აღმოსავლეთის პარტნიორობის სამოქალაქო საზოგადოების ფორუმის საქართველოს ეროვნული პლატფორმა

კოალიციური საქმიანობა 5 აგვისტო 2014

ევროპის კომისიის ინიციატივით შეიქმნა აღმოსავლეთის პარტნიორობის სამოქალაქო საზოგადოების ფორუმი. ფორუმის შემადგენლობაში შედიან სამოქალაქო-საზოგადოებრივი ორგანიზაციების წარმომადგენლები საქართველოდან, აზერბაიჯანიდან, ბელორუსიდან, მოლდავეთიდან, სომხეთიდან და უკრაინიდან; ევროკავშირის წევრი ქვეყნებიდან; ასევე, საერთაშორისო არასამთავრობო ორგანიზაციების წარმომადგენლები.

 

ფორუმმა ხელი უნდა შეუწყოს პარტნიორი ექვსი ქვეყნის სამოქალაქო-საზოგადოებრივი ორგანიზაციების განვითარებას, მათ შორის თანამშრომლობას, საჯარო დაწესებულებებთან დიალოგს, აღმოსავლეთის პარტნიორობის მიზნების მიღწევას პარტნიორ ქვეყნებში.

 

სამოქალაქო საზოგადოების ფორუმის საქმიანობა მოიცავს აღმოსავლეთის პარტნიორობის ოთხ თემატურ პლატფორმას და, შესაბამისად, ოთხ სამუშაო ჯგუფს:
1) დემოკრატია, ადამიანის უფლებები, კარგი მმართველობა და სტაბილურობა
2) ეკონომიკური ინტეგრაცია და ევროკავშირის პოლიტიკასთან თანხვედრა;
3) გარემოს დაცვა, კლიმატის ცვლილება და ენერგოუსაფრთხოება;
4) ხალხთაშორისი კავშირების წახალისება.

 

სამოქალაქო საზოგადოების ფორუმის კოორდინაციისათვის თითოეულ ქვეყანაში იქმნება ეროვნული პლატფორმა. 

 

ეროვნული პლატფორმის ფუნქციებია:

1) აღმოსავლეთის პარტნიორობის თემატური პლატფორმებისა და საფლაგმანო ინიციატივების მიმდინარეობის ხელშეწყობა საქართველოში;
2) სამოქალაქო საზოგადოების ფორუმზე საქართველოს სამოქალაქო საზოგადოების ინტერესების წარდგენისა და ფორუმის საქმიანობისთვის ხელის შეწყობა.

 

ეროვნული პლატფორმა ახორციელებს შემდეგ საქმიანობებს:

1. ქმნის ოთხ სამუშაო ჯგუფს ოთხი თემატური პლატფორმის შესაბამისად და ქვეჯგუფებს – საჭიროებისამებრ;
2. ხელს უწყობს საზოგადოებრივი ცნობიერების ამაღლებას აღმოსავლეთის პარტნიორობის შესახებ;
3. განიხილავს აღმოსავლეთის პარტნიორობის ოთხი თემატური პლატფორმისა და პარტნიორობის საფლაგმანო ინიციატივების იმპლემენტაციას საქართველოში;
4. ევროპის კომისიას, საქართველოს მთავრობასა და სამოქალაქო საზოგადოების ფორუმს წარუდგენს განხილვის შედეგებს რეკომენდაციების სახით;
5. საკუთარი გადაწყვეტილებით ახორციელებს აღმოსავლეთის პარტნიორობის მონიტორინგს;
6. საჯაროდ აქვეყნებს რეკომენდაციებს/მონიტორინგის შედეგებს;
7. საკუთარი გადაწყვეტილებით ხელს უწყობს კვლევების განხორციელებას აღმოსავლეთის პარტნიორობის იმპლემენტაციის ხელშესაწყობად;
8. ხელს უწყობს სამოქალაქო საზოგადოების ფორუმის რეკომენდაციების სწორ და ეფექტიან განხორციელებას საქართველოში;
9. თანამშრომლობს:

ა) საქართველოს მთავრობასთან;
ბ) ევროკავშირის ადგილობრივ დელეგაციასთან;
გ) ევროპის კომისიასთან;
დ) ევროკავშირის წევრი ქვეყნების საელჩოებთან საქართველოში;
ე) აღმოსავლეთის პარტნიორობის წევრი სხვა ქვეყნების ეროვნულ პლატფორმებთან;
ვ) სამოქალაქო საზოგადოების ფორუმის მონაწილე საერთაშორისო, ევროკავშირისა და მესამე ქვეყნების სამოქალაქო-საზოგადოებრივ ორგანიზაციებთან;
ზ) სამოქალაქო საზოგადოების ფორუმის მმართველ კომიტეტთან;

10. შეიმუშავებს წინადადებებს სამოქალაქო საზოგადოების ფორუმის მორიგი შეხვედრის დღის წესრიგის ჩამოსაყალიბებლად;

11. ირჩევს საქართველოს ეროვნულ კოორდინატორს და მის კანდიდატურას წარუდგენს სამოქალაქო საზოგადოების ფორუმს.

კოალიციის ფარგლებში განხორციელებული აქტივობები
სიახლეები

საქართველო კანონის უზენაესობის 2020 წლის ინდექსში

26.03.2020

ინფექციური დაავადებების სტატისტიკა საქართველოში

25.03.2020

საქართველოში საგანგებო მდგომარეობის ვადის განმავლობაში ელექტრონული საქმისწარმოების, ადმინისტრაციული წარმოებისა და საჯარო ინფორმაციის გაცემის განსხვავებული წესები იმოქმედებს

23.03.2020

კორუფციასთან ბრძოლის საგანმანართლებლო პროგრამა დისტანციურად გრძელდება

17.03.2020
განცხადებები

საზოგადოებრივი ორგანიზაციები აჭარის მაუწყებელში მიმდინარე საგანგაშო პროცესებზე საერთაშორისო ორგანიზაციებს კოლექტიურად მიმართავენ

17.03.2020

კოალიცია უზენაესი სასამართლოს თავმჯდომარის თანამდებობაზე ასარჩევად ნინო ქადაგიძის წარდგენას ეხმიანება

13.03.2020

კოალიციის განცხადება მოსამართლეთა დისციპლინურ სამართალწარმოებასთან დაკავშირებული ხარვეზების თაობაზე

05.03.2020

კოალიცია აჭარის საზოგადოებრივ მაუწყებელში მიმდინარე პროცესების თაობაზე საერთაშორისო ორგანიზაციებს კიდევ ერთხელ მიმართავს

14.02.2020
ბლოგპოსტები

ემოციური უსაფრთხოება საქართველოს ზოგადსაგანმანათლებლო დაწესებულებებში - მოსწავლეთა დარღვევებისა და ჩაგვრის შემთხვევების სტატისტიკის ანალიზი

20.03.2020

ქალაქ ფოთში ატმოსფერული ჰაერის დაბინძურებასა და თევზის გადამუშავებასთან დაკავშირებული ეკოლოგიური პრობლემების ანალიზი - ანუ ცხოვრება ზღვისპირა ქალაქში ჰაერის გარეშე

20.03.2020

არაგადამდები (ქრონიკული) დაავადებების სამკურნალო მედიკამენტებით უზრუნველყოფის სახელმწიფო პროგრამის მიმოხილვა

20.03.2020

სოციალური დახმარებები VS არჩევნები

02.03.2020