პირველად - საპროცესო შეთანხმებების შედეგად ბიუჯეტში გადარიცხული თანხები

სიახლეები | ეკონომიკა და სოციალური პოლიტიკა | კარგი მმართველობა | პუბლიკაციები | ანალიზი 18 მარტი 2013

მაღალი საზოგადოებრივი ინტერესის მიუხედავად, დღემდე უცნობი იყო ის თანხები, რაც საპროცესო შეთანხმებების შედეგად სახელმწიფო ბიუჯეტში ყოველწლიურად ირიცხებოდა. IDFI პირველად აქვეყნებს ინფორმაციას 2009-2012 წლებში ბიუჯეტში გადარიცხული თანხების შესახებ. 

 
IDFI დაინტერესდა საპროცესო შეთანხმებების შედეგად სახელმწიფო ბიუჯეტში გადარიცხული თანხებით. კერძოდ შემდეგი ინფორმაციით:
 
1.საპროცესო შეთანხმებების შედეგად, 2009, 2010, 2011 და 2012 წლებში საქართველოს სახელმწიფო ბიუჯეტში შესული თანხების ოდენობის შესახებ ინფორმაცია;
2.რა ოდენობის თანხებზე დადებულ იქნა საპროცესო შეთანხმებები 2009, 2010, 2011 და 2012 წლებში.
3.იმ პირთა რაოდენობის შესახებ ინფორმაცია, რომელთა ქონება 2009, 2010, 2011 და 2012 წლებში ჩამორთმეულ და გადაცემულ იქნა სახელმწიფოსთვის (თითოეული წლისათვის ცალ-ცალკე), აგრეთვე ამ ქონების საერთო ღირებულება ხსენებული წლების მიხედვით.
 
აღნიშნული მოთხოვნებით IDFI-მ 2013 წლის 6 თებერვალს მიმართა საქართველოს მთავარ პროკურატურას. პროკურატურიდან 2013 წლის 27 თებერვალს მიღებული წერილით პასუხი გაეცა პირველ ორ მოთხოვნას. წერილის მიხედვით ირკვევა, რომ საპროცესო შეთანხმების შედეგად სახელმწიფო ბიუჯეტში შესული თანხების შესახებ ინფორმაციის აღრიცხვას საქართველოს მთავარი პროკურატურის ანალიტიკური სამმართველო არ აწარმოებს. 2013 წლის 1 მარტს მიღებული წერილით იგივე შინაარსის პასუხი გაეცა მესამე მოთხოვნას ჩამორთმეული ქონების თაობაზე. კერძოდ, აღნიშნულია, რომ პროკურატურიდან 2013 წლის 1 მარტს მიღებული პასუხიდან ირკვევა, რომ საქართველოს მთავარი პროკურატურის ანალიტიკური სამმართველო არ აწარმოებს მსგავსი ინფორმაციის აღრიცხვას, რის გამოც მთავარი პროკურატურა ვერ მოგვაწოდებს ინფორმაციას.
 
აღნიშნული პასუხის მიღების შემდეგ IDFI-მ 2013 წლის 5 მარტს იგივე მოთხოვნებით მიმართა საქართველოს იუსტიციის სამინისტროს სსიპ აღსრულების ეროვნულ ბიუროს. აღსრულების ეროვნული ბიუროდან 2013 წლის 12 მარტს მიღებული წერილით IDFI-ის ეცნობა, რომ სსიპ აღსრულების ეროვნული ბიურო არ ფლობს ინფორმაციას 2009-2012 წლებში დადებული საპროცესო შეთანხმებების თანხის ოდენობის და ასევე იმ მოვალეთა რაოდენობის შესახებ, რომელთა ქონება 2009-2012 წლებში ჩამორთმეულ და გადაცემულ იქნა სახელმწიფოსთვის.
 
ამავე დროს, წერილიდან ირკვევა, რომ 2009-2012 წლებში საპროცესო შეთანხმებების შედეგად  სახელმწიფო ბიუჯეტში სულ გადარიცხულმა თანხამ შეადგინა 140 039 162.76 ლარი. ეს თანხა წლების მიხედვით შემდეგნაირად ნაწილდება:
 
2009 წელი: 8 040 392.81 ლარი
2010 წელი: 42 361 459.28 ლარი
2011 წელი: 51 009 723.78 ლარი
2012 წელი: 38 627 586.89 ლარი
 
 
 
 
აქვე შეგახსენებთ, რომ IDFI-ის (ინფორმაციის თავისუფლების განვითარების ინსტიტუტი) მიერ შემუშავებულ სასამართლო სტატისტიკის მოდულში  გამოქვეყნებულია საპროცესო შეთანხმებით 2007-2012 წლებში გამოტანილი განაჩენების რაოდენობა საიდანაც ირკვევა, რომ მხოლოდ 2009-2012 წლებში საპროცესო გარიგებით განაჩენი გამოტანილი იქნა 52 402 პირზე.
 
 
რაც შეეხება საპროცესო შეთანხმებების შედეგად სახელმწიფო ბიუჯეტში გადარიცხულ თანხებს, ეს ინფორმაცია დიდი ხნის მანძილზე წარმოადგენს საზოგადოებრივი ინტერესის საგანს თუმცა, სამწუხაროდ ხელმიუწვდომელი იყო. მართალია ცნობილი იყო საპროცესო შეთანხმების საფუძველზე სახელმწიფო ბიუჯეტის სასარგებლოდ დაკისრებული თანხების რაოდენობა (მაგ. "საერთაშორისო გამჭვირვალობა საქართველოს" კვლევის მონაცემებით 2009 წელს - 61 100 000 ლარი ), თუმცა, დღემდე უცნობი რჩებოდა, თუ კონკრეტულად რა თანხა ირიცხებოდა ბიუჯეტში საპროცესო შეთანხმებების შედეგად. 
შესაბამისად, IDFI პირველად ავრცელებს ინფორმაციას იმის შესახებ, თუ რეალურად რა თანხა გადაირიცხა სახელმწიფო ბიუჯეტში 2009-2012 წლებში საპროცესო შეთანხმებების საფუძველზე. 
რაც შეეხება საპროცესო შეთანხმებების შედეგად სახელმწიფო ბიუჯეტში გადარიცხულ თანხებს, ეს ინფორმაცია დიდი ხნის მანძილზე წარმოადგენს საზოგადოებრივი ინტერესის საგანს თუმცა, სამწუხაროდ ხელმიუწვდომელი იყო. მართალია ცნობილი იყო საპროცესო შეთანხმების საფუძველზე სახელმწიფო ბიუჯეტის სასარგებლოდ დაკისრებული თანხების რაოდენობა (მაგ. "საერთაშორისო გამჭვირვალობა საქართველოს" კვლევის მონაცემებით 2009 წელს - 61 100 000 ლარი), თუმცა, დღემდე უცნობი რჩებოდა, თუ კონკრეტულად რა თანხა ირიცხებოდა ბიუჯეტში საპროცესო შეთანხმებების შედეგად. 
 
შესაბამისად, IDFI პირველად ავრცელებს ინფორმაციას იმის შესახებ, თუ რეალურად რა თანხა გადაირიცხა სახელმწიფო ბიუჯეტში 2009-2012 წლებში საპროცესო შეთანხმებების საფუძველზე. 
სხვა მასალები ამ თემაზე
სიახლეები

ღია მმართველობის პარტნიორობა ანტიკორუფციული ინიციატივების მხარდასაჭერად

21.04.2021

სქესობრივი დანაშაულისთვის მსჯავრდებულ პირთა რეესტრის მონაცემები

19.04.2021

კორუფციის პრევენციასთან დაკავშირებით მიღებული რეკომენდაციების შესრულების პროგრესი კვლავ ძალიან დაბალია

15.04.2021

საქართველო აშშ-ს სახელმწიფო დეპარტამენტის 2020 წლის ანგარიშში

12.04.2021
განცხადებები

IDFI-ს განცხადება პოლიტიკური პარტიების შეთანხმების თაობაზე

19.04.2021

IDFI ნამახვანი ჰესის პროექტთან დაკავშირებით განვითარებულ მოვლენებს ეხმიანება

12.04.2021

IDFI-ისა და სოციალური სამართლიანობის ცენტრის განცხადება სახელმწიფო ინსპექტორის სამსახურის ანგარიშთან დაკავშირებით

07.04.2021

კოალიცია „მედიის ადვოკატირებისათვის“ წევრი ორგანიზაციები დაუშვებად მივიჩნევთ ინტერნეტის ხელმისაწვდომობის შეზღუდვას ნამოხვანში

04.04.2021
ბლოგპოსტები

მოსაზრებები სამუსლიმანო საქართველოს სახელმწიფოებრივ კუთვნილებასთან დაკავშირებით

10.03.2021

1921 წლის ოკუპაცია და „პერესტროიკის“ ხანის ქართული გაზეთები

10.03.2021

საბჭოთა ოკუპაციის ნარატივი რუსეთ-საქართველოს თანამედროვე ურთიერთობების ფონზე: პოლიტიკა, მეხსიერება, იდენტობა

10.03.2021

გუდმუნდურ ანდრი ასტრადსონი ისლანდიის წინააღმდეგ: მოსამართლეთა დანიშვნის შესახებ კანონმდებლობის დარღვევამ სამართლიანი სასამართლოს უფლების შელახვა გამოიწვია

10.02.2021