საქართველოში აღმოჩენილი საბჭოთა რეჟიმის მსხვერპლთა პირველი მასობრივი სამარხის შესახებ ცნობიერების ამაღლება

პროექტები | მიმდინარე პროექტები 1 ნოემბერი 2020

                                            

 

 

პროექტის სახელწოდება: საქართველოში აღმოჩენილი საბჭოთა რეჟიმის მსხვერპლთა პირველი მასობრივი სამარხის შესახებ ცნობიერების ამაღლება
დონორი ორგანიზაცია: International Coalition of Sites of Conscience
ბიუჯეტი: $5,000
ხანგრძლივობა: 1 ნოემბერი - 28 თებერვალი

 

2019 წელს ცნობილი გახდა აჭარაში, საქართველოში 1937-1938 წლების საბჭოთა რეპრესიების მსხვერპლთა პირველი მასობრივი სამარხების აღმოჩენის თაობაზე. აღნიშნული სამარხების აღმოჩენა უმნიშვნელოვანესი მოვლენაა საქართველოსთვის, ვინაიდან რეპრესირებულთა ისტორიების შესწავლას, მათთვის სათანადო პატივის მიგებასა და ხსოვნის უკვდავყოფას დიდი როლი აქვს ქვეყნების კოლექტიური მეხსიერების ფორმირებასა და ტოტალიტარული წარსულის გააზრებაში, რასაც ადასტურებს სხვა პოსტ კომუნისტური ქვეყნების გამოცდილებაც. სახელმწიფოს მხრიდან თავდაპირველად გარკვეული ნაბიჯები გადაიდგა სამარხების შესწავლის კუთხით, თუმცა, მოგვიანებით ამ მხრივ სახელმწიფოს ინტერესი და ყურადღება შემცირდა და სამარხების აღმოჩენიდან წლინახევრის გასვლის შემდეგაც, ამ მიმართულებით პროგრესი არ შეინიშნება. ამავდროულად, აღმოჩენილი ნეშტების რელიგიური წესით დაკრძალვასთან დაკავშირებით არსებობს განსხვავებული მოსაზრებები ადგილობრივ მუსლიმ და ქრისტიან მოსახლეობას შორის, ვინაიდან დიდი ალბათობით, რასაც IDFI-ის კვლევაც ადასტურებს, აღმოჩენილ ცხედრებს შორის არიან მუსლიმი პირებიც. ამის გამო, აღმოჩენილი 150 ცხედარი დღემდე არაა დაკრძალული და ინახება ბათუმის ღვთისმშობლის სახელობის ეკლესიის ქვედა სართულზე.

 

შექმნილი ვითარებიდან გამომდინარე, IDFI-ის პროექტი მიზნად ისახავს ადგილობრივ მუსლიმ და ქრისტიან მოსახლეობას შორის დიალოგის წახალისებას, აღმოჩენილი სამარხების შესახებ საზოგადოებრივი ცნობიერების ამაღლებასა და ხელისუფლების კვლავ დაინტერესებას აღნიშნული საკითხით. ამისათვის, ორგანიზაცია გეგმავს სამარხების შესახებ საკუთარ საიტზე საინფორმაციო ბლოკის შექმნას, რომელიც გააერთიანებს ინტერვიუებს რეპრესირებულთა შთამომავლებთან, მათ ოჯახურ არქივებს და სხვა მასალებს. ამასთანავე, პროექტის ფარგლებში, IDFI ადგილობრივ მუსლიმებსა და ქრისტიანებს შორის გამართავს მრგვალი მაგიდის დისკუსიას და დაიწყებს აქტიურ ადვოკატირების კამპანიას, რათა ხელისუფლებამ დროულად გადადგას ნაბიჯები სამარხების შესწავლისა და რეპრესიების მსხვერპლთათვის სათანადო პატივის მიგების კუთხით.

 

პროექტის მიზნები

 

- აჭარაში აღმოჩენილი მასობრივი სამარხების შესახებ საზოგადოებრივი ცნობიერების ამაღლება;

- ადგილობრივ მუსლიმ და ქრისტიან მოსახლეობას შორის დიალოგის წახალისება;

- სახელმწიფოს კვლავ დაინტერესება აჭარაში აღმოჩენილი სამარხების საკითხით, რათა დროულად გადაიდგას ნაბიჯები სამარხების შესწავლისა და რეპრესიების მსხვერპლთათვის სათანადო პატივის მიგების კუთხით.

 

პროექტის ფარგლებში დაგეგმილი აქტივობები

 

- საბჭოთა რეპრესიების მსხვერპლთა შთამომავლების იდენტიფიცირება;

- საბჭოთა რეპრესიების მსხვერპლთა შთამომავლებთან ინტერვიუების ჩაწერა, ზეპირი ისტორიებისა და მათი საოჯახო არქივების შეგროვება;

- IDFI-ის ვებგვერდზე საბჭოთა რეპრესიების მსხვერპლთა შესახებ ცალკე სექციის შექმნა, რომელზეც განთავსდება პროექტის ფარგლებში მოგროვილი მასალები;

- ადგილობრივ მუსლიმებსა და ქრისტიანებს შორის მრგვალი მაგიდის დისკუსიის გამართვა;

- ადვოკატირების კამპანიის დაწყება, რომელიც მოიცავს აღმოჩენილი სამარხებისა და საბჭოთა რეპრესიების შესახებ სტატიების, ვიდეოებისა და ვიზუალიზაციების მომზადებასა და გავრცელებას;

- საერთაშორიო ორგანიზაციებთან თანამშრომლობით, აღნიშნულ საკითხთან დაკავშირებით მთავრობისთვის რეკომენდაციების შემუშავება;

- საბოლოო ანგარიშის მომზადება.

 

დაგეგმილი ღონისძიებები და ბიუჯეტი  

 

ხელშეკრულება

პროექტის ფარგლებში განხორციელებული აქტივობები
სიახლეები

IDFI-ის საბჭოთა ოკუპაციის 100 წლისთავისადმი მიძღვნილი აქტივობები

01.03.2021

თბილისის საქალაქო სასამართლომ „მედიააკადემიის“ წინააღმდეგ IDFI-ის სარჩელი დააკმაყოფილა

26.02.2021

სტატისტიკური მონაცემები 2018-2020 წლებში საქართველოს ოკუპირებულ ტერიტორიებზე ქართული ჯანდაცვის პროგრამებით მოსარგებლეთა შესახებ

24.02.2021

IDFI-ის ონლაინ კონფერენცია ხელოვნური ინტელექტის შესახებ: განხილული საკითხები და შედეგები

23.02.2021
განცხადებები

მედიაკოალიცია ჟურნალისტ ვახო სანაიაზე და მის ოჯახზე თავდასხმის ფაქტს ეხმიანება

25.02.2021

საგანგებო განცხადება ნიკა მელიას დაკავების შესახებ

23.02.2021

IDFI საქართველოს პარლამენტთან აქციების მონაწილეთა დაკავებას ეხმიანება

21.02.2021

ერთობლივი განცხადება ნიკა მელიას სასამართლო პროცესთან დაკავშირებით

17.02.2021
ბლოგპოსტები

გუდმუნდურ ანდრი ასტრადსონი ისლანდიის წინააღმდეგ: მოსამართლეთა დანიშვნის შესახებ კანონმდებლობის დარღვევამ სამართლიანი სასამართლოს უფლების შელახვა გამოიწვია

10.02.2021

რატომ არ არის სახელმწიფო ავტოპარკში ელექტროავტომობილები?

08.02.2021

ღია მმართველობის პარტნიორობის გაზრდილი მნიშვნელობა - პერსპექტივა დაკვირვების საფუძველზე (OGP 2030)

26.11.2020

დამოუკიდებელი ანტიკორუფციული სააგენტო - მაღალი დონის კორუფციასთან ბრძოლის ეფექტური საშუალება

06.11.2020