Transparify-იმ IDFI-ის გამჭვირვალობა მაქსიმალური 5 ვარსკვლავით შეაფასა

სიახლეები | პუბლიკაციები | სტატია 20 აგვისტო 2015

2015 წლის აგვისტოში ინფორმაციის თავისუფლების განვითარების ინსტიტუტმა (IDFI) კვლევითი ორგანიზაციების გამჭვირვალობის რეიტინგში უმაღლესი 5-ვარსკვლავიანი შეფასება მიიღო. რეიტინგი შეიქმნა პროექტ Transparify-ის ფარგლებში, რომელიც ღია საზოგადოების ფონდების კვლევითი ორგანიზაციების ფონდის მიერ არის დაფინანსებული და CRRC-ის მიერ იმართება. პროექტი 2014 წლის იანვრიდან ხორციელდება და მსოფლიოს მასშტაბით პირველად ზომავს კვლევითი ორგანიზაციების ფინანსურ გამჭვირვალობას.


Transparify-მ 2014 და 2015 წლებში 169 ორგანიზაცია შეისწავლა, მათ შორის 8 ორგანიზაცია საქართველოდან. აღნიშნული რეიტინგის შედეგების მიხედვით, 2014 წელს მხოლოდ ორი ქართული ორგანიზაცია დასახელდა 5-ვარსკვლავიანი გამჭვირვალობის მქონედ - ეკონომიკური პოლიტიკის კვლევის ცენტრი (EPRC) და საერთაშორისო გამჭვირვალობა საქართველო, ხოლო 2015 წელს მათ ასევე შეუერთდა ჯამპსტარტ ჯორჯია.

 

 

მიუხედავად იმისა, რომ ინფორმაციის თავისუფლების განვითარების ინსტიტუტი (IDFI) წლების მანძილზე მუშაობს როგორც ხელისუფლების, ისე საკუთარი საქმიანობის გამჭვირვალობის უზრუნველყოფაზე, ის არ ყოფილა Transparify-ის მიერ შეფასებული არც 2014 და არც 2015 წელს. სწორედ ამიტომ IDFI თავად დაუკავშირდა Transparify-ის გუნდს და სთხოვა მათ შეეფასებინათ IDFI-ის გამჭვირვალობის ხარისხი. შედეგად, Transparify-მ შეისწავლა, თუ რამდენად ასაჯაროვებს IDFI ინფორმაციას საკუთარი დაფინანსების წყაროების შესახებ - რაც მოიცავს მიმდინარე და გასული პროექტების რეგულარულად განახლებად მონაცემთა ბაზას, გასული აქტივობების სრული მიმოხილვის ერთიან დოკუმენტსა და ფინანსურ ანგარიშებს. შეფასების შედეგად 2015 წლის აგვისტოში Transparify-მ IDFI 5-ვარსკვლავიანი გამჭვირვალობის მქონე ორგანიზაციად დაასახელა. IDFI-თან ერთად უმაღლესი შეფასება კიდევ დამატებით ოთხმა კვლევითმა ორგანიზაციამ მიიღო, რომელთაგან ერთი (PMC Research Center) ასევე საქართველოდანაა:

 

 

ამ მომენტისთვის Transparify-ის შესწავლილი აქვს 10 ქართული ორგანიზაცია, რომელთაგან 5-მა მიიღო გამჭვირვალობის უმაღლესი 5-ვარსკვლავიანი შეფასება.


IDFI-ის გუნდისთვის საამაყოა, რომ ის აღიარებულ იქნა ამ გლობალურ რეიტინგში. პოლიტიკურ პროცესებზე კვლევითი ორგანიზაციების მზარდი გავლენის გათვალისწინებით IDFI იმედოვნებს, რომ უფრო მეტი ორგანიზაცია გახდება ისეთი ფასეულობების ერთგული, როგორიცაა გამჭვირვალობა და ანგარიშვალდებულება.

სხვა მასალები ამ თემაზე
სიახლეები

ბენეფიციარ მესაკუთრეთა მონიტორნიგის გზამკვლევი

26.11.2021

აღმოსავლეთ ევროპის პარტნიორობის ქვეყნების პოლიტიკური გაერთიანებების წარმომადგენლები IDFI-ის ესტუმრნენ და მის საქმიანობას გაეცვნენ

26.11.2021

კიბერსივრცეში პერსონალური მონაცემების დაცულობის უზრუნველყოფა: გამოწვევები და საჭიროებები საქართველოსთვის

25.11.2021

ონლაინ ინფორმაციული მანიპულირება: გამოცდილება, გამოწვევები და საერთაშორისო პრაქტიკის მაგალითები

25.11.2021
განცხადებები

კოალიცია პარლამენტში უზენაესი სასამართლოს მოსამართლეობის კანდიდატებთან გასაუბრებების დაწყებას ეხმაურება

24.11.2021

კოალიცია მოუწოდებს პარლამენტს ჯეროვნად და დროულად აღასრულოს საკონსტიტუციო სასამართლოს გადაწყვეტილება

22.11.2021

საქართველოს მთავრობა ანტიკორუფციული გარემოს შესახებ OECD-ის ანგარიშის მიღებას აფერხებს

19.11.2021

IDFI-ის შეფასებით მიხეილ სააკაშვილის საქმეთა განხილვა ბრალდებულის სამართლიანი სასამართლოს უფლების უგულებელყოფით მიმდინარეობს

17.11.2021
ბლოგპოსტები

ონლაინ ინფორმაციის მანიპულირების ეფექტები: ვინ უნდა შეიმუშავოს და განახორციელოს საჭირო მექანიზმები

20.10.2021

სამთავრობო OGP-ის რეგრესი საქართველოში

06.10.2021

სიკვდილი, როგორც საარჩევნო კამპანიის ძირითადი ნარატივი საქართველოში

29.09.2021

პირადი ცხოვრების ხელშეუხებლობის უფლების დარღვევა - სისტემური გამოწვევა საქართველოსთვის

16.09.2021