ივანე ჯავახიშვილის სახელობის თბილისის სახელმწიფო უნივერსიტეტიდან მიღებული საჯარო ინფორმაცია უკვე ხელმისაწვდომია ვებ-გვერდზე. უნივერსიტეტმა არასრულყოფილად მოგვაწოდა ინფორმაცია თანამდებობის პირთა და თანამშრომელთა პრემიებისა და 2012 წლის ბიუჯეტის ბალანსის შესახებ. უნივერსიტეტმა ასევე უარი თქვა დაფინანსებული ღონისძიებებისა და საშტატო ნუსხის შესახებ ინფორმაციის გაცემაზე.
პრემიებთან დაკავშირებით თსუ-მ მოგვაწოდა მხოლოდ თანამშრომლებზე გაცემული პრემიების ჯამური რაოდენობა, ხოლო თანამდებობის პირების შესახებ მოთხოვნაზე უარი განაცხადა იმ მიზეზით რომ, პერსონალური ინფორმაციის შემცველია. მიღებული ინფორმაციით ირკვევა, რომ 2012 წლის მანძილზე თსუ-ს 2212 თანამშრომელზე სულ პრემიის სახით გაიცა 1 935 603 ლარი.
ბიუჯეტის შემთხვევაში სრული ბალანსის ნაცვლად მოწოდებულია მხოლოდ კატეგორიების ჯამური ამონაწერი ბიუჯეტიდან.
ღონისძიებებთან დაკავშირებით უარის მიზეზად დასახელდა ის, რომ ინფორმაციის დასამუშავებლად დიდი დრო არის საჭირო, და ასევე, დეპარტამენტს არ გააჩნია საკმარისი ადამიანური რესურსი.
რაც შეეხება საშტატო ნუსხას თანამდებობრივი სარგოს მითითებით, თსუ-მ მიიჩნია, რომ აღნიშნული ინფორმაცია შეიცავს პერსონალურ მონაცემებს.
ყველა სხვა შემთხვევაში მიღებული ინფორმაცია იყო სრული.
დეტალური ინფორმაციისთვის შეგიძლიათ იხილოთ შემდეგი ბმულები:
3. ინფორმაცია დაფინანსებული ღონისძიებების შესახებ
4. ინფორმაცია საჯარო ინფორმაციის გაცემის ანგარიშების შესახებ
5. ინფორმაცია თანამშრომლების შესახებ
6. ინფორმაცია თანამდებობის პირების ბიოგრაფიული მონაცემების შესახებ
პასუხი მიღებული იქნა 10 დღის ვადის დარღვევით, საქართველოს ზოგადი ადმინისტრაციული კოდექსის მე-40 მუხლის, პირველი ნაწილით გათვალისწინებული პროცედურული ნორმის დარღვევით.
წერილის გაგზავნის თარიღი: 18/02/2013
პასუხის მიღების თარიღი: 07/03/2013
სიახლეების გამოწერა
იხილეთ გაგზავნილი წერილი