ღია სამთავრობო მონაცემების ხელმისაწვდომობა და მათი გამოყენების პერსპექტივები

სიახლეები | კარგი მმართველობა | პუბლიკაციები | სტატია 26 ივნისი 2019

ღია სამთავრობო მონაცემების ხელმისაწვდომობა და საზოგადოების მიერ მათი გამოყენების პერსპექტივები - ამ თემაზე დღეს ბიზნესის, სტარტაპების, სამოქალაქო საზოგადოებისა და აკადემიური წრეების წარმომადგენლებმა იმსჯელეს. 

 

შეხვედრა ჩატარდა ინფორმაციის თავისუფლების განვითარების ინსტიტუტის (IDFI) ორგანიზებით, მონაცემთა გაცვლის სააგენტოსა (DEA) და საქართველოს ინოვაციების და ტექნოლოგიების სააგენტოსთან (GITA) თანამშრომლობით.


“ღია მონაცემების ხელმისაწვდომობა მნიშვნელოვან როლს ითამაშებს ინოვაციური აპლიკაციებისა და სერვისების განვითარებაში. მაგალითად, ტურიზმის მიმართულებით. რაც, ერთი მხრივ, გააუმჯობესებს სერვისებს და მეორე მხრივ, დაეხმარება ბიზნესისა და სტარტაპის წარმომადგენლებს შექმნან ახალი მომგებიანი პროდუქტები. რაც, საბოლოო ჯამში, დადებითად აისახება ქვეყნის ეკონომიკურ ზრდაზე. ამის მისაღწევად, აუცილებელია მთავრობამ ღია მონაცემების ღიაობა ციფრული ეკონომიკის განვითარების პროცესში ერთ-ერთ მთავარ პრიორიტეტად განიხილოს“. - აღნიშნა ღონისძიების გახსნით სიტყვაში IDFI-ის პროგრამების დირექტორმა ლევან ავალიშვილმა.


საქართველოს იუსტიციის სამინისტროს მონაცემთა გაცვლის სააგენტოს თავმჯდომარემ, ნიკოლოზ გაგნიძემ ხაზი გაუსვა ღია მონაცემების მნიშვნელობას და აღნიშნა, რომ თანამედროვე ტექნოლოგიების ეპოქაში ამ ტიპის მონაცემების ეფექტიან გამოყენებას მნიშვნელოვანი საზოგადო სარგებლის მოტანა შეუძლია.


„ღია მონაცემების კონცეფციის ერთ-ერთ მნიშვნელოვან პროდუქტს წარმოადგენს ღია მონაცემების პორტალი, რომელიც ჩვენი სააგენტოს მიერ არის შექმნილი და უზრუნველყოფს საჯარო დაწესებულებების ღია მონაცემების გამოქვეყნებას გამოთვლად და ადვილად გამოსაყენებელ ფორმატებში. ეს მოქალაქეებს, ბიზნესის, მასმედიის, არასამთავრობო ორგანიზაციებისა და სამთავრობო დაწესებულებებს წარმომადგენლებს საშუალებას აძლევს შეუფერხებლად ისარგებლონ აღნიშნული მონაცემებით და ზედმეტი ძალისხმევის გარეშე მიიღონ საჭირო ინფორმაცია. განსაკუთრებით მინდა აღვნიშნო, ღია მონაცემების გამოყენებით სხვადასხვა მობილური აპლიკაციისა და ელექტრონული სერვისის შექმნის შესაძლებლობა. ღია მონაცემების მეშვეობით დეველოპერი, ფაქტობრივად მზა ინფორმაციას იღებს, რათა შექმნას პრაქტიკული დანიშნულების არაერთი აპლიკაცია თუ ელექტრონული სერვისი“, - აღნიშნა ნიკოლოზ გაგნიძემ.


შეხვედრაზე DEA-ს ინფორმაციული ტექნოლოგიების პროექტების მენეჯერმა დიმიტრი გუგუნავამ ფართოდ ისაუბრა საქართველოში ღია მონაცემების ხელმისაწვდომობისა და DATA.GOV.GE -შესახებ. IDFI-ის მედიის, ინტერნეტის და ტელეკომუნიკაციების მიმართულების ხელმძღვანელმა თეონა ტურაშვილმა კი საზოგადოებას გააცნო ღია მონაცემების დახმარებით შექმნილი აპლიკაციები/სერვისები და ამ მიმართულებით არსებული საერთაშორისო გამოცდილება.

 

საინტერესო იყო ინოვაციებისა და ტექნოლოგიების სააგენტოს (GITA) ინოვაციების საზოგადოების მენეჯერის მარიამ გაგუას გამოსვლა, მან ბიზნესისა და სტარტაპებისთვის ღია მონაცემების გამოყენების მხრივ არსებულ გამოწვევებსა და შესაძლებლობებზე გაამახვილა ყურადღება.

 

შეხვედრა დაფინანსებულია ვიშეგრადის საერთაშორისო ფონდის მიერ, ვიშეგრადის გრანტების პროგრამით, ჩეხეთის, უნგრეთის, პოლონეთისა და სლოვაკეთის მთავრობების თანადაფინანსებით. ფონდის მისიაა ცენტრალურ ევროპაში მდგრადი რეგიონული იდეების წახალისება.

 

სხვა მასალები ამ თემაზე
სიახლეები

საქართველოს მიერ კორუფციის პრევენციასთან დაკავშირებით მიღებული რეკომენდაციების 70% სრულად შესრულებული არ არის

12.07.2019

საჯარო მმართველობის რეფორმის სამოქმედო გეგმა არსებულ გამოწვევებს ვერ პასუხობს

11.07.2019

რა შეიცვალა საპროკურორო საბჭოს ფუნქცია - მოვალეობებსა და დაკომპლექტების წესში?

11.07.2019

ჩართულობის მხრივ ყველაზე მაღალი ხარისხის მქონე კანონპროექტების ინიციატორი სახელმწიფო უწყებების დაჯილდოება

10.07.2019
განცხადებები

კოალიცია უზენაესი სასამართლოს მოსამართლეობის კანდიდატთა შერჩევის მიმდინარე პროცესს აფასებს

17.07.2019

პარლამენტმა სახელმწიფო ინსპექტორის სამსახურის საგამოძიებო უფლებამოსილების ამოქმედება მეოთხედ გადაავადა

09.07.2019

არასამთავრობო ორგანიზაციების განცხადება 20 ივნისს განვითარებულ მოვლენებზე

21.06.2019

კოალიცია, უზენაესი სასამართლოს მოსამართლეების შერჩევის შემდგომი ეტაპებიდან, საბჭოს ორი წევრის ჩამოცილებას მოითხოვს

20.06.2019
ბლოგპოსტები

რა საფრთხე ემუქრება გამოხატვის თავისუფლებას საქართველოში

13.05.2019

დამოკიდებულება პროკურორებისა და მოსამართლეების ქმედებების მიმართ

22.04.2019

საქართველოს მოსახლეობას განსხვავებული დამოკიდებულება აქვს საქართველოს პროკურატურის მიმართ

10.04.2019

მოსახლეობის ცოდნა და დამოკიდებულება უზენაესი სასამართლოს მოსამართლეების შერჩევის პროცესის მიმართ

21.02.2019