ზუგდიდისა და სენაკის მუნიციპალიტეტებმა კეთილსინდისიერებისა და გამჭვირვალობის ამაღლების სტრატეგიები და სამოქმედო გეგმები მიიღეს

სიახლეები | კორუფციასთან ბრძოლა | სტატია | ადგილობრივი მმართველობა 13 ოქტომბერი 2020

2020 წლის 2 და 8 ოქტომბერს, ზუგდიდის და სენაკის მუნიციპალიტეტების მერების ბრძანებებით, 2020-2023 წლების კეთილსინდისიერებისა და გამჭვირვალობის ამაღლების სტრატეგიები და სამოქმედო გეგმები დამტკიცდა. სტრატეგიული დოკუმენტები მიზნად ისახავს მერიებში დაიხვეწოს მმართველობითი პროცესები, დაინერგოს ღიაობის, გამჭვირვალობისა და ადგილობრივი დონეზე მოქალაქეთა ჩართულობის მექანიზმები და ამაღლდეს საჯარო ეთიკისა და კეთილსინდისიერების სტანდარტები.

დოკუმენტები ამერიკის შეერთებული შტატების საერთაშორისო განვითარების სააგენტოს (USAID) პროექტის, ,,დემოკრატიული მმართველობის ინიციატივა (GGI) საქართველოში” (USAID GGI), ფინანსური მხარდაჭერითა და ინფორმაციის თავისუფლების განვითარების ინსტიტუტის (IDFI) მონაწილეობით მომზადდა.

 

მერიებმა ადგილობრივ დონეზე დემოკრატიული მმართველობისა და ანგარიშვალდებულების პრინციპების დასანერგად რვა ძირითადი სტრატეგიული მიმართულება განსაზღვრეს:

 

- გამჭვირვალობა

 

- საჯარო ეთიკა და კეთილსინდისიერება

 

- შიდა აუდიტი

 

- ადამიანური რესურსები

 

- მოქალაქეთა ჩართულობა და ანგარიშვალდებულება

 

- ნებართვები

 

- მერიის სახელმწიფო შესყიდვები

 

- მერიის მონაწილეობით დაფუძნებული და/ან მმართველობაში მყოფი საჯარო და კერძო სამართლის იურიდიული პირები

 

სტრატეგიების შემუშავების დროს გამოყენებულ იქნა ფაქტებზე დაფუძნებული და ინკლუზიური მიდგომები. კერძოდ, ზუგდიდისა და სენაკის მუნიციპალიტეტების მერიების წინაშე გამჭვირვალობისა და ანგარიშვალდებულების კუთხით არსებული გამოწვევების იდენტიფიცირების მიზნით, მომზადდა ანგარიშვალდებულებისა და კეთილსინდისიერების მიმართულებით არსებული სიტუაციის სიღრმისეული ანალიზი. სწორედ ანალიზის შედეგად გამოვლენილი სისტემური ხარვეზებისა და გამოწვევების საფუძველზე მოხდა სტრატეგიების მთავარი მიმართულებების, მიზნებისა და ამოცანების განსაზღვრა.

 

ორივე მუნიციპალიტეტის მერიის შემთხვევაში, სიტუაციური ანალიზი მომზადდა მერიებისა და სამოქალაქო საზოგადოების წარმომადგენლების ჩართულობით. შესწავლილ იქნა გამჭვირვალობის კუთხით არსებული მიდგომები და საჯარო ინფორმაციის ხელმისაწვდომობის ხარისხი, ადამიანური რესურსების მართვა, საჯარო სამსახურის ეთიკა, სახელმწიფო შესყიდვები, შიდა ფინანსური კონტროლის და გადაწყვეტილებების მიღების პროცესში მოქალაქეთა მონაწილეობის უზრუნველყოფის ხარისხი და არსებული გამოწვევები. ამისთვის გაანალიზდა არსებული ანტიკორუფციული საკანონმდებლო ჩარჩო და პოლიტიკის განმსაზღვრელი დოკუმენტები, ასევე, საქართველოსთან მიმართებაში დემოკრატიული მმართველობის საკითხებზე მომზადებული ანგარიშები და რეკომენდაციებია, მათ შორის OECD-ACN/GRECO-ს მონიტორინგი ანგარიშები და სტანდარტები. ამავდროულად, გამოყენებულ იქნა საქართველოს აუდიტის სამსახურის მიერ მომზადებული ზუგდიდის და სენაკის მუნიციპალიტეტების ბიუჯეტებით გათვალისწინებული პროგრამების აუდიტის ანგარიშები.

 

ადგილობრივი დაინტერესებული მხარეების მოსაზრებების გათვალისწინების მიზნით, გაიმართა ფოკუს ჯგუფ ინტერვიუები ადგილობრივ არასამთავრობო ორგანიზაციების წარმომადგენლებთან, ჟურნალისტებსა და აქტივისტებთან. ასევე, ორივე მუნიციპალიტეტის შემთხვევაში, სტრატეგიისა და სამოქმედო გეგმის სამუშაო ვერსიის შესახებ მოეწყო საჯარო განხილვა, სადაც ადგილობრივ დაინტერესებულ მხარეებს შესაძლებლობა ჰქონდათ გამოეთქვათ საკუთარი მოსაზრებები და მერიების წარმომადგენლებისთვის შეეთავაზებინათ ახალი ინიციატივები.

 

მიღებული სტრატეგიული დოკუმენტების სრულყოფილად აღსრულება შესაძლებლობას მისცემთ ორივე მუნიციპალიტეტის მერიის წარმომადგენლებს უკეთ უპასუხონ ადგილობრივ გამოწვევებსა და მოქალაქეების საჭიროებებს, გააუმჯობესონ მმართველობის სისტემა, გაზარდონ საზოგადოების ნდობა, შეამცირონ კორუფციული რისკები და გაზარდონ მუნიციპალური სერვისების მიწოდების ხარისხი.

სხვა მასალები ამ თემაზე
სიახლეები

ამბროლაურისა და ლანჩხუთის მუნიციპალიტეტებმა გამჭვირვალობის და კეთილსინდისიერების ამაღლების სტრატეგიები და სამოქმედო გეგმები მიიღეს

26.01.2022

ადამიანის უფლებათა ევროპული სასამართლოს და ევროკავშირის მართლმსაჯულების სასამართლოს მიერ მიღებული გადაწყვეტილებების კრებული

26.01.2022

საქართველოში გარდაცვლილთა სტატისტიკა

26.01.2022

კორუფციასთან ბრძოლის სასერტიფიკატო პროგრამის მონაწილეთა სასწავლო ვიზიტი მოლდოვაში

24.01.2022
განცხადებები

პრეზიდენტისადმი მოწოდება „საერთო სასამართლოების შესახებ“ ორგანულ კანონში მიღებულ საკანონმდებლო ცვლილებაზე ვეტოს დადების თაობაზე

13.01.2022

სახელმწიფო ინსპექტორის აპარატის გაუქმების საკანონმდებლო ცვლილებაზე ვეტოს დადების შესახებ

05.01.2022

2021 წლის 28 დეკემბერს რუსეთის ფედერაციის უზენაესმა სასამართლომ საზოგადოება საერთაშორისო მემორიალის ლიკვიდაციის გადაწყვეტილება მიიღო

29.12.2021

კოალიცია „საერთო სასამართლოების შესახებ“ ორგანულ კანონში ცვლილებების დაჩქარებული წესით განხილვას ეხმაურება

28.12.2021
ბლოგპოსტები

ციფრული სერვისები, როგორც სახელმწიფოს, ბიზნესსა და მოქალაქეებს შორის ინტერაქციის პირდაპირი საშუალება MY.GOV.GE-ს მაგალითზე

23.01.2022

პოლიტიკური დაფინანსების ანგარიშვალდებულებისა და გამჭვირვალობის გამოწვევები საქართველოში

22.01.2022

სამოხელეო პოლიტიკისა და საჯარო სამსახურის გამოწვევები საქართველოს საჯარო მმართველობის სისტემაში

22.01.2022

იმერეთის რეგიონში სპორტის მუნიციპალური პოლიტიკის და მერიებს დაქვემდებარებული სპორტული ორგანიზაციების საქმიანობის ანალიზი

17.01.2022