მომხმარებლის ხმა მიმდინარე წლის ღია მმართველობის ჯილდოს კონკურსზე

სიახლეები | პუბლიკაციები | ღია მმართველობის პარტნიორობა | სტატია 18 ივნისი 2015

2015 წლის 7 მაისს, საქართველოს იუსტიციის სამინისტროში გაიმართა ღია მმართველობა საქართველოს ფორუმის მეცამეტე შეხვედრა. ფორუმის შეხვედრას თავმჯდომარეობდნენ იუსტიციის სამინისტროს ანალიტიკური დეპარტამენტის უფროსი ზურაბ სანიკიძე და ,,ინფორმაციის თავისუფლების განვითარების ინსტიტუტის“ (IDFI) დირექტორი გიორგი კლდიაშვილი. შეხვედრაზე განიხილეს საქართველოში „ღია მმართველობის პარტნიორობის“ (OGP) ჩასატარებელი რეგიონული კონფერენციის, 2015 წლის „ღია მმართველობის პარტნიორობის“ ჯილდოს და სამოქმედო გეგმის შესრულების პროგრესის საკითხები.

ღია მმართველობა საქართველოს ფორუმის (შემდგომში - ფორუმი) მომხსენებელმა, ბ-ნმა ზურაბ სანიკიძემ ფორუმს მიაწოდა ინფორმაცია 2015 წლის 21-23 აპრილს მეხიკოში გამართული OGP-ის მმართველი კომიტეტის შეხვედრის შესახებ. შეხვედრაში მონაწილეობა მიიღო საქართველოს იუსტიციის მინისტრმა, თეა წულუკიანმა და ღია მმართველობა საქართველოს ფორუმის მომხსენებელმა, ზურაბ სანიკიძემ.


ფორუმმა იმსჯელა 2015 წლის ღია მმართველობის ჯილდოს კონკურსზე საქართველოს მონაწილეობის შესახებ. მიმდინარე წელს საკონკურსო თემაა სახელმწიფო სერვისების განვითარება, რაც OGP-ის მიერ გამჭვირვალე მმართველობის ერთ-ერთ ძირითად კომპონენტად არის მიჩნეული. ფორუმის წევრებმა იმ პროექტების შესახებ იმსჯელეს, რომლებიც, მათი მოსაზრებით, კონკურსზე წარდგენის შემთხვევაში, საქართველოს წარმატებულ შედეგს მოუტანს. ფორუმის გადაწყვეტილებით საქართველო მიმდინარე წლის ღია მმართველობის ჯილდოს კონკურსზე წარადგენს ღია მმართველობა საქართველოს 2014-2015 წლების სამოქმედო გეგმის ფარგლებში განხორციელებულ პროექტს - „მომხმარებლის ხმა“, რომლის მთავარი მიზანია, მოქალაქეების კომენტარებისა და შეფასებების გათვალისწინებით, საჯარო სერვისების მიწოდების ხარისხის გაუმჯობესება. ამავდროულად ევროკავშირთან ასოცირების ხელშეკრულება ითვალისწინებს მომხმარებელთა უფლებების დაცვის თვალსაზრისით ევროკავშირის რეგულაციებთან დაახლოებას. შესაბამისად, საქართველოს მიერ წარდგენილი ჯილდოს გამარჯვება კარგი გზავნილი იქნება ევროკავშირსთვისაც, რადგან ხაზი გაესმება მომხარებელთა უფლებების დაცვის საკითხს.


ფორუმმა განიხილა ვალდებულებების შესრულების პროგრესი. კერძოდ, ფორუმმა მოისმინა სსიპ - საარჩევნო სისტემების განვითარების, რეფორმებისა და სწავლების ცენტრის, ფინანსთა სამინისტროსა და სსიპ სახელმწიფო შესყიდვების სააგენტოს ანგარიშები ღია მმართველობის სამოქმედო გეგმის ფარგლებში აღებული ვალდებულებების შესრულების შესახებ. საარჩევნო სისტემების განვითარების, რეფორმებისა და სწავლების ცენტრის წარმომადგენელმა საარჩევნო პროცესების შესახებ საზოგადოების ცნობიერების ამაღლების მიზნით გადადგმული ნაბიჯებისა და განხორციელებული პროექტების შესახებ ისაუბრა. სსიპ - შესყიდვების სააგენტომ დეტალურად მიმოიხილა სახელმწიფო შესყიდვების ელექტრონული სისტემის გაფართოებისა და მასში კონკურსის ელექტრონული მოდულის ინტეგრირების სამუშაო პროცესი. ფინანსთა სამინისტროს წარმომადგენელმა ფორუმს გააცნო საბიუჯეტო პროცესთან დაკავშირებით საზოგადოების ინფორმირების ეფექტური მექანიზმის ჩამოყალიბების მიზნით განხორციელებული აქტივობები და სამომავლო გეგმები.


შეხვედრის მონაწილეები შეთანხმდნენ, რომ ღია მმართველობა საქართველოს ფორუმის მომდევნო შეხვედრა ჩატარდება OGP-ის რეგიონული კონფერენციის ჩატარების შემდეგ.

 

სხვა მასალები ამ თემაზე
სიახლეები

ღია მონაცემების მნიშვნელობა პანდემიასთან ბრძოლაში: საერთაშორისო მაგალითები და საქართველო

08.04.2020

IDFI-ს მოსაზრებები სასამართლოს აქტების ხელმისაწვდომობის უზრუნველსაყოფად განსახორციელებელ საკანონმდებლო ცვლილებებზე

07.04.2020

პანდემია და კორუფციული რისკები

07.04.2020

IDFI-ს მოსაზრებები მართლმსაჯულებისა და ადამიანის უფლებათა დაცვის საკითხებზე

05.04.2020
განცხადებები

ხელმომწერი ორგანიზაციები უზენაესი სასამართლოს პლენუმს მოუწოდებენ საგანგებო მდგომარეობის დასრულებამდე თავი შეიკავოს საკონსტიტუციო სასამართლოს მოსამართლის დანიშვნისგან

03.04.2020

საზოგადოებრივი ორგანიზაციები აჭარის მაუწყებელში მიმდინარე საგანგაშო პროცესებზე საერთაშორისო ორგანიზაციებს კოლექტიურად მიმართავენ

17.03.2020

კოალიცია უზენაესი სასამართლოს თავმჯდომარის თანამდებობაზე ასარჩევად ნინო ქადაგიძის წარდგენას ეხმიანება

13.03.2020

კოალიციის განცხადება მოსამართლეთა დისციპლინურ სამართალწარმოებასთან დაკავშირებული ხარვეზების თაობაზე

05.03.2020
ბლოგპოსტები

უზენაესი სასამართლოს მოსამართლეების დანიშვნა: რა იცის საქართველოს მოსახლეობამ და რა დამოკიდებულება აქვს ამ პროცესის მიმართ

29.03.2020

ემოციური უსაფრთხოება საქართველოს ზოგადსაგანმანათლებლო დაწესებულებებში - მოსწავლეთა დარღვევებისა და ჩაგვრის შემთხვევების სტატისტიკის ანალიზი

20.03.2020

ქალაქ ფოთში ატმოსფერული ჰაერის დაბინძურებასა და თევზის გადამუშავებასთან დაკავშირებული ეკოლოგიური პრობლემების ანალიზი - ანუ ცხოვრება ზღვისპირა ქალაქში ჰაერის გარეშე

20.03.2020

არაგადამდები (ქრონიკული) დაავადებების სამკურნალო მედიკამენტებით უზრუნველყოფის სახელმწიფო პროგრამის მიმოხილვა

20.03.2020