ირაკლი ღარიბაშვილი ნიუ-იორკში OGP-ის საიუბილეო საღამოზე სიტყვით გამოვა

სიახლეები | პუბლიკაციები | ღია მმართველობის პარტნიორობა | სტატია 18 სექტემბერი 2014

24 სექტემბერს საქართველოს პრემიერ მინისტრი ირაკლი ღარიბაშვილი ნიუ იორკში „ღია მმართველობის პარტნიორობის“ (OGP) მესამე საიუბილეო შეკრებაზე სიტყვით გამოვა. შეხვედრაში მონაწილეებს სიტყვით ასევე მიმართავენ OGP-ის მმართველი კომიტეტის სხვა წევრი სახელმწიფოების ლიდერები, კერძოდ აშშ-ს პრეზიდენტი ბარაკ ობამა, მექსიკის და ინდონეზიის პრეზიდენტები, აგრეთვე სამხრეთ აფრიკის, ტანზანიის, ხორვატიის, მონტენეგროსა ნორვეგიის პირველი პირები.

ღონისძიება, რომლის სახელწოდებაა „ღია მმართველობის პარტნიორობა: მოქალაქეთა აქტიურობა, მთავრობის პასუხისმგებლობა“ გაეროს გენერალური ასამბლეის 69-ე სესიის ნაწილი იქნება. შეხვედრის მიზანია ქვეყნებმა ერთმანეთს გაუზიარონ თუ რა პროგრესს მიაღწიეს მთავრობის საქმიანობაში მოქალაქეთა ჩართულობის გაზრდის თვალსაზრისით.

24 სექტემბერსვე გამოცხადდება OGP-ის პირველი ჯილდოს მფლობელი მოქალაქეთა ჩართულობისთვის, გამოვლინდება სამი საუკეთესო ინიციატივა, რომელიც ფოკუსირებულია იმაზე, თუ როგორ უნდა ჩაერთვნენ მოქალაქეები და დაეხმარონ მთავრობას გამჭვირვალეობასა და ანგარიშვალდებულების გაუმჯობესებაში.

OGP-ის წევრი 64 ქვეყნის მთავრობა და სამოქალაქო საზოგადოება ერთად მუშაობს იმისათვის, რომ ხელისუფლება უფრო მეტად პასუხისმგებლიანი გახდეს. მიუხედავად მნიშვნელოვანი მიღწევებისა, კიდევ ბევრი პრობლემა რჩება იმისათვის, რომ მოქალაქეებს უფრო მეტი ნდობა ჰქონდეთ, ჩაერთვნენ და მიიღონ მონაწილეობა მმართველობით გადაწყვეტილებებში.

სწორედ ამ თემებზე სასაუბროდ 24 სექტემბერს დილით ფორდის ფონდთან ერთად გაიმართება საქმიანი საუზმე სამოქალაქო საზოგადოების ლიდერებთან, სადაც სიტყვით გამოვა „ინფორმაციის თავისუფლების განვითარების ინსტიტუტის“ (IDFI) დირექტორი გიორგი კლდიაშვილი.

შეხვედრის მონაწილეები ისაუბრებენ OGP-ის მიღწევებსა და გამოწვევებზე, იმსჯელებენ იმაზე, თუ როგორ გამოიყენონ OGP-ის პლატფორმა უფრო მეტი პროგრესის მისაღწევად, განიხილავენ რა აქტივობებია უფრო ეფექტური, რომელი არ მუშაობს და როგორ შეიძლება გააერთიანონ ძალები შედეგის მისაღწევად.

 

25 სექტემბერს კი გაიმართება OGP-ის მმართველი კომიტეტის შეხვედრა, სადაც რამდენიმე ქვეყანა ახალ სამოქმედო გეგმას წარადგენს, შეხვედრაზე წარმოდგენილი იქნება OGP-ის 2015 წლის პრიორიტეტებიც. მართველი კომიტეტის სხდომაზე საქართველოს წარმოადგენს იუსტიციის მინისტრი თეა წულუკიანი, პირველი მოადგილე ალექსანდრე ბარამიძე და ანალიტიკური დეპარტამენტის უფროსი რუსუდან მიხელიძე.

 

სხვა მასალები ამ თემაზე
სიახლეები

IDFI-მ ონლაინ კონფერენცია - კიბერუსაფრთხოების საერთაშორისო სტანდარტები და საქართველო გამართა

24.09.2020

კიბერუსაფრთხოების რეფორმა საქართველოში: არსებული გამოწვევები, საერთაშორისო პრაქტიკა და რეკომენდაციები

23.09.2020

ფარული მიყურადება საქართველოში - კანონმდებლობისა და პრაქტიკის ანალიზი

18.09.2020

რუსული საინფორმაციო ომი ლუგარის ლაბორატორიის წინააღმდეგ

16.09.2020
განცხადებები

IDFI-ს განცხადება სასამართლოს გადაწყვეტილებების ხელმისაწვდომობის თაობაზე

24.09.2020

არასამთავრობოები მოქმედი მოსამართლეების წინააღმდეგ წარმოებული სისხლის სამართლის საქმეებზე ინფორმაციის გაასაჯაროებას მოითხოვენ

11.09.2020

კოალიცია საქართველოს პარლამენტში ინიცირებულ „საერთო სასამართლოების შესახებ” საქართველოს ორგანულ კანონში შესატან ცვლილებათა კანონპროექტს ეხმიანება

08.09.2020

მოვუწოდებთ კომუნიკაციების კომისიას შეასრულოს ობიექტური და მიუკერძოებელი დამკვირვებლის როლი წინასაარჩევნო და საარჩევნო პროცესებში მედიის მონიტორინგისას

20.08.2020
ბლოგპოსტები

კიბერშეტევა ჯანდაცვის სამინისტროზე და რუსული კვალი

03.09.2020

გამჭვირვალე სახელმწიფო შესყიდვების რეიტინგში უკრაინის წამყვანი პოზიცია საშიშროების წინაშე დგას

02.09.2020

რუსული სპორტი და პოლიტიკა

13.08.2020

12 წელი 2008 წლის აგვისტოს ომიდან: რუსული დეზინფორმაცია და რეალური ფაქტები

07.08.2020