერდებზე,“ – აღნიშნავს IDFI-ის აღმასრულებელი დირექტორი გიორგი კლდიაშვილი.

 

იმ ორგანიზაციას შორის, რომელთაც 2018 წელს გამჭვირვალობის კუთხით უმაღლესი შეფასება დაიმსახურეს, IDFI-ის გარდა კიდევ 4 საქართველოში მოქმედი ადგილობრივი არასამთავრობო ორგანიზაციაა, კერძოდ: ეკონომიკური პოლიტიკის კვლევის ცენტრი (EPRC), საერთაშორისო გამჭვირვალობა - საქართველო, ISET- კვლევითი ინსტიტუტი და PMCG - კვლევითი ცენტრი.


IDFI ულოცავს ყველა პარტნიორ ორგანიზაციას, რომლებმაც შეფასების 5 – მაქსიმალური ქულა მიიღეს.

 

/public/upload/IDFI_Photos_2018/general/Transparify_report_2018.pdf

 

სხვა მასალები ამ თემაზე
სიახლეები

ღია მონაცემების პლატფორმის - WWW.DATA.GOV.GE-ის განვითარების გეგმები და პერსპექტივები

21.01.2020

ჟურნალისტები და აქტივისტები დემოკრატიული მმართველობისთვის - ანალიტიკური სტატიების კონკურსის გამარჯვებულები გამოვლინდნენ

24.12.2019

კარგი მმართველობის მოდულის მსმენელთა დაჯილდოება

19.12.2019

პროექტს „საჯარო მმართველობის რეფორმის მხარდაჭერა სამოქალაქო მონიტორინგისა და ჩართულობის გზით“ პრეზენტაცია

17.12.2019
განცხადებები

არასამთავრობო ორგანიზაციების ერთობლივი განცხადება

21.01.2020

კოალიცია დამოუკიდებელი ინსპექტორის შერჩევის პროცესის მიმდინარეობას უარყოფითად აფასებს

19.01.2020

კოალიცია საპროკურორო საბჭოს მიერ გენერალური პროკურორის კანდიდატურის შერჩევის პროცესს ეხმიანება

12.01.2020

არასამთავრობო ორგანიზაციები სახელმწიფო ინსპექტორს მოუწოდებენ პროკურატურას წურწუმიას საქმის გადაცემის მოთხოვნით მიმართოს

09.01.2020
ბლოგპოსტები

გამოკითხვის ექსპერიმენტი

31.10.2019

პროკურატურის დამოუკიდებლობასთან დაკავშირებით მოსახლეობის აზრი გაყოფილია

30.10.2019

უზენაესი სასამართლოს მოსამართლეების შერჩევა: რა იცის და რა დამოკიდებულება აქვს ხალხს საქართველოში ამ პროცესის შესახებ

21.10.2019

ღია მმართველობის პარტნიორობა - გასაღები მდგრადი განვითარების მიზნების შენელებული პროგრესის საპასუხოდ

20.09.2019