ინფორმაციის თავისუფლების განვითარების ინსტიტუტის ორგანიზებით მრგვალი მაგიდა გაიმართა

სიახლეები 5 ივნისი 2014

5 ივნისს ინფორმაციის თავისუფლების განვითარების ინსტიტუტმა და გადასახადის გადამხდელთა კავშირმა სასტუმრო ვერე პალასში გამართა მრგვალი მაგიდა, სადაც განხილული იყო სახელმწიფო საწარმოების მიმართ არსებული ფინანსურ-სამართლებრივი რეგულაციები და ბალტიისპირეთის ქვეყნების პოლიტიკა სახელმწიფოს საკუთრებაში არსებულ საწარმოებთან დაკავშირებით.


შეხვედრის პირველი ნაწილი დაეთმო პროექტის ექსპერტების მოხსენებებს. გიგლა მიქაუტაძემ, გადასახადის გადამხდელთა კავშირის წარმომადგენელმა ისაუბრა ბალტიისპირეთის ქვეყნების გამოცდილებაზე სახელმწიფო საკუთრებაში არსებულ საწარმოებთან დაკავშირებით. პროექტის ფარგლებში ესტონეთის, ლატვიისა და ლიტვის სოფლის მეურნეობის სამინისტროებმა მზადყოფნა გამოთქვეს თანამშრომლობაზე და პროექტის გუნდს მიაწოდეს დეტალური ინფორმაცია იმ პროცესების შესახებ, რაც თითოეულ ქვეყანაში წარიმართა საბჭოთა კავშირის დანგრევის შემდეგ, სახლემწიფო საკუთრებაში არსებული საწარმოების გასხვისების კუთხით. ინფორმაციის თავისუფლების განვითარების ინსტიტუტის იურისტმა, თათია ელიაძემ ისაუბრა სახელმწიფო საწარმოების საფინანსო-სამართლებრივ რეგულირებაზე, სადაც შეაჯამა დღესდღეისობით ქართული სახელმწიფოს წინაშე არსებული გამოწვევები პრივატიზაციის პროცესში და მონაწილეებს გააცნო სხვა ქვეყნების მაგალითი. 

 

შეხვედრას ესწრებოდნენ სხვადასხვა სახელმწიფო უწყებების, არასამთავრობო და სამოქალაქო სექტორის წარმომადგენლები. დისკუსია საკმაოდ საინტერესოდ წარიმართა. მონაწილეებმა ისაუბრეს რამდენად ეფექტურია შპს-ების სააქციო საზოგადოებად გარდაქმნა და რას მოიტანს ეს ცვლილება გარდა გამჭვირვალობისა.

 

ღონისძიება ჩატარდა პროექტის „სახელმწიფო საწარმოები საქართველოში და მათი ეფექტიანობა; ფოკუსი: სოფლის მეურნეობა“- ფარგლებში, რომელიც აღმოსავლეთ-დასავლეთის მართვის ინსტიტუტის (EWMI) პროგრამის “საჯაროპოლიტიკის, ადვოკატირებისა და სამოქალაქო საზოგადოების განვითარება საქართველოში” (G-PAC) მხარდაჭერით ხორციელდება.

სხვა მასალები ამ თემაზე
სიახლეები

IDFI-მ რეპრესირებულთა საყოფაცხოვრებო სუბსიდიის გაზრდის მიზნით კამპანია დაიწყო

06.07.2020

სსიპ-ების და სხვა დამოუკიდებელი საჯარო დაწესებულებების ავტოპარკი და საწვავის ხარჯები

01.07.2020

ღია მმართველობის მუდმივმოქმედმა საპარლამენტო საბჭომ პირველი ონლაინ სხდომა ჩაატარა

30.06.2020

ონლაინ დისკუსია - სახელმწიფო არქივების ღიაობის შეფასება ყოფილ საბჭოთა და აღმოსავლეთის ბლოკის ქვეყნებში

29.06.2020
განცხადებები

კოალიცია მედია ადვოკატირებისთვის განცხადებას ავრცელებს

26.06.2020

მოვუწოდებთ კახა კალაძეს იფიქროს ჟურნალისტების უსაფრთხოებაზე

24.06.2020

ინფორმაციული უსაფრთხოების შესახებ კანონპროექტი მეორე მოსმენის რეჟიმს დაუბრუნდა

23.06.2020

კოალიცია პარლამენტს მოუწოდებს, კლანური მმართველობის შესახებ დადგენილების პროექტს მხარი დაუჭიროს

23.06.2020
ბლოგპოსტები

კოვიდ-19-ის დროს რუსეთის ფედერაციის კანონმდებლობაში შეტანილი ცვლილებები

15.06.2020

Covid 19-ის გავლენა საარჩევნო პროცესებზე მსოფლიოში

11.06.2020

ივანე ჯავახიშვილი და საქართველოს დამოუკიდებლობა

26.05.2020

მეორე მსოფლიო ომში გამარჯვების დღის მითვისება რუსული პროპაგანდის მიერ

08.05.2020