2022 წლის 22 მაისს, “ინფორმაციის თავისუფლების განვითარების ინსტიტუტმა“ (IDFI) ჩაატარა ტრენინგი კორუფციასთან მებრძოლთა სასერტიფიკატო პროგრამის წარმომადგენლებისთვის. ტრენინგში მონაწილეობას იღებდნენ სასერტიფიკატო პროგრამის როგორც სამაგისტრო, ასევე, საბაკალავრო საფეხურის მონაწილეები, მათ შორის ილიას სახელმწიფო უნივერსიტეტის სტუდენტები.
ტრენინგის მიმდინარეობისას „ინფორმაციის თავისუფლების განვითარების ინსტიტუტის“ (IDFI) წარმომადგენლებმა პროგრამის მონაწილეებს მიაწოდეს ინფორმაცია სპორტულ ფედერაციებში არსებული კორუფციის შესახებ. კერძოდ, შეხვედრის მონაწილეებმა განიხილეს საჯარო ინფორმაციის ხელმისაწვდომობისა და კორუფციის აღმოსაჩენად ღია წყაროების გამოყენების საკითხები და იმსჯელეს ჭიდაობისა და რაგბის ფედერაციებში კორუფციის რისკების შემთხვევებზე.
ტრენინგი მოიცავდა, როგორც თეორიულ, ასევე, პრაქტიკულ საკითხებს და მიმდინარეობდა აქტიური კითხვა-პასუხის და დისკუსიის ფონზე.
კორუფციასთან ბრძოლის სასერტიფიკატო პროგრამის განხორციელება „ინფორმაციის თავისუფლების განვითარების ინსტიტუტმა“ (IDFI) 2019 წლიდან დაიწყო ილიას სახელმწიფო უნივერსიტეტთან თანამშრომლობით.
პროგრამას ფინანსურ მხარდაჭერას უწევს ღია საზოგადოების მხარდაჭერის ფონდი პროექტის „მდგრადი ადამიანური რესურსების განვითარება კორუფციასთან საბრძოლველად“ ფარგლებში.
მედიის ადვოკატირების კოალიციის განცხადება
03.06.2025მედიის ადვოკატირების კოალიციის განცხადება
23.05.2025
სიახლეების გამოწერა
