სამუშაო შეხვედრა ღია მონაცემების ხელმისაწვდომობის გასაუმჯობესებლად საქართველოს საჭიროებებისა და საერთაშორისო კარგი პრაქტიკის შესახებ

სიახლეები | ღია მმართველობა | სტატია 22 ნოემბერი 2022

2022 წლის 22 ნოემბერს, IDFI-მ გამართა სამუშაო შეხვედრა - ღია მონაცემების ხელმისაწვდომობის გაუმჯობესება: საქართველოს საჭიროებები და საერთაშორისო კარგი პრაქტიკა. ღონისძიება ეხებოდა საქართველოში ღია მონაცემების ხელმისაწვდომობას: მთავარ საჭიროებებსა და გაუმჯობესების პერსპექტივებს თანამედროვე ტენდენციებიდან გამომდინარე. კერძოდ, IDFI-ის ადგილობრივი მმართველობის, ინტერნეტისა და ინოვაციების მიმართულების ხელმძღვანელმა, თეონა ტურაშვილმა გააკეთა პრეზენტაცია საჯარო/ღია მონაცემების ხელმისაწვდომობასთან დაკავშირებით სხვადასხვა საერთაშორისო კვლევის/გამოკითხვის მიხედვით საქართველოს შედეგებზე, გამოკვეთილ მიღწევებსა და საჭიროებებზე. აქცენტი გაკეთდა თუ რა ესაჭიროება ქვეყანას აღნიშნულ გამოკითხვებში შედეგების გასაუმჯობესებლად: კანონმდებლობის გაუმჯობესება, ცალკეული მონაცემების ხელმისაწვდომობის უზრუნველყოფა, თუ მონაცემების უფრო დეტალური ფორმით გამოქვეყნება. 

 

IDFI-ის ანალიტიკოსმა, დავით ერისთავმა მიმოიხილა მსგავსი კვლევების საფუძველზე გამოკვეთილი კარგი პრაქტიკები სხვადასხვა ქვეყნიდან, რომლებიც შესაძლებელია სასარგებლო აღმოჩნდეს საქართველოსთვის ცალკეულ საკითხებზე მონაცემების ხელმისაწვდომობის გასაზრდელად. დავითმა, ასე მიმოიხილა საჯარო მონაცემების ხელმისაწვდომობასთან დაკავშირებული ევროკავშირის მთავარი დირექტივა - ღია მონაცემების დირექტივა: დირექტივის მთავარი პრინციპები და მოთხოვნები. აღნიშნული დირექტივის გათვალისწინება მნიშვნელოვანია საქართველოსთვის ევროსტანდარტებთან კანონმდებლობის ჰარმონიზაციის კუთხით. 

 

პრეზენტაციების შემდეგ გაიმართა დისკუსია საჯარო დაწესებულებების, სამოქალაქო საზოგადოებისა და კერძო სექტორის წარმომადგენლების მონაწილეობით, რომლის დროსაც დამსწრეებმა გამოთქვეს მოსაზრებები, რა შეიძლება გაკეთდეს მომავალში ღია მონაცემების ხელმისაწვდომობისა და გამოყენების წასახალისებლად.

 

სხვადასხვა ინიციატივებთან ერთად, დასახელდა შემდეგი საჭიროებები: კერძო სექტორის, სამოქალაქო საზოგადოებისა და საჯარო უწყებების საჭიროებების კვლევა/შეფასება მონაცემების ღია ფორმატში ხელმისაწვდომობის უზრუნველყოფისა და გამოყენების თვალსაზრისით, მონაცემების გამოყენებით საინტერესო აპლიკაციების/სერვისების შექმნის წახალისება, მონაცემთა წიგნიერებაზე ორიენტირებული აქტივობები, საჯარო სექტორის მხარდაჭერა / შესაძლებლობების გაძლიერება მონაცემების განკარგვისა და დამუშავების კუთხით. 


ღონისძიება გაიმართა პროექტის - ღია მონაცემების სტანდარტების ამაღლება და გამოყენების წახალისება საქართველოში - ფარგლებში. პროექტი დაფინანსებულია საერთაშორისო მედიის მხარდაჭერის (IMS - International Media Support) მიერ.

სხვა მასალები ამ თემაზე
სიახლეები

IDFI-მა კვლევის „რუსული კაპიტალი საქართველოში“ პრეზენტაცია გამართა

28.11.2022

რუსული კაპიტალი და რუსული კავშირები ქართულ ბიზნესში

28.11.2022

DRIVE-ის საპროექტო წინადადებების პრეზენტაცია საქართველოში ციფრულ გამოწვევებზე საპასუხოდ

28.11.2022

IDFI-ს პროგრამების დირექტორმა ლევან ავალიშვილმა ინფორმაციის თავისუფლების შესახებ ღია ლექცია ჩაატარა

24.11.2022
განცხადებები

საქართველო ერთადერთი ქვეყანაა, რომელიც ჯერ არ შეუერთდა ანტიკორუფციული გარემოს შესახებ OECD-ის შეფასების პროცესს

21.11.2022

IDFI შემოსავლების სამსახურის განცხადებას პასუხობს

11.11.2022

მედიის ადვოკატირების კოალიცია მიმართავს პრეზიდენტს შეიწყალოს ნიკა გვარამია

03.11.2022

ნიკა გვარამიას შეწყალების ყველა კონსტიტუციური წინაპირობა არსებობს

03.11.2022
ბლოგპოსტები

რუსული დეზინფორმაციის ტაქტიკა 2008 წლის ხუთდღიანი ომის კონტექსტში

03.11.2022

ქაოტური მშენებლობები ბათუმში ახალ მასშტაბებს იძენს

18.10.2022

საჯარო ინფორმაციის ხელმისაწვდომობა და უფლება სამართლიან სასამართლოზე

11.07.2022

ქართული პრესისა და ბეჭდვითი მედიის ცენზურის ისტორია

03.05.2022