IDFI-ის ტრენინგი კორუფციასთან ბრძოლის სასერტიფიკატო პროგრამის მონაწილეებისთვის

სიახლეები | ტრენინგები | კორუფციასთან ბრძოლა | ღია მმართველობა | სტატია 15 ნოემბერი 2021

2021 წლის 14 ნოემბერს, ინფორმაციის თავისუფლების განვითარების ინსტიტუტმა (IDFI) მონიტორინგის, მონაცემების მოძიების მეთოდებისა და  მონაცემთა ვიზუალიზაციის შესახებ კორუფციასთან ბრძოლის სასერტიფიკატო პროგრამის მონაწილეებისთვის ტრენინგი გამართა.

 

ბოლო პერიოდში კორუფციული ჯაჭვის აღმოჩენის, ასევე ელიტური კორუფციის პრევენციაში ჟურნალისტებმა და სამოქალაქო მონიტორინგის ჯგუფებმა კრიტიკულად მნიშვნელოვანი როლი შეასრულეს. საკითხის აქტუალობა თავად ჟურნალისტებისა და აქტივისტების მხრიდან გამოჩენილი ინტერესის დამსახურებით გაიზარდა. პროექტი - კარგი მმართველობისთვის სამოქალაქო საზოგადოების გაძლიერება და ბენეფიციარი მესაკუთრეების ღიაობის სტანდარტების გაუმჯობესება” - რომლის ფარგლებშიც აღნიშნული ტრენინგი განხორციელდა, სწორედ ჟურნალისტების, სამოქალაქო საზოგადოების წარმომადგენლებისა და აქტივისტების შესაძლებლობების გაზრდას და მათი ზედამხედველობითი უნარების გაუმჯობესებას ითვალისწინებს. რაც შეეხება სასერტიფიკატო კურსს, კორუფციასთან ბრძოლის სასერტიფიკატო პროგრამის განხორციელება „ინფორმაციის თავისუფლების განვითარების ინსტიტუტმა“ (IDFI) 2019 წლიდან დაიწყო. პროგრამის მიზანს ანტიკორუფციულ თემატიკასთან დაკავშირებით მონაწილეთა ცოდნის გაღრმავება და კორუფციის ფაქტებზე ეფექტური რეაგირების უნარ-ჩვევების გამომუშავება წარმოადგენს.

 

ტრენინგის მონაწილეებს საშუალება ჰქონდათ ბენეფიციარ მესაკუთრეთა გამჭვირვალობის კონტექსტში აქტუალურ საკითხებზე ამომწურავი ინფორმაცია მიეღოთ, ასევე, მონაცემთა/გამომძიებელი ჟურნალისტებისა და სამოქალაქო მონიტორინგის ჯგუფებისთვის განკუთვნილ საერთაშორისო პლატფორმებს გაცნობოდნენ. გარდა ამისა, ტრენიგი მოიცავდა პრაქტიკულ რჩევებსა და რეკომენდაციებს - როგორ აღმოაჩინონ და გადაამოწმონ საეჭვო გარემოებები სახელმწიფო შესყიდვებში, გააკონტროლონ ბიუჯეტის მიზნობრივი განკარგვა, მოიპოვონ საჯარო მონაცემები ხელისუფლების საქმიანობის შესახებ და ა.შ.

 

ტრენინგს უძღვებოდნენ IDFI-ის ადგილობრივი მმართველობის / ინტერნეტისა და ინოვაციების მიმართულებების ხელმძღვანელი, თეონა ტურაშვილი და IDFI-ის ანალიტიკოსები - მარიამ გოგიაშვილი და გვანცა ნიკურაძე.

 

ტრენინგი ვიშეგრადის საერთაშორისო ფონდის ფინანსური მხარდაჭერით განხორციელდა.

სხვა ტრენინგები ამ თემაზე
სიახლეები

9 ნაბიჯი ევროკავშირისკენ (შესრულების მდგომარეობა)

11.04.2024

“აპრილის გამოძახილი” - IDFI-მ 9 აპრილისადმი მიძღვნილი ღონისძიება გამართა

10.04.2024

V-Dem-ის შედეგები: 2023 წელს საქართველოში დემოკრატიის ხარისხი გაუარესდა

08.04.2024

საქართველოში საჯარო მმართველობის რეფორმის მიმოხილვა

02.04.2024
განცხადებები

საჯარო სამსახურში დასაქმებულებზე პარტიული ინტერესით ზეწოლა უნდა დასრულდეს

14.04.2024

400-ზე მეტი ორგანიზაცია: კი - ევროპას, არა - რუსულ კანონს!

08.04.2024

მოვუწოდებთ „ქართული ოცნების“ ლიდერებს, ქართველ ხალხს აუხსნან, ავალებდნენ თუ არა მათ უცხო სახელმწიფოს ინტერესის სასარგებლოდ მოქმედებას

07.04.2024

კოალიცია ანტიკორუფციული ბიუროსთვის მოსამართლეთა ქონების შემოწმების შეჩერებას ეხმიანება

06.04.2024
ბლოგპოსტები

მაღალი დონის კორუფციის გადაუჭრელი პრობლემა საქართველოში

15.02.2024

Sockpuppet-ები და ვიკიპედია - ბრძოლის უცნობი ფრონტი

14.02.2024

რუსეთის მოქალაქეების შემოდინება საქართველოში და საზოგადოებრივი უსაფრთხოების გამოწვევები

05.10.2023

ენერგეტიკული სიღარიბე და დანაშაული საქართველოში

05.10.2023