მოგეხსენებათ, რომ საქართველოს შინაგან საქმეთა სამინისტრომ დღეს გამოაქვეყნა ქვეყნის მასშტაბით დაფიქსირებული დანაშაულის სტატისტიკური მონაცემები. IDFI მიესალმება სამინისტროს მხრიდან აღნიშნული მონაცემების საზოგადოებისთვის გაცნობას, თუმცა აღსანიშნავია ის ფაქტი რომ, სამწუხაროდ,შინაგან საქმეთა სამინსიტროს მიერ არ ხდება სტატისტიკური მონაცემების ჩაშლა დანაშაულის სახეების მიხედვით.  IDFI – იმ, სამინისტროს, აღნიშნული მოთხოვნით, მიმართა ჯერ კიდევ 2013 წლის 12 აპრილს, მაგრამ შსს-მ აღნიშნული სტატისტიკის გასაჯაროებისგან  თავი შეიკავა.

დღეს, შსს-ს კვლავ გაეგზავნა საჯარო ინფორმაციის მოთხოვნა ქალაქ თბილისში დაფიქსირებულ დანაშაულთა რაოდენობის შესახებ, დანაშაულის სახეების მიხედვით.

ინსტიტუტი გამოთქვამს იმედს, რომ სამინისტრო ამჯერად სრულყოფილად  დააკმაყოფილებს ინსტიტუტის მოთხოვნას და უფრო გამჭვირვალეს გახდის მათ მიერ გამოქვეყნებულ  სტატისტიკურ მონაცემებს.