საზოგადოების როლის გაძლიერება ღია პარლამენტის სამოქმედო გეგმის შექმნის პროცესში

სიახლეები | პუბლიკაციები | ღია მმართველობის პარტნიორობა | სტატია 18 ივნისი 2015

12 თებერვალს პარლამენტის თავმჯდომარის ბრძანების საფუძველზე შეიქმნა საპარლამენტო ინტერ-ფრაქციული ჯგუფი საქართველოს „ღია პარლამენტი“-ს სამოქმედო გეგმაზე სამუშაოდ. პარალელურად შეიქმნა სამუშაო ჯგუფი, რომელიც შედგება არასამთავრობო და საერთაშორისო ორგანიზაციების წარმომადგენლებისაგან. სამუშაო ჯგუფი კონსულტაციას უწევს ინტერფრაქციულ ჯგუფს „ღია პარლამენტი“-ს სამოქმედო გეგმის შემუშავებასთან დაკავშირებულ მნიშვნელოვან საკითხებზე. ამ მიზნით უკვე ჩატარდა სამი შეხვედრა პარლამენტის წევრებს, საერთაშორისო ორგანიზაციებისა და სამოქალაქო საზოგადოების წარმომადგენლებს შორის.


საპარლამენტო ღიაობის მისაღწევად ერთ-ერთ უმნიშვნელოვანეს კომპონენტად მიჩნეულია მოქალაქეთა ჩართულობის გაზრდის ელემენტი. სწორედ საზოგადოების ჩართულობაა განსაზღვრული საპარლამენტო ღიაობის ხუთი ძირითადიდან ერთ-ერთ მიმართულებად. „ღია პარლამენტი“-ს სამოქმედო გეგმაში გასათვალიწინებელი ვალდებულებების შესახებ მოქალაქეთა პოზიციის დასაფიქსირებლად IDFI-მ ჩაატარა გამოკითხვა, რომელიც მიმდინარეობდა 29 აპრილიდან 19 მაისის დროის შუალედში.

 

საპარლამენტო ღიაობის თემაზე მომზადებული კვლევის შედეგად გამოკვეთილი შვიდი საკითხიდან, რომელიც გამოკითხვაში იყო მითითებული, მომხმარებლებს უნდა აერჩიათ სამი ყველაზე მნიშვნელოვანი მათგანი. მოსახლეობის მხრიდან დაფიქსირდა შემდეგი მოსაზრებები: გამოკითხულთა 61.3 %-ს აქტუალურად მიაჩნია, პარლამენტის ვებ-გვერდის მეშვეობით კანონპროექტებზე კომენტარის დატოვების შესაძლებლობა; გამოკითხულებს არანაკლებ მნიშვნელოვნად მიაჩნიათ საქართველოს ბიუჯეტთან დაკავშირებულ საკითხების განხილვაში მოქალაქეთა ჩართულობის შესაძლებლობა (58,4%) და პარლამენტის ვებ-გვერდის მეშვეობით ელექტრონული პეტიციების წარდგენის მექანიზმის დანერგვა (57,3%). უნდა აღინიშნოს, რომ გამოკითხვას სულ 1280 ადამიანი გაეცნო, ხოლო მათმა 25%-მა - 320 მომხმარებელმა - საკუთარი აზრი დააფიქსირა.

 

 

მონაწილეთა 62% იყო მდედრობითი სქესის წარმომადგენელი, 38% - მამრობითი. გარდა შემოთავაზებული ვარიანტებისა, რესპოდენტების მხრიდან დაფიქსირდა შემდეგი მოსაზრებები „კანონპროექტების ელექტრონული წარმოების დანერგვა, რომელიც იმავდროულად უზრუნველყოფს ნებისმიერ ეტაპზე კანონპროექტის აქტუალური ვერსიის ავტომატურ ხელმისაწვდომობას“, „კომიტეტების დღისწესრიგების და განსახილველი პროექტების დროულად ხელმისაწვდომობა ვებ-გვერდზე და გამოწერით”, „ნორმატიული აქტების განთავსება ინლისურ ენაზე“ და სხვ.


IDFI, როგორც საპარლამენტო ღიაობის საქართველოს სამოქმედო გეგმაზე მომუშავე სამუშაო ჯგუფის ერთ-ერთი წარმომადგენელი, თავის მხრივ ყველანაირად ეცდება მოსახლეობის სათქმელი მიიტანოს ინტერ-ფრაქციული ჯგუფის წევრებამდე, რომლებმაც საბოლოო ჯამში უნდა მიიღონ „ღია პარლამენტი“-ს სამოქმედო გეგმა. IDFI სამუშაო პროცესში მხარს დაუჭერს იმ რეკომენდაციებს, რომლებმაც ყველაზე მეტი მხარდაჭერა მოიპოვა გამოკითხვის პროცესში.

სხვა მასალები ამ თემაზე
სიახლეები

IDFI-მ ადამიანის უფლებათა დაცვის ახალ სტრატეგიასთან დაკავშირებით მოსაზრებები წარადგინა

03.04.2020

გამოხატვის თავისუფლება და ტექნოლოგიები - ადამიანის უფლებათა ევროპული სასამართლოს 2020 წლის 20 იანვრის გადაწყვეტილება

02.04.2020

უზენაესი სასამართლოს მოსამართლეების დანიშვნა: რა იცის საქართველოს მოსახლეობამ და რა დამოკიდებულება აქვს ამ პროცესის მიმართ

29.03.2020

საქართველო კანონის უზენაესობის 2020 წლის ინდექსში

26.03.2020
განცხადებები

ხელმომწერი ორგანიზაციები უზენაესი სასამართლოს პლენუმს მოუწოდებენ საგანგებო მდგომარეობის დასრულებამდე თავი შეიკავოს საკონსტიტუციო სასამართლოს მოსამართლის დანიშვნისგან

03.04.2020

საზოგადოებრივი ორგანიზაციები აჭარის მაუწყებელში მიმდინარე საგანგაშო პროცესებზე საერთაშორისო ორგანიზაციებს კოლექტიურად მიმართავენ

17.03.2020

კოალიცია უზენაესი სასამართლოს თავმჯდომარის თანამდებობაზე ასარჩევად ნინო ქადაგიძის წარდგენას ეხმიანება

13.03.2020

კოალიციის განცხადება მოსამართლეთა დისციპლინურ სამართალწარმოებასთან დაკავშირებული ხარვეზების თაობაზე

05.03.2020
ბლოგპოსტები

უზენაესი სასამართლოს მოსამართლეების დანიშვნა: რა იცის საქართველოს მოსახლეობამ და რა დამოკიდებულება აქვს ამ პროცესის მიმართ

29.03.2020

ემოციური უსაფრთხოება საქართველოს ზოგადსაგანმანათლებლო დაწესებულებებში - მოსწავლეთა დარღვევებისა და ჩაგვრის შემთხვევების სტატისტიკის ანალიზი

20.03.2020

ქალაქ ფოთში ატმოსფერული ჰაერის დაბინძურებასა და თევზის გადამუშავებასთან დაკავშირებული ეკოლოგიური პრობლემების ანალიზი - ანუ ცხოვრება ზღვისპირა ქალაქში ჰაერის გარეშე

20.03.2020

არაგადამდები (ქრონიკული) დაავადებების სამკურნალო მედიკამენტებით უზრუნველყოფის სახელმწიფო პროგრამის მიმოხილვა

20.03.2020