აღმოსავლეთ პარტნიორობის სამოქალაქო საზოგადოების ფორუმის საქართველოს ეროვნული პლატფორმის სამუშაო ჯგუფის კოორდინატორად გიორგი კლდიაშვილი აირჩიეს

სიახლეები | სტატია 15 მარტი 2016

2016 წლის 29 თებერვალს ჩატარდა აღმოსავლეთ პარტნიორობის სამოქალაქო საზოგადოების ფორუმის საქართველოს ეროვნული პლატფორმის მე-7 საერთო კრება. კრების მიზანი იყო პლატფორმის ერთწლიანი საქმიანობის შეჯამება და პლატფორმის თავმჯდომარის და სამუშაო ჯგუფების კოორდინატორების არჩევა. კრებას ესწრებოდა 86 წევრი ორგანიზაციის 130 წარმომადგენელი.

 

სამოქალაქო საზოგადოების ფორუმის საქმიანობა მოიცავს აღმოსავლეთის პარტნიორობის ოთხ თემატურ პლატფორმას და, შესაბამისად, ოთხ სამუშაო ჯგუფს: 

 

1. დემოკრატია, ადამიანის უფლებები, კარგი მმართველობა და სტაბილურობა

2. ეკონომიკური ინტეგრაცია და ევროკავშირის პოლიტიკასთან თანხვედრა;

3. გარემოს დაცვა, კლიმატის ცვლილება და ენერგოუსაფრთხოება;

4. ხალხთაშორისი კავშირების წახალისება.


შეხვედრა საქართველოს ეროვნული პლატფორმის თავმჯდომარემ, ბატონმა ლაშა ტუღუშმა გახსნა. მან 2015 წლის მთავარ მოვლენებზე ისაუბრა ევროპასთან ინტეგრაციის კუთხით, მათ შორის ვიზის ლიბერალიზაციის სამოქმედო გეგმის წარმატებით დასრულების შესახებ და აღნიშნა, რომ ეროვნული პლატფორმა იზიარებს საქართველოს ევროპულ პერსპექტივებს. მე-7 საერთო კრებას მისასალმებელი სიტყვით მიმართეს ევროპულ და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრის პირველმა მოადგილემ ბატონმა არჩილ ყარაულაშვილმა და საქართველოს ევროკავშირის წარმომადგენლობის პროექტების განყოფილების უფროსის მოადგილემ, ბატონმა შტეფან შთორქმა. ბატონმა არჩილ ყარაულაშვილმა ყურადღება გაამახვილა არასამთავრობო სექტორისა და ხელისუფლების მჭიდრო ურთიერთობის აუცილებლობაზე და მზადყოფნა გამოთქვა არასამთავრობო სექტორის აქტიური მონაწილეობის მხარდაჭერისა საქართველოს ევროინტეგრაციის პროცესში. ბატონმა შტეფან შთორქმა ისაუბრა ასოცირების ხელშეკრულების მნიშვნელობასა და ამ მიმართულებით ხელისუფლების მიერ განხორციელებულ ძალისხმევაზე. მან ხაზგასმით აღნიშნა, რომ ევროკავშირი მხარს უჭერს საქართველოს ეროვნულ პლატფორმას.


საერთო კრებაზე პლატფორმის თავმჯდომარემ ბატონმა ლაშა ტუღუშმა და ჯგუფის კოორდინატორებმა წარმოადგინეს პლატფორმის მიერ 2015 წელს გაწეული საქმიანობის ანგარიშები. მომხსენებლებმა მიმოიხილეს სამუშაო წლის განმავლობაში განხორციელებული აქტივობები, ისაუბრეს არსებულ გამოწვევებსა და მათი გადაჭრის გზებზე.


კრების მიმდინარეობისას ჩატარდა პლატფორმის თავმჯდომარია და სამუშაო ჯგუფის კოორდინატორების არჩევნები.


პლატფორმის თავმჯდომარედ კენჭისყრის შედეგად არჩეულ იქნა საქართველოს სტრატეგიისა და საერთაშორისო ურთიერთობების კვლევის ფონდის (GFSIS) სტრატეგიული და საერთაშორისო ურთიერთობების კვლევის ფონდის უფროსი მეცნიერ-თანამშრომელი და ევროპული კვლევების ცენტრის ხელმძღვანელიკახა გოგოლაშვილი.


პლატფორმის I სამუშაო ჯგუფის (დემოკრატია, ადამიანის უფლებები, კარგი მმართველობა და სტაბილურობა) კოორდინატორის კონკურსში 4 კანდიდატთან ერთად მონაწილეობდა ინფორმაციის თავისუფლების განვითარების ინსტიტუტის (IDFI) დირექტორი გიორგი კლდიაშვილი. კოორდინატორების არჩევნებში მონაწილეობა 84 ორგანიზაციამ მიიღო. I სამუშაო ჯგუფისკოორდინატორის თანამდებობაზე ხმები თანაბრად გადანაწილდა ინფორმაციის თავისუფლების განვითარების ინსტიტუტის (IDFI) დირექტორს ბატონ გიორგი კლდიაშვილსა და საქართველოს ახალგაზრდა იურისტთა ასოციაციის თავმჯდომარე ქალბატონ ანა ნაცვლიშვილს შორის. ისინი ერთად გაუწევენ კოორდინაციას I სამუშაო ჯგუფს.


"აღმოსავლეთ პარტნიორობა" ევროკავშირის აღმოსავლეთ სამეზობლოსთან ორმხრივი და მრავალმხრივი თანამშრომლობის მექანიზმს წარმოადგენს, რომელსაც საფუძველი 2009 წელს ჩაეყარა. ინიციატივა აღმოსავლეთ ევროპულ მეზობელ ქვეყნებს ევროკავშირთან პოლიტიკური დაახლოებისა და ეკონომიკური ინტეგრაციის გაღრმავების ახალ შესაძლებლობებს სთავაზობს. ფორუმის შემადგენლობაში შედიან სამოქალაქო-საზოგადოებრივი ორგანიზაციების წარმომადგენლები საქართველოდან, აზერბაიჯანიდან, ბელორუსიდან, მოლდავეთიდან, სომხეთიდან და უკრაინიდან; ევროკავშირის წევრი ქვეყნებიდან; ასევე, საერთაშორისო არასამთავრობო ორგანიზაციების წარმომადგენლები. ფორუმმა ხელი უნდა შეუწყოს პარტნიორი ექვსი ქვეყნის სამოქალაქო-საზოგადოებრივი ორგანიზაციების განვითარებას, მათ შორის თანამშრომლობას, საჯარო დაწესებულებებთან დიალოგს, აღმოსავლეთის პარტნიორობის მიზნების მიღწევას პარტნიორ ქვეყნებში. საქართველოს ეროვნული პლატფორმა შეიქმნა 2010 წლის ნოემბრიდან. IDFI პლატფორმის წევრია 2012 წლიდან.

სხვა მასალები ამ თემაზე
სიახლეები

სამუშაო შეხვედრა ციფრული კონტენტის რეგულირების შესახებ

28.01.2022

საქართველო და კორუფცია - კორუფციის წინააღმდეგ გაეროს კონვენციის მონაწილე სახელმწიფოთა კონფერენციაზე საქართველომ ვერაფერი წარადგინა

27.01.2022

ამბროლაურისა და ლანჩხუთის მუნიციპალიტეტებმა გამჭვირვალობის და კეთილსინდისიერების ამაღლების სტრატეგიები და სამოქმედო გეგმები მიიღეს

26.01.2022

ადამიანის უფლებათა ევროპული სასამართლოს და ევროკავშირის მართლმსაჯულების სასამართლოს მიერ მიღებული გადაწყვეტილებების კრებული

26.01.2022
განცხადებები

პრეზიდენტისადმი მოწოდება „საერთო სასამართლოების შესახებ“ ორგანულ კანონში მიღებულ საკანონმდებლო ცვლილებაზე ვეტოს დადების თაობაზე

13.01.2022

სახელმწიფო ინსპექტორის აპარატის გაუქმების საკანონმდებლო ცვლილებაზე ვეტოს დადების შესახებ

05.01.2022

2021 წლის 28 დეკემბერს რუსეთის ფედერაციის უზენაესმა სასამართლომ საზოგადოება საერთაშორისო მემორიალის ლიკვიდაციის გადაწყვეტილება მიიღო

29.12.2021

კოალიცია „საერთო სასამართლოების შესახებ“ ორგანულ კანონში ცვლილებების დაჩქარებული წესით განხილვას ეხმაურება

28.12.2021
ბლოგპოსტები

ციფრული სერვისები, როგორც სახელმწიფოს, ბიზნესსა და მოქალაქეებს შორის ინტერაქციის პირდაპირი საშუალება MY.GOV.GE-ს მაგალითზე

23.01.2022

პოლიტიკური დაფინანსების ანგარიშვალდებულებისა და გამჭვირვალობის გამოწვევები საქართველოში

22.01.2022

სამოხელეო პოლიტიკისა და საჯარო სამსახურის გამოწვევები საქართველოს საჯარო მმართველობის სისტემაში

22.01.2022

იმერეთის რეგიონში სპორტის მუნიციპალური პოლიტიკის და მერიებს დაქვემდებარებული სპორტული ორგანიზაციების საქმიანობის ანალიზი

17.01.2022