კორუფციასთან ბრძოლის სასერტიფიკატო პროგრამის მონაწილეთა დაჯილდოების ცერემონია

სიახლეები | კორუფციასთან ბრძოლა | სტატია 4 დეკემბერი 2023

2023 წლის 1 დეკემბერს გაიმართა კორუფციასთან ბრძოლის სასერტიფიკატო პროგრამის 2022-2023 წლების მონაწილეთა დაჯილდოების ცერემონია. ღონისძიებისას პროგრამის მონაწილეებს, რომლებმაც წარმატებით შეძლეს პროგრამის შედეგად შეთავაზებული აკადემიური კურსების დასრულება, გადაეცათ სერტიფიკატები. ამავდროულად, დაჯილდოების ცერემონიაზე, ინფორმაციის თავისუფლების განვითარების ინსტიტუტმა (IDFI) და ილიას სახელმწიფო უნივერსიტეტმა შეაჯამეს 2022-2023 სასწავლო წლების შედეგები. შეხვედრის მონაწილეებს შესაძლებლობა ჰქონდათ მიეღოთ ინფორმაცია პროგრამის მიმდინარეობის, განვითარების და სამომავლო გეგმების შესახებ. 

 

შეხვედრა გახსნა IDFI-ის აღმასრულებელმა დირექტორმა, გიორგი კლდიაშვილმა, რომელმაც მადლობა გადაუხადა ილიას სახელმწიფო უნივერსიტეტს პროგრამის საუნივერსიტეტო სივრცეში მასპინძლობისთვის და შეხვედრის მონაწილეებს გააცნო პროგრამის ფარგლებში მიღწეული შედეგები და სამომავლო გეგმები. შეხვედრის გახსნაში, ასევე, მონაწილეობა მიიღო ილიას სახელმწიფო უნივერსიტეტის მეცნიერებათა და ხელოვნების ფაკულტეტის დეკანმა, ნინო მატარაძემ. 

 

მისასალმებელი სიტყვების შედეგ, კორუფციასთან ბრძოლის სასერტიფიკატო პროგრამის შედეგებსა და მნიშვნელობაზე ისაუბრეს პროგრამის ლექტორებმა და წინა გამოშვების კურსდამთავრებულებმა. კერძოდ, ღონისძიების მონაწილეებს სიტყვით მიმართეს გიორგი ჩხეიძემ და ლევან ნატროშვილმა, რომლებიც პროგრამის მონაწილეებს უკითხავდნენ ლექციებს შემდეგ საკითხებში: I. კარგი მმართველობა და კორუფცია, და II. კორუფცია, ფული, პოლიტიკა. მათ შეაჯამეს აკადემიური კურსები, და სტუდენტების მიერ დაგროვილი თეორიული და პრაქტიკული ცოდნა. წინა წლების კურსდამთავრებულებმა - მარიამ კაციტაძემ და ნინო ტაგანაშვილმა - მონაწილეებს გააცნეს მათი გამოცდილება, თუ როგორ დაეხმარათ აღნიშნული კურსები მათ კარიერულ და პროფესიულ წინსვლაში. ღონისძიებას ფასილიტაციას უწევდა ილიას სახელმწიფო უნივერსიტეტის ასოცირებული პროფესორი, დავით მაისურაძე. 

 

პროგრამის შედეგებისა და სამომავლო გეგმების განხილვის შემდეგ, გაიმართა 2022-2023 წლების კურსდამთავრებულთა სერტიფიკატებით დაჯილდოების ცერემონია, რომლის დროსაც დასახელდა ექვსი ყველაზე მაღალი მოსწრების კურსდამთავრებული.  

 

2022-2023 წლებში კორუფციასთან ბრძოლის სასერტიფიკატო პროგრამა შვედეთის საერთაშორისო განვითარების თანამშრომლობის სააგენტოს (Sida) ფინანსური მხარდაჭერით განხორციელდა.

 

ღონისძიების ფოტო გალერეა იხილეთ აქ.



სხვა მასალები ამ თემაზე
სიახლეები

ოთხი ქართული ორგანიზაცია ევროკავშირის წარმომადგენლობის მხარდაჭერით საქართველოში მართლმსაჯულების სისტემის გაუმჯობესებასთან დაკავშირებულ პროექტს იწყებს

21.02.2024

რეალობის ხელახალი ფორმირება: დეზინფორმაციის როლი ისტორიული ჭეშმარიტების დამახინჯებაში

16.02.2024

მაღალი დონის კორუფციის გადაუჭრელი პრობლემა საქართველოში

15.02.2024

Sockpuppet-ები და ვიკიპედია - ბრძოლის უცნობი ფრონტი

14.02.2024
განცხადებები

IDFI ეხმიანება ბაზრის კონკურენტუნარიანობისა და მნიშვნელოვანი საბაზრო ძალაუფლების მქონე ავტორიზებული პირების განსაზღვრის მეთოდოლოგიის დამტკიცების მიმდინარე პროცესს

08.02.2024

"კოალიცია ინფორმაციის სანდოობისთვის" სამოქალაქო ორგანიზაციებზე განხორციელებულ თავდასხმებს ეხმიანება

24.01.2024

კოალიციის განცხადება კეკელიძის ქუჩაზე გამოსახლების გაშუქებისას ჟურნალისტებზე ძალადობისა და დაკავების ფაქტების შესახებ

24.01.2024

სამოქალაქო ორგანიზაციები ეხმაურებიან ევროკომისიის რეკომენდაციების შესასრულებლად სამთავრობო გეგმის დამტკიცებას

09.01.2024
ბლოგპოსტები

მაღალი დონის კორუფციის გადაუჭრელი პრობლემა საქართველოში

15.02.2024

Sockpuppet-ები და ვიკიპედია - ბრძოლის უცნობი ფრონტი

14.02.2024

რუსეთის მოქალაქეების შემოდინება საქართველოში და საზოგადოებრივი უსაფრთხოების გამოწვევები

05.10.2023

ენერგეტიკული სიღარიბე და დანაშაული საქართველოში

05.10.2023