საქართველოს რეგიონული განვითარებისა და ინფრასტრუქტურის სამინისტროს გამჭვირვალობისა და კეთილსინდისიერების ამაღლების სტრატეგიის და სამოქმედო გეგმის პროექტის საჯარო განხილვა

სიახლეები | პუბლიკაციები | ღია მმართველობა და კორუფციასთან ბრძოლა | სტატია 21 მარტი 2017

21 მარტს, IDFI-მ საქართველოს რეგიონული განვითარებისა და ინფრასტრუქტურის სამინისტროსთან ერთად გამართა "საქართველოს რეგიონული განვითარებისა და ინფრასტრუქტურის სამინისტროს გამჭვირვალობისა და კეთილსინდისიერების ამაღლების სტრატეგიის და სამოქმედო გეგმის საჯარო განხილვა”.

 

დისკუსიის მიზანი იყო ადგილობრივი და საერთაშორისო ორგანიზაციების წარმომადგენლებისთვის სტრატეგიის პროექტის წარდგენა და მათი შეფასებების და რეკომენდაციების მიღება.

 

ღონისძიება გახსნეს საქართველოს რეგიონული განვითარებისა და ინფრასრუქტურის მინისტრის პირველმა მოადგილემ ირაკლი მატკავამ, IDFI-ის პროგრამების დირექტორმა ლევან ავალიშვილმა და დევიდ სმიტმა, პროგრამის დირექტორი Tetra Tech ARD/შეერთებული შტატების საერთაშორისო განვითარების სააგენტოს (USAID) ,,საქართველოში კარგი მმართველობის ინიციატივის" პროგრამა.


ლევან ავალიშვილის თქმით, IDFI-ის მიერ მომზადებული პოლიტიკის დოკუმენტი ხელს შეუწყობს სამინიტროს სისტემაში ღია მმართველობის ახალი, თანამედროვე სტანდარტების დანერგვას. „ჩვენ გვინდა, რომ ეს გახდეს მისაბაძი მაგალითი სხვა საჯარო უწყებებისთვის“, - აღნიშნა ავალიშვილმა.

 

საწყის ეტაპზე IDFI-მ ჩაატარა სიტუაციური ანალიზი, რომლის შედეგადაც გამოვლინდა სამინისტროში არსებული რისკები, რაც საფუძვლად დაედო სტრატეგიის და მისი განხორციელების სამოქმედო გეგმის შექმნას. ასევე, მომზადდა ინდიკატორები, რომელთა გამოყენებითაც ჩატარდება მიღწეული პროგრესის მონიტორინგი. დოკუმენტი შეიცავს საუკეთესო საერთაშორისო პრაქტიკას სხვადასხვა მიმართულებით და იზიარებს კეთილსინდისიერების ამაღლების არაერთ თანამედროვე მიდგომას.


სტრატეგია და სამოქმედო გეგმა მოიცავს 4 პრიორიტეტულ მიმართულებას: 1. სამინისტროში ეთიკის და კეთილსინდისიერების არსებული მექანიზმების გაუმჯობესება; 2. გამჭვირვალობის და საზოგადოებრივი ჩართულობის გაზრდა; 3. ადამიანური რესურსების მართვის სისტემის გაუმჯობესება; და 4. დაგეგმვის, მონიტორინგის და შიდა ფინანსური კონტროლის სისტემის დახვეწა. 

 

„საქართველოს რეგიონული განვითარებისა და ინფრასტრუქტურის სამინისტროსთვის გამჭვირვალობისა და კეთილსინდისიერების ამ სტრატეგიის შექმნით, ჩვენ ვქმნით პირობებს, რათა შეიზღუდოს კორუფციის შესაძლებლობები. სტრატეგია პრევენციული ხასიათისაა. მისი მიზანია არა დამნაშავის დასჯა, არამედ ისეთი გარემოს შექმნა, სადაც პოტენციურ დამნაშავეს გაუჭირდება დანაშაულის ჩადენა.“ - აღნიშნა დევიდ სმიტმა.


დისკუსია გაიმართა პროექტის „საქართველოს რეგიონული განვითარების და ინფრასტრუქტურის სამინისტროში გამჭვირვალობისა და კეთილსინდისიერების ამაღლების სისტემის განვითარება“-ს ფარგლებში. პროექტი დაფინანსებულია აშშ-ის საერთაშორისო განვითარების სააგენტოს (USAID) დემოკრატიული მმართველობის ინიციატივის (Good Governance Initiative – GGI) მიერ. ამ ინიციატივის ფარგლებში, IDFI-ის მიზანია, შექმნას კორუფციის წინააღმდეგ ბრძოლისა და გამჭვირვალობის სტრატეგია და სამოქმედო გეგმა საქართველოს რეგიონული განვითარებისა და ინფრასტრუქტურის სამინისტროსთვის და მიუერთოს ეს ჩარჩო კორუფციის წინააღმდეგ ბრძოლის ეროვნულ სისტემას.

სხვა მასალები ამ თემაზე
სიახლეები

ICT სექტორის გავლენა ეკონომიკური ზრდის მაჩვენებლებზე

10.07.2025

„საერთო სასამართლოების შესახებ” საქართველოს ორგანულ კანონში შეტანილი ცვლილებები სასამართლო სისტემის საზოგადოებისადმი ანგარიშვალდებულებას სრულად გამორიცხავს

27.06.2025

საქართველოს სამოქალაქო საზოგადოების ორგანიზაციების განცხადება წამების მსხვერპლთა მხარდაჭერის საერთაშორისო დღესთან დაკავშირებით

26.06.2025

ადმინისტრაციული პატიმრობა სამართლიანი სასამართლოს უფლების უგულებელყოფით

23.06.2025
განცხადებები

„საერთო სასამართლოების შესახებ” საქართველოს ორგანულ კანონში შეტანილი ცვლილებები სასამართლო სისტემის საზოგადოებისადმი ანგარიშვალდებულებას სრულად გამორიცხავს

27.06.2025

საქართველოს სამოქალაქო საზოგადოების ორგანიზაციების განცხადება წამების მსხვერპლთა მხარდაჭერის საერთაშორისო დღესთან დაკავშირებით

26.06.2025

მედიის ადვოკატირების კოალიციის განცხადება

03.06.2025

მედიის ადვოკატირების კოალიციის განცხადება

23.05.2025
ბლოგპოსტები

ვიზალიბერალიზაციის გავლენა საქართველოს მოსახლეობის კეთილდღეობაზე

05.05.2025

ვაცლავ ჰაველის "ძალა უძალოთა" - სიმართლე, როგორც წინააღმდეგობის ფორმა

02.04.2025

ქართველი ემიგრანტების საარჩევნო უფლების რეალიზების კუთხით არსებული გამოწვევები და მათი ელექტორალური ქცევა

25.12.2024

რუსეთის სპეცსამსახურების აქტიური ღონისძიება - ალექსანდრე მალკევიჩი საქართველოში

29.11.2024